26 ਜਨਵਰੀ ਨੂੰ ਮੁੱਖ ਮੰਤਰੀ ਦੇ ਘਿਰਾਓ ਲਈ ਮੋਟੀਵੇਟਰ ਵਰਕਰ ਯੂਨੀਅਨ ਨੇ ਕੀਤਾ ਐਲਾਨ
ਬਠਿੰਡਾ,24 ਜਨਵਰੀ (ਵਿਸ਼ਵ ਵਾਰਤਾ) ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਦੇ ਮੋਟੀਵੇਟਰ ਵਰਕਰਾਂ ਦੀਆ ਮੰਨੀਆ ਮੰਗਾ ਨੂੰ ਲਾਗੂ ਨਾ ਕੀਤੇ ਜਾਣ ਦੇ ਰੋਸ ਵਜੋਂ 26 ਜਨਵਰੀ 2023 ਨੂੰ ਮੁੱਖ ਮੰਤਰੀ ਪੰਜਾਬ ਦਾ ਘਿਰਾਓ ਕਰਨ ਦਾ ਐਲਾਨ ਕੀਤਾ ਹੈ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਯੂਨੀਅਨ ਦੇ ਆਗੂ ਸੁਖਬੀਰ ਚੀਮਾਂ,ਰਣਜੀਤ ਰਾਣਾ ਨੇ ਦੱਸਿਆ ਕਿ ਉਹ ਜਲ ਸਪਲਾਈ ਵਿਭਾਗ ਵਿਚ ਬਤੌਰ ਮੋਟੀਵੇਟਰ ਤੁੱਛ ਜਹੇ ਮਾਣ ਭੱਤੇ ਤੇ ਪਿਛਲੇ 7 ਤੋਂ ਕੰਮ ਕਰ ਰਹੇ ਹਨ। 13 ਜਨਵਰੀ ਲੋਹੜੀ ਵਾਲੇ ਦਿਨ ਮਾਨਯੋਗ ਮੁੱਖ ਮੰਤਰੀ ਸਾਹਿਬ ਵੱਲੋ 6 ਹਜਾਰ ਮੁਲਾਜ਼ਮ ਪੱਕੇ ਕਰਨ ਦਾ ਐਲਾਨ ਕੀਤਾ ਸੀ ਜਿਸ ਵਿੱਚ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਦੇ ਮੋਟੀਵੇਟਰ ਵਰਕਰਾਂ ਦਾ ਨਾਮ ਵੀ ਸ਼ਾਮਿਲ ਹੈ , ਪਰ ਅਜੇ ਤੱਕ ਕੋਈ ਫੈਸਲਾ ਲਾਗੂ ਨਹੀਂ ਕੀਤਾ ਗਿਆ , ਇਸ ਸੰਬਧੀ ਜਥੇਬੰਦੀ ਵਲੋਂ ਵਿੱਤ ਮੰਤਰੀ ਪੰਜਾਬ ਹਰਪਾਲ ਸਿੰਘ ਚੀਮਾ ਨਾਲ ਮੁਲਾਕਾਤ ਕੀਤੀ ਗਈ ਪਰ ਓਹਨਾ ਵੱਲੋ ਵੀ ਕੋਈ ਪੁਖ਼ਤਾ ਜਵਾਬ ਨਹੀ ਦਿੱਤਾ ਗਿਆ , ਜਿਸ ਕਰਕੇ ਮੋਟੀਵੇਟਰ ਵਰਕਰ ਸਰਕਾਰ ਪ੍ਰਤੀ ਰੋਸ ਵਿੱਚ ਹਨ। ਮੋਟੀਵੇਟਰਾਂ ਦਾ ਕਹਿਣਾ ਹੈ ਕੀ 26 ਜਨਵਰੀ ਦੇ ਘਿਰਾਓ ਸਬੰਧੀ ਵਰਕਰ ਤਿਆਰ ਬਰ ਤਿਆਰ ਹਨ ਵਰਕਰਾਂ ਨੂੰ ਸਰਕਾਰ ਪ੍ਰਤੀ ਰੋਸ ਹੈ ਅਤੇ ਇਸੇ ਸਬੰਧ ਵਿੱਚ ਬਠਿੰਡਾ ਵਿਖੇ ਰੋਸ ਪ੍ਰਦਰਸ਼ਨ ਕੀਤਾ ਜਾਵੇਗਾ ਜੇਕਰ ਪ੍ਰਦਰਸ਼ਨ ਦੌਰਾਨ ਕੋਈ ਅਣਸੁਖਾਵੀਂ ਘਟਨਾ ਵਾਪਰਦੀ ਹੈ ਤਾਂ ਉਸ ਦੀ ਜਿੰਮੇਵਾਰੀ ਮੁੱਖ ਮੰਤਰੀ ਪੰਜਾਬ ਅਤੇ ਜਿਲ੍ਹਾ ਪ੍ਰਸ਼ਾਸਨ ਬਠਿੰਡਾ ਦੀ ਹੋਵੇਗੀ । ਇਸ ਮੌਕੇ ਅਮਨ ਤਰਨਤਾਰਨ, ਮਨਿੰਦਰ ਸਿੰਘ, ਰਣਵੀਰ ਸ਼ਰਮਾਂ,ਨਵਰਾਜ ਬਰਨਾਲਾ , ਰਣਜੀਤ ਸਿੰਘ ਅਮ੍ਰਿਤਸਰ ,ਹੁਸਨ ਮੋਗਾ,ਸੋਨੂੰ ਸੰਗਰੂਰ ਹਾਜਿਰ ਰਹੇ|
