8 ਤੇ 9 ਜੂਨ ਨੂੰ ਹੋਵੇਗਾ ਆਸਟ੍ਰੇਲੀਆ ਦੇ ਗ੍ਰਿਫ਼ਿਥ ‘ਚ ਸ਼ਹੀਦੀ ਖੇਡ ਮੇਲਾ

ਆਸਟ੍ਰੇਲੀਆ ਮੈਲਬੌਰਨ 1 ਜੂਨ( ਗੁਰਪੁਨੀਤ ਸਿੱਧੂ)-ਸ੍ਰੀ ਗੁਰੂ ਅਰਜਨ ਦੇਵ ਜੀ ਅਤੇ ਸ਼ਹੀਦ ਸਿੰਘਾਂ ਦੀ ਯਾਦ ਵਿਚ ਅਸਟਰੇਲੀਆ ਦੇ ਗ੍ਰਿਫ਼ਿਥ ‘ਚ 26 ਵਾ ਸ਼ਹੀਦੀ ਖੇਡ ਮੇਲਾ ਕਰਵਾਇਆ ਜਾ ਰਿਹਾ ਹੈ। 8 ਅਤੇ 9 ਜੂਨ ਨੂੰ ਹੋਣ ਜਾ ਰਹੇ ਇਸ ਖੇਡ ਮੇਲੇ ਨੂੰ ਕਰਵਾਉਣ ਲਈ ਸਿੰਘ ਸਭਾ ਗ੍ਰਿਫ਼ਿਥ ਅਤੇ ਸਮੁੱਚੀ ਸਿੱਖ ਸੰਗਤ ਵੱਲੋ ਖਾਸ ਸਹਿਯੋਗ ਦਿੱਤਾ ਜਾ ਰਿਹਾ ਹੈ। ਇਸ ਖੇਡ ਮੇਲੇ ਬਾਰੇ ਜਾਣਕਾਰੀ ਦਿੰਦਿਆਂ ਪ੍ਰਬੰਧਕਾਂ ਨੇ ਦੱਸਿਆ ਹੈ ਕਿ ਆਸਟ੍ਰੇਲੀਆ ਨੇ ਕੋਨੇ ਕੋਨੇ ਤੋਂ ਖਿਡਾਰੀ ਅਤੇ ਟੀਮਾਂ ਇਸ ਖੇਡ ਮੇਲੇ ‘ਚ ਹਿੱਸਾ ਲੈਣ ਪਹੁੰਚ ਰਹੀਆਂ ਹਨ। ਇਸ ਖੇਡ ਮੇਲੇ ‘ਚ ਕਬੱਡੀ ਵਾਲੀਵਾਲ ਖੋ ਖੋ ਦੌੜਾਂ ਅਤੇ ਰੱਸਾ ਕੱਸੀ ਦੇ ਮੁਕਾਬਲੇ ਕਰਵਾਏ ਜਾਣਗੇ।