Jharkhand ਵਿਧਾਨ ਸਭਾ ਚੋਣਾਂ 2024 : ਪਹਿਲੇ ਪੜਾਅ ‘ਚ 43 ਸੀਟਾਂ ‘ਤੇ ਵੋਟਿੰਗ ਅੱਜ ; 683 ਉਮੀਦਵਾਰ ਮੈਦਾਨ ‘ਚ
ਚੰਡੀਗੜ੍ਹ, 13ਨਵੰਬਰ(ਵਿਸ਼ਵ ਵਾਰਤਾ) ਅੱਜ ਝਾਰਖੰਡ ਵਿਧਾਨ ਸਭਾ ਚੋਣਾਂ ਦੇ ਪਹਿਲੇ ਪੜਾਅ ‘ਚ 15 ਜ਼ਿਲਿਆਂ ਦੀਆਂ 43 ਸੀਟਾਂ ‘ਤੇ ਵੋਟਿੰਗ ਹੋ ਰਹੀ ਹੈ। ਇਸ ਵਿੱਚ 1.37 ਕਰੋੜ ਵੋਟਰ ਸ਼ਾਮਲ ਹੋਣਗੇ। ਪਹਿਲੇ ਪੜਾਅ ਦੀਆਂ 43 ਸੀਟਾਂ ਵਿੱਚੋਂ 14 ਸੀਟਾਂ ਕੋਲਹਾਨ ਵਿੱਚ, 13 ਸੀਟਾਂ ਦੱਖਣੀ ਛੋਟਾਨਾਗਪੁਰ ਵਿੱਚ, 9 ਸੀਟਾਂ ਪਲਾਮੂ ਵਿੱਚ ਅਤੇ 7 ਸੀਟਾਂ ਉੱਤਰੀ ਛੋਟਾਨਾਗਪੁਰ ਵਿੱਚ ਹਨ। ਚੋਣ ਕਮਿਸ਼ਨ ਮੁਤਾਬਕ ਪਹਿਲੇ ਪੜਾਅ ਵਿੱਚ 683 ਉਮੀਦਵਾਰ ਮੈਦਾਨ ਵਿੱਚ ਹਨ। ਇਨ੍ਹਾਂ ਵਿੱਚੋਂ 43 ਮਹਿਲਾ ਉਮੀਦਵਾਰ ਹਨ।
ਜ਼ਿਕਰਯੋਗ ਹੈ ਕਿ ਸੂਬੇ ਦੀਆਂ 81 ਵਿਧਾਨ ਸਭਾ ਸੀਟਾਂ ‘ਤੇ ਦੋ ਪੜਾਵਾਂ ‘ਚ ਵੋਟਿੰਗ ਹੋਵੇਗੀ, ਜਿਸ ਵਿੱਚ ਪਹਿਲੇ ਪੜਾਅ ਲਈ ਅੱਜ 13 ਨਵੰਬਰ ਅਤੇ ਦੂਜੇ ਪੜਾਅ ਵਿੱਚ 20 ਨਵੰਬਰ ਨੂੰ ਵੋਟਿੰਗ ਹੋਵੇਗੀ। ਨਤੀਜੇ 23 ਨਵੰਬਰ ਨੂੰ ਆਉਣਗੇ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
