ਫ਼ਿਲਮ ‘ਸਤਿ ਸ਼੍ਰੀ ਅਕਾਲ ਇੰਗਲੈਂਡ’ ਵਿੱਚ ਐਮੀ ਵਿਰਕ ਦੇ ਨਾਲ ਹੱਸਣ, ਰੋਣ, ਅਤੇ ਦੁਨੀਆਂ ਦੀ ਸੈਰ ਲਈ ਹੋ ਜਾਓ ਤਿਆਰ।

ਚੰਡੀਗੜ, 7 ਦਸੰਬਰ (ਵਿਸ਼ਵ ਵਾਰਤਾ  ) ‘ਐਮੀ ਵਿਰਕ’ ਇੱਕ ਅਜਿਹਾ ਨਾਮ ਜਿਸਨੇ ਸਫਲਤਾ ਨੂੰ ਆਪਣੇ ਅੰਦਾਜ਼ ਵਿਚ ਇੱਕ ਨਵੀਂ ਪਰਿਭਾਸ਼ਾ ਦਿੱਤੀ। ਇੱਕ ਸੋਲੋ ਗੀਤ ਨਾਲ ਆਪਣੇ ਸਫਰ ਦੀ ਸ਼ੁਰੂਆਤ ਕਰਨ ਤੋਂ ਲੈ ਕੇ ਆਪਣੀ ਪਹਿਲੀ ਹੀ ਫਿਲਮ ਨਾਲ ਅਦਾਕਾਰੀ ਦੇ ਨਵੇਂ ਮਿਆਰ ਰਚਣ ਵਾਲੇ ਇਸ ਨੌਜਵਾਨ ਸੁਪਰ ਸਟਾਰ ਨੇ ਕਾਫੀ ਲੰਬਾ ਸਫ਼ਰ ਤੈਅ ਕਰ ਲਿਆ ਹੈ। ‘ਨਿੱਕਾ ਜ਼ੈਲਦਾਰ’, ‘ਬੰਬੂਕਾਟ’, ‘ਅੰਗਰੇਜ਼’, ‘ਅਰਦਾਸ’, ਜਿਹੀਆਂ ਫ਼ਿਲਮਾਂ ਨਾਲ ਆਪਣੀ ਸਫਲਤਾ ਨੂੰ ਬਰਕਰਾਰ ਰੱਖਣ ਤੋਂ ਬਾਅਦ ‘ਐਮੀ ਵਿਰਕ’ ਹੁਣ ਆਪਣੀ ਝੋਲੀ ਵਿਚ ਇੱਕ ਹੋਰ ਸਫਲ ਫਿਲਮ ਪਾਉਣ ਨੂੰ ਤਿਆਰ ਹਨ ਜਿਸ ਦਾ ਨਾਮ ਹੈ ‘ਸਤਿ ਸ਼੍ਰੀ ਅਕਾਲ ਇੰਗਲੈਂਡ’ ਜਿਸ ਵਿਚ ਉਹਨਾਂ ਨਾਲ ਪੋਲੀਵੁਡ ਦੀ ਖੂਬਸੂਰਤ ਅਦਾਕਾਰਾ ‘ਮੋਨਿਕਾ ਗਿੱਲ’ ਹਨ।
ਇਹ ਪੂਰੀ ਫਿਲਮ ਇੱਕ ਇਨਸਾਨ ਦੇ ਵਾਰੇ ਵਿਚ ਹੈ ਜੋ ਇੰਗਲੈਂਡ ਜਾਣਾ ਚਾਹੁੰਦਾ ਹੈ ਤੇ ਆਪਣੇ ਇਸ ਸੁਪਨੇ ਨੂੰ ਪੂਰਾ ਕਰਨ ਲਈ ਉਸਨੂੰ ਕਿਹੜੀਆਂ ਮੁਸ਼ਕਿਲਾਂ ਦਾ ਸਾਮਣਾ ਕਰਨਾ ਪੈਂਦਾ ਹੈ, ਦਰਸ਼ਾਉਂਦੀ ਹੈ ‘ਸਤਿ ਸ਼੍ਰੀ ਅਕਾਲ ਇੰਗਲੈਂਡ’। ‘ਐਮੀ ਵਿਰਕ’ ਅਤੇ ‘ਮੋਨਿਕਾ ਗਿੱਲ’ ਤੋਂ ਬਿਨਾਂ ‘ਸਰਦਾਰ ਸੋਹੀ’ ਅਤੇ ‘ਕਰਮਜੀਤ ਅਨਮੋਲ’ ਵੀ ਇਸ ਫਿਲਮ ਵਿੱਚ ਆਪਣੇ ਹੁਨਰ ਦੇ ਜੌਹਰ ਦਿਖਾਉਣਗੇ। ਇਹ ਫਿਲਮ ਦੀ ਡਾਇਰੈਕਸ਼ਨ,  ਸਕ੍ਰੀਨਪਲੇ,  ਕਹਾਣੀ ਸਭ ‘ਵਿਕਰਮ ਪ੍ਰਧਾਨ’ ਵਲੋਂ ਕੀਤਾ ਗਿਆ ਹੈ। ਇਸ ਫਿਲਮ ਦੀ ਪ੍ਰੋਡਕਸ਼ਨ ‘ਅਜਿਸ ਓਫ ਕੁਔਸਮੀਡਿਆ ਐਨਟਰਟੇਂਨਮੈਂਟ’,  ‘ਸਿਜ਼ਜਲਿੰਗ ਪ੍ਰੋਡਕਸ਼ਨਸ’ ਅਤੇ ‘ਮਾਹੀ ਪ੍ਰੋਡਕਸ਼ਨਸ’ ਅਤੇ ਐਗਜੀਕੁਟਿਵ ਪ੍ਰੋਡੂਸਰ ‘ਸ਼੍ਰੀ ਦੇਵੀ ਸ਼ੇੱਟੀ ਵਾਘ’ ਨੇ ਮਿਲ ਕੇ ਕੀਤਾ ਹੈ। ਖੂਬਸੂਰਤ ਸੰਗੀਤ ਅਤੇ ਬੈਕਗਰਾਉਂਡ ਸਕੋਰ ਦਿੱਤਾ ਗਿਆ ਹੈ ‘ਜਤਿੰਦਰ ਸ਼ਾਹ’ ਵਲੋਂ।ਮਿਊਜ਼ਿਕ ਨੂੰ ਰੀਲਿਜ ਕੀਤਾ ਹੈ ‘ਸਾਗਾ ਮਿਊਜ਼ਿਕ’ ਨੇ।
ਫਿਲਮ ਦੇ ਸਾਰੇ ਗੀਤ ‘ਵਿੰਦਰ ਨੱਥੂ ਮਾਜਰਾ’, ‘ਮਨਿੰਦਰ ਕੈਲੇ’, ‘ਹਰਮਨ, ਅਤੇ ‘ਹੈਪੀ ਰਾਏਕੋਟੀ’ ਨੇ ਲਿਖੇ ਹਨ ਅਤੇ ਇਹਨਾਂ ਗੀਤਾਂ ਨੂੰ ਆਪਣੀ ਆਵਾਜ਼ ਦਿਤੀ ਹੈ ‘ਕਰਮਜੀਤ ਅਨਮੋਲ’, ‘ਐਮੀ ਵਿਰਕ’, ‘ਨੂਰਾਂ ਸਿਸਟਰਸ’, ‘ਗੁਰਲੇਜ਼ ਅਖਤਰ’ ਅਤੇ ‘ਗੁਰਸ਼ਬਦ’ ਨੇ।
ਇਸ ਫਿਲਮ ਚ ਕੰਮ ਕਰਨ ਦੇ ਆਪਣੇ ਅਨੁਭਵ ਬਾਰੇ ‘ਐਮੀ ਵਿਰਕ’ ਨੇ ਕਿਹਾ, “ਭਾਵੇਂ ਮੈਂ ਪਹਿਲਾਂ ਵੀ ਕਾਮੇਡੀ ਫ਼ਿਲਮਾਂ ਚ ਕੰਮ ਕੀਤਾ ਹੈ ਪਰ  ‘ਸਤਿ ਸ਼੍ਰੀ ਅਕਾਲ ਇੰਗਲੈਂਡ ‘ ਦੀ ਖਾਸੀਅਤ ਇਹ ਹੈ ਕਿ ਇਸ ਵਿਚ ਸਾਰੇ ਮਜਾਕ ਬਹੁਤ ਸੁਭਾਵਿਕ ਹਨ ਇਸ ਲਈ ਕੋਈ ਵੀ ਮਿਹਨਤ ਨਹੀਂ ਕਰਨੀ ਪਈ। ਮੈਨੂੰ ਪੂਰਾ ਯਕੀਨ ਹੈ ਕਿ ਦਰਸ਼ਕ ਵੀ ਇਹ ਮਹਿਸੂਸ ਕਰਨਗੇ ਤੇ ਤੁਰੰਤ ਹਰ ਕਿਰਦਾਰ ਨਾਲ ਜੁੜਨਗੇ।
‘ਮੋਨਿਕਾ ਗਿੱਲ’ ਨੇ ਕਿਹਾ, “ਮੈਂ ਆਪਣੇ ਹਰ ਰੋਲ ਨੂੰ ਇੱਕ ਚੁਣੌਤੀ ਦੀ ਤਰ•ਾਂ ਹੀ ਲੈਣੀ ਹਾਂ। ਮੈਂ ‘ਵਿਕਰਮ ਸਰ’ ਦੀ ਬਹੁਤ ਹੀ ਧੰਨਵਾਦੀ ਹਾਂ ਕਿ ਉਹਨਾਂ ਨੇ ਮੈਂਨੂੰ ਇਸ ਕਿਰਦਾਰ ਲਈ ਚੁਣਿਆ। ਅਸੀਂ ਸਭ ਨੇ ਬਹੁਤ ਹੀ ਮਿਹਨਤ ਕੀਤੀ ਹੈ ਤੇ ਮੈਂ ਉਮੀਦ ਕਰਦੀ ਹਾਂ ਕਿ ਦਰਸ਼ਕ ਇਹ ਮਿਹਨਤ ਦੇਖਣਗੇ ਤੇ ਬਹੁਤ ਪਸੰਦ ਕਰਨਗੇ।“
ਫਿਲਮ ਦੇ ਡਾਇਰੈਕਟਰ ‘ਵਿਕਰਮ ਪ੍ਰਧਾਨ’ ਆਪਣੀ ਪੌਲੀਵੁਡ ਪਾਰੀ ਲਈ ਬਹੁਤ ਖੁਸ਼ ਹਨ ਤੇ ਉਹਨਾਂ ਨੇ ਕਿਹਾ, “ਫਿਲਮ ਬਣਾਉਣਾ ਇੱਕ ਪੂਰੀ ਟੀਮ ਦਾ ਕੰਮ ਹੈ ਅਤੇ ਇਸ ਪੂਰੀ ਟੀਮ ਨਾਲ ਖਾਸ ਕਰਕੇ ‘ਐਮੀ ਵਿਰਕ’ ਜੀ ਨਾਲ ਕੰਮ ਕਰਨ ਦਾ ਅਨੁਭਵ ਬਹੁਤ ਹੀ ਮਜੇਦਾਰ ਰਿਹਾ।
ਫਿਲਮ ਦੇ ਪ੍ਰੋਡੂਸਰ ‘ਸਗੁਨ ਵਾਘ’ ਜਿਹਨਾਂ ਨੇ ਪਹਿਲਾਂ ਬਾਲੀਵੁੱਡ ਵਿੱਚ ‘ਅਮਿਤਾਭ ਬੱਚਨ’ ਅਤੇ ‘ਸੰਜੇ ਦੱਤ’ ਨਾਲ ਕਈ ਪ੍ਰੋਜੈਕਟਸ ਨੂੰ ਸੰਭਾਲਿਆ ਹੈ ਅਤੇ ‘ਜੋੜੀ ਨੰ.1’, ‘ਕੁਰੂਕਸ਼ੇਤਰ’ ਅਤੇ ‘ਵਿਰੁੱਧ’ ਵਰਗੀਆਂ ਕਈ ਫ਼ਿਲਮਾਂ ਦਾ ਨਿਰਮਾਣ ਵੀ ਕੀਤਾ ਹੈ। ਇਸ ਮੌਕੇ ਤੇ ਉਹਨਾਂ ਨੇ ਕਿਹਾ, “ ਮੈਂ ਹਮੇਸ਼ਾਂ ਤੋਂ ਹੀ ਪੋਲੀਵੁਡ ਵਿਚ ਕੁਝ ਵੱਖਰਾ ਕਰਨਾ ਚਾਹੁੰਦਾ ਸੀ ਤੇ ਮੈਂਨੂੰ ਪੂਰੀ ਉਮੀਦ ਹੈ ਕਿ ਦਰਸ਼ਕ ‘ਐਮੀ ਵਿਰਕ’ ਅਤੇ ‘ਮੋਨਿਕਾ ਗਿੱਲ’ ਦੀ ਕੈਮਿਸਟ੍ਰੀ ਨੂੰ ਪਸੰਦ ਕਰਨਗੇ। ਇਹ ਫਿਲਮ ਪੰਜਾਬ ਵਿੱਚ ਕਾਮੇਡੀ ਨੂੰ ਨਵੇਂ ਅਰਥ ਦੇਵੇਗੀ।
ਦੁਨੀਆਂ ਭਰ ਵਿੱਚ ਫਿਲਮ ਨੂੰ ਡਿਸਟਰੀਬਿਊਟ ਕੀਤਾ ਹੈ ‘ਮੁਨੀਸ਼ ਸਾਹਨੀ’ ਦੀ ਕੰਪਨੀ  ‘ਓਮਜੀ ਗਰੁੱਪ ‘ ਨੇ। ਇਹ ਫਿਲਮ ‘8 ਦਸੰਬਰ’ ਨੂੰ ਰੀਲਿਜ ਹੋਵੇਗੀ।