BIG NEWS : ਆਇਸਕਰੀਮ ‘ਚ ਵਿਸਕੀ ਮਿਲਾ ਕੇ ਵੇਚਣ ਵਾਲੇ ਐਕਸਾਈਜ਼ ਵਿਭਾਗ ਨੇ ਕੀਤੇ ਕਾਬੂ
ਹੈਦਰਾਬਾਦ, 7ਸਤੰਬਰ (ਵਿਸ਼ਵ ਵਾਰਤਾ)BIG NEWS: ਹੈਦਰਾਬਾਦ ਵਿੱਚ ਆਬਕਾਰੀ ਵਿਭਾਗ ਨੇ ਵਿਸਕੀ ਵਾਲੀ ਆਈਸਕ੍ਰੀਮ ਵੇਚਣ ਦੇ ਇਲਜ਼ਾਮਾਂ ਹੇਠ ਇੱਕ ਆਈਸਕਰੀਮ ਪਾਰਲਰ ਨੂੰ ਸੀਲ ਕੀਤਾ ਹੈ। ਇਸ ਤੋਂ ਇਲਾਵਾ ਇਸ ਰੈਕੇਟ ‘ਚ ਸ਼ਾਮਲ ਕਈ ਲੋਕਾਂ ਨੂੰ ਗ੍ਰਿਫਤਾਰ ਵੀ ਕੀਤਾ ਗਿਆ ਹੈ। ਪੁਲਸ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇਸ ਘਟਨਾ ਦਾ ਖੁਲਾਸਾ ਉਸ ਸਮੇਂ ਹੋਇਆ ਜਦੋਂ ਆਬਕਾਰੀ ਵਿਭਾਗ ਦੀ ਟੀਮ ਨੇ ਸ਼ਹਿਰ ਦੇ ਜੁਬਲੀ ਹਿੱਲਜ਼ ਇਲਾਕੇ ‘ਚ ਰੋਡ 1 ਅਤੇ 5 ‘ਤੇ ਸਥਿਤ ਏਰੀਕੋ ਕੈਫੇ ਆਈਸਕ੍ਰੀਮ ਪਾਰਲਰ ‘ਤੇ ਛਾਪਾ ਮਾਰਿਆ। ਛਾਪੇਮਾਰੀ ਦੌਰਾਨ ਐਕਸਾਈਜ਼ ਟੀਮ ਨੇ ਕੁੱਲ ਸਾਢੇ ਗਿਆਰਾਂ ਕਿਲੋਗ੍ਰਾਮ ਵਿਸਕੀ ਵਾਲੀ ਆਈਸਕ੍ਰੀਮ ਜ਼ਬਤ ਕੀਤੀ ਹੈ। ਫਿਲਹਾਲ ਦੋਸ਼ੀ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਫੇਸਬੁੱਕ ‘ਤੇ ਗਾਹਕਾਂ ਨੂੰ ਕਰਦੇ ਸੀ ਆਕਰਸ਼ਿਤ
ਰਿਪੋਟਾਂ ਮੁਤਾਬਕ ਪਾਰਲਰ ਸ਼ਰਤ ਚੰਦਰ ਰੈੱਡੀ ਨਾਂ ਦਾ ਵਿਅਕਤੀ ਚਲਾ ਰਿਹਾ ਸੀ, ਜੋ ਇਕ ਕਿਲੋ ਆਈਸਕ੍ਰੀਮ ਵਿਚ 60 ਮਿਲੀਲੀਟਰ ਵਿਸਕੀ ਮਿਲਾ ਕੇ ਇਸ ਨੂੰ ਮਹਿੰਗੇ ਭਾਅ ਵੇਚ ਰਿਹਾ ਸੀ। ਰੈਕੇਟ ‘ਚ ਸ਼ਾਮਲ ਹੋਰ ਦੋਸ਼ੀ ਦਯਾਕਰ ਰੈੱਡੀ ਅਤੇ ਸ਼ੋਭਨ ਹੋਰ ਗਾਹਕਾਂ ਨੂੰ ਆਕਰਸ਼ਿਤ ਕਰਨ ਲਈ ਫੇਸਬੁੱਕ ‘ਤੇ ਆਪਣੇ ਉਤਪਾਦਾਂ ਦੀ ਮਸ਼ਹੂਰੀ ਵੀ ਕਰ ਰਹੇ ਸਨ।
