PUNJAB : ਪ੍ਰੋ. ਨਵਦੀਪ ਸਿੰਘ ਗਿੱਲ ਦੀ ‘ਉੱਡਣਾ ਬਾਜ਼’ ਨੂੰ ਅੱਜ ਮਿਲੇਗਾ ਸਰਬੋਤਮ ਪੁਸਤਕ ਐਵਾਰਡ
ਚੰਡੀਗੜ੍ਹ, 5 ਨਵੰਬਰ(ਵਿਸ਼ਵ ਵਾਰਤਾ) ਨੌਜਵਾਨ ਖੇਡ ਲੇਖਕ ਪ੍ਰੋ. ਨਵਦੀਪ ਸਿੰਘ ਗਿੱਲ ਵੱਲੋਂ ਭਾਰਤ ਦੇ ਪਹਿਲੇ ਅਰਜਨ ਐਵਾਰਡੀ ਗੁਰਬਚਨ ਸਿੰਘ ਰੰਧਾਵਾ ਦੀ ਲਿਖੀ ਜੀਵਨੀ ‘ਉੱਡਣਾ ਬਾਜ਼’ ਨੂੰ ਭਾਸ਼ਾ ਵਿਭਾਗ ਵੱਲੋਂ ਸਾਲ 2022 ਦੀ ਸਰਬੋਤਮ ਪੁਸਤਕ ਚੁਣਿਆ ਗਿਆ ਹੈ। ਅੱਜ 5 ਨਵੰਬਰ ਨੂੰ ਭਾਸ਼ਾ ਭਵਨ ਦੇ ਵਿਹੜੇ ਵਿਚ ਭਾਸ਼ਾਵਾਂ ਬਾਰੇ ਮੰਤਰੀ ਹਰਜੋਤ ਸਿੰਘ ਬੈਂਸ ਵੱਲੋਂ ਸਰਬੋਤਮ ਪੁਸਤਕ ਲਈ ਨਵਦੀਪ ਸਿੰਘ ਗਿੱਲ ਨੂੰ ‘ਭਾਈ ਵੀਰ ਸਿੰਘ ਐਵਾਰਡ (ਜੀਵਨੀ/ਟੀਕਾਕਾਰੀ/ਕੋਸ਼ਕਾਰੀ) ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਪੁਰਸਕਾਰ ਲਈ ਜਿੱਥੇ ਨਵਦੀਪ ਵਧਾਈ ਦਾ ਹੱਕਦਾਰ ਹੈ, ਉੱਥੇ ਹੀ ਖੇਡ ਜਗਤ ਤੇ ਖਿਡਾਰੀਆਂ ਲਈ ਵੀ ਮਾਣ ਵਾਲੀ ਗੱਲ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
