ਐਸ.ਐਸ.ਪੀ,ਲੁਧਿਆਣਾ(ਦਿਹਾਤੀ) ਸੁਰਜੀਤ ਘ, ਆਈ.ਪੀ.ਐਸ, ਨੇ ਪ੍ਰੈਸ ਨੂੰ ਸੰਬੋਧਨ ਕਰਦੇ ਹੋਏ ਦੱਸਿਆ ਕਿ ਥਾਣੇਦਾਰ ਬਿਕਰਮਜੀਤ ਸਿੰਘ, ਮੁੱਖ ਅਫਸਰ ਥਾਣਾ ਦਾਖਾ ਦੀ ਨਿਗਰਾਨੀ ਅਧੀਨ ਮਿਤੀ 28.10.2017 ਨੂੰ ਸਹਾਇਕ ਥਾਣੇਦਾਰ ਸੁਰਜੀਤ ਸਿੰਘ, ਇੰਚਾਰਜ ਪੁਲਿਸ ਚੌਕੀ ਚੌਕੀਮਾਨ ਸਮੇਤ ਆਪਣੀ ਪੁਲਿਸ ਪਾਰਟੀ ਦੇ ਬਰਾਏ ਗਸ਼ਤ ਪਿੰਡ ਹਾਂਸ ਕਲਾਂ ਵਿਖੇ ਮੌਜੂਦ ਸੀ ਤਾਂ ਉਸਨੂੰ ਨੰਬਰਦਾਰ ਹਰਭਜਨ ਸਿੰਘ ਵਾਸੀ ਢੋਲਣ ਦਾ ਫੋਨ ਆਇਆ ਕਿ ਹਰਵਿੰਦਰ ਸਿੰਘ ਪੁੱਤਰ ਪਿਆਰਾ ਸਿੰਘ ਵਾਸੀ ਪਿੰਡ ਢੋਲਣ ਦੀ ਲੱਟ ਦੀ ਮਨਸਾ ਨਾਲ ਉਸਦੇ ਸੱਟਾਂ ਮਾਰਕੇ ਉਸ ਪਾਸੋਂ 10,000/- ਰੁਪਏ ਨਗਦ ਅਤੇ ਉਸਦਾ ਪਰਸ ਖੋਹਕੇ ਲੈ ਗਏ ਹਨ।ਹਰਵਿੰਦਰ ਸਿੰਘ ਨੂੰ ਸਿਵਲ ਹਸਪਤਾਲ ਦਾਖਲ ਕਰਾਇਆ ਗਿਆ ਹੈ।ਜਿਸਤੇ ਸਹਾਇਕ ਥਾਣੇਦਾਰ ਸੁਰਜੀਤ ਸਿੰਘ ਸਿਵਲ ਹਸਪਤਾਲ ਜਗਰਾਂਉ ਪੁੱਜਾ।ਜਿਸ ਪਾਸ ਹਰਵਿੰਦਰ ਸਿੰਘ ਨੇ ਬਿਆਨ ਦਰਜ ਕਰਾਇਆ ਕਿ ਉਹ ਛਭੂਙ ਦੇ ਗੁਰਦੁਆਰਾ ਪਾਤਸ਼ਾਹੀ ਛੇਵੀਂ ਗੁਰੂਸਰ ਕਾਂਉਕੇ ਵਿਖੇ ਬਤੌਰ ਰਿਕਾਰਡ ਕੀਪਰ ਡਿਊਟੀ ਕਰਦਾ ਹੈ।ਉਹ ਮਿਤੀ 28.10.2017 ਨੂੰ ਰੋਜ ਦੀ ਤਰਾਂ ਸਵੇਰੇ 09:00 ਵਜੇ ਆਪਣੇ ਪਿੰਡ ਤੋਂ ਗੁਰਦੁਆਰਾ ਸਾਹਿਬ ਵਿਖੇ ਡਿਊਟੀ ਲਈ ਗਿਆ ਸੀ ਅਤੇ ਸ਼ਾਮ ਨੂੰ 05:00 ਵਜੇ ਰੋਜਾਨਾ ਦੀ ਤਰਾਂ ਆਪਣੇ ਮੋਟਰ ਸਾਈਕਲ ਤੇ ਸਵਾਰ ਹੋ ਕੇ ਵਾਪਸ ਪਿੰਡ ਢੋਲਣ ਨੂੰ ਜਾ ਰਿਹਾ ਸੀ ਤਾਂ ਵਕਤ ਕਰੀਬ 05:30 ਵਜੇ ਸ਼ਾਮ ਨੂੰ ਨਹਿਰ ਅਖਾੜਾ ਪੁਲ ਪਾਰ ਕਰਕੇ ਰਾਏਕੋਟ ਰੋਡ ਪਰ ਪੈਟਰੋਲ ਪੰਪ ਪਾਸ ਭੱਠੇ ਵਾਲੇ ਪਾਸੇ ਤੋਂ ਪਿੰਡ ਵੱਲ ਨੂੰ ਜਾ ਰਿਹਾ ਸੀ ਤਾਂ ਉਸਦੇ ਪਿੱਛੇ ਤੋਂ ਦੋ ਮੋਟਰ ਸਾਈਕਲ ਜਿਹਨਾਂ ਵਿੱਚ ਇੱਕ ਪਲਟੀਨਾ ਅਤੇ ਇੱਕ ਯਾਮਾ ਮੋਟਰ ਸਾਈਕਲ ਨੰਬਰ ਪੀ.ਬੀ-08-ਬੀ.ਕਿਯੂ-3111 ਜਿਸ ਪਰ ਉਹਨਾਂ ਦੇ ਪਿੰਡ ਦੇ ਗੁਰਦੁਆਰਾ ਸਾਹਿਬ ਦੇ ਗ੍ਰੰਥੀ ਕੇਵਲ ਸਿੰਘ ਦਾ ਲੜਕਾ ਅਮਨਪ੍ਰੀਤ ਸਿੰਘ ਤੇ ਛੋਟਾ ਰਮਨਪ੍ਰੀਤ ਸਿੰਘ ਵਾਸੀ ਅਮਰਗੜ ਸਵਾਰ ਸੀ।ਜਿਸ ਪਾਸ ਰਾਡ ਲੋਹਾ ਅਤੇ ਮੋਟਰ ਸਾਈਕਲ ਚਲਾਉਣ ਵਾਲੇ ਦਾ ਨਾਮ ਨਿਹਾਲ ਸਿੰਘ ਅਤੇ ਦੂਸਰੇ ਨੂੰ ਰਾਜੂ ਕਹਿ ਰਹੇ ਸਨ।ਜਿਹਨਾਂ ਨੇ ਉਸ ਉਪਰ ਲੋਹੇ ਦੀ ਰਾਡ ਦੇ ਵਾਰ ਕਰਕੇ ਹਮਲਾ ਕਰ ਦਿੱਤਾ। ਜੋ ਪਲਟੀਨਾ ਮੋਟਰ ਸਾਈਕਲ ਚਲਾਂਉਦਾ ਸੀ, ਉਸਦਾ ਨਾਮ ਗੋਪੀ ਲੈਂਦੇ ਸਨ, ਉਹਨਾਂ ਨੇ ਉਸਨੂੰ ਪਕੜ ਲਿਆ ਤਾਂ ਅਮਨਪ੍ਰੀਤ ਸਿੰਘ ਨੇ ਉਸਦੇ ਸਿਰ ਵਿੱਚ ਸੱਜੀ ਪੁੜਪੜੀ ਪਰ ਰਾਡ ਲੋਹਾ ਦਾ ਵਾਰ ਕੀਤਾ ਅਤੇ ਰਮਨਪ੍ਰੀਤ ਸਿੰਘ ਨੇ ਉਸਦੇ ਸਿਰ ਵਿੱਚ ਰਾਡ ਨਾਲ ਵਾਰ ਕੀਤਾ। ਰਾਜੂ ਨਾਮ ਦੇ ਵਿਆਕਤੀ ਨੇ ਰਾਡ ਲੋਹਾ ਦਾ ਵਾਰ ਉਸਦੇ ਖੱਬੇ ਪੱਟ ਅਤੇ ਪਿੰਜਣੀ ਪਰ ਕੀਤਾ।ਅਮਨਪ੍ਰੀਤ ਸਿੰਘ ਨੇ ਫਿਰ ਇੱਕ ਹੋਰ ਵਾਰ ਉਸਦੇ ਸੱਜੇ ਮੋਢੇ ਪਰ ਕੀਤਾ ਅਤੇ ਰਮਨਪ੍ਰੀਤ ਸਿੰਘ ਨੇ ਖੱਬੇ ਮੋਢੇ ਪਰ ਵਾਰ ਕੀਤਾ।ਉਸਦੇ ਸੱਟਾਂ ਜਿਆਦਾ ਲੱਗਣ ਕਰਕੇ ਗੁਰਪ੍ਰੀਤ ਸਿੰਘ ਨੇ ਉਸਦੀ ਪੈਂਟ ਦੀ ਪਿਛਲੀ ਜੇਬ ਵਿੱਚੋਂ ਪਰਸ ਕੱਢਕੇ ਉਸ ਵਿੱਚੋਂ ਕਰੀਬ 10,000/- ਰੁਪਏ ਕੱਢ ਲਏ।ਪਰਸ ਵਿੱਚ ਉਸਦਾ ਵੋਟਰ ਕਾਰਡ, ਏ.ਟੀ.ਐਮ, ਚਾਬੀਆਂ ਅਤੇ ਹੋਰ ਜਰੂਰੀ ਕਾਗਜਾਤ ਵੀ ਕੱਢਕੇ ਆਪਣੇ-ਆਪਣੇ ਮੋਟਰ ਸਾਈਕਲਾਂ ਤੇ ਸਵਾਰ ਹੋ ਕੇ ਚਲੇ ਗਏ।ਉੱਕਤ ਵਿਆਕਤੀਆਂ ਨੇ ਲੁੱਟ ਕਰਨ ਦੀ ਮਨਸ਼ਾ ਨਾਲ ਉਸਦੇ ਸੱਟਾਂ ਮਾਰੀਆਂ ਹਨ।ਦੋਸ਼ੀਆਂ ਖਿਲਾਫ ਮੁਕੱਦਮਾਂ ਨੰਬਰ 325 ਮਿਤੀ 28.10.2017 ਅ/ਧ 394/148/149 ਆਈ.ਪੀ.ਸੀ ਥਾਣਾ ਦਾਖਾ ਦਰਜ ਰਜਿਸਟਰ ਕਰਕੇ ਹੇਠ ਲਿਖੇ ਦੋਸ਼ੀਆਂ ਨੂੰ ਸਮੇਤ ਵਾਰਦਾਤ ਵਿੱਚ ਵਰਤੇ 02 ਮੋਟਰ ਸਾਈਕਲ ਬਰਾਮਦ ਕਰਕੇ ਗ੍ਰਿਫਤਾਰ ਕੀਤਾ ਗਿਆ ਹੈ :- 1.ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਪੁੱਤਰ ਕੇਵਲ ਸਿਘ ਵਾਸੀ ਪਿੰਡ ਅਮਰਗੜ ਕਲੇਰ।2.ਅਮਨਪ੍ਰੀਤ ਸਿੰਘ ਪੁੱਤਰ ਕੇਵਲ ਸਿੰਘ ਸਿੰਘ ਵਾਸੀ ਪਿੰਡ ਅਮਰਗੜ ਕਲੇਰ।3.ਰਮਨਪੀ੍ਰਤ ਸਿੰਘ ਪੁੱਤਰ ਕੇਵਲ ਸਿੰਘ ਵਾਸੀ ਪਿੰਡ ਅਮਰਗੜ ਕਲੇਰ।4.ਨਿਹਾਲ ਸਿੰਘ ਪੁੱਤਰ ਕੁਲਵੰਤ ਸਿੰਘ ਵਾਸੀ ਪਿੰਡ ਅਮਰਗੜ ਕਲੇਰ।ਇਹਨਾਂ ਦਾ ਇੱਕ ਸਾਥੀ ਮਨਦੀਪ ਸਿੰਘ ਉਰਫ ਰਾਜੂ ਗਿਫਤਾਰ ਕਰਨਾ ਬਾਕੀ ਹੈ।ਗ੍ਰਿਫਤਾਰ ਦੋਸ਼ੀਆਂ ਪਾਸੋ ਖੋਹ ਕੀਤੀ ਰਕਮ ਵਿੱਚੋ 8,000/- ਰੁਪਏ ਨਗਦ, 02 ਦੇਸੀ ਕੱਟੇ ਸਮੇਤ 10 ਜਿੰਦਾ ਕਾਰਤੂਸ, ਦੋਸ਼ੀ ਰਮਨਪ੍ਰੀਤ ਸਿੰਘ ਪਾਸੋ ਇੱਕ ਕਮਾਨੀਦਾਰ ਚਾਕੂ ਅਤੇ ਦੋਸ਼ੀ ਨਿਹਾਲ ਸਿੰਘ ਪਾਸੋ ਇੱਕ ਰਾਡ ਲੋਹਾ ਬਰਾਮਦ ਕੀਤੀ ਗਈ।ਜਿਸ ਸਬੰਧੀ ਮੁਕੱਦਮਾ ਨੰਬਰ 326 ਮਿਤੀ 29.10.2017 ਅ/ਧ 399/402 ਭ/ਦ, 25/54/59 ਅਸਲਾ ਐਕਟ ਥਾਣਾ ਦਾਖਾ ਦਰਜ ਰਜਿਸਟਰ ਕੀਤਾ ਗਿਆ ਹੈ। ਇਸਤੋਂ ਇਲਾਵਾ ਦੋਸ਼ੀ ਰਮਨਪ੍ਰੀਤ ਸਿੰਘ ਪਾਸੋਂ 10 ਨਸ਼ੀਲੀਆਂ ਗੋਲੀਆਂ ਐਲਪਰੈਕਸ 0.5 ਬਰਾਮਦ ਕੀਤੀਆਂ ਗਈਆਂ। ਜਿਸ ਵਿਰੁੱਧ ਮੁਕੱਦਮਾਂ ਨੰਬਰ 327 ਮਿਤੀ 29.10.2017 ਅ/ਧ 22/61/85 ਐਨ.ਡੀ.ਪੀ.ਐਸ ਐਕਟ ਥਾਣਾ ਦਾਖਾ ਅਤੇ 2 ਗ੍ਰਾਮ ਹੈਰੋਇਨ ਨਿਹਾਲ ਸਿੰਘ ਪੁੱਤਰ ਕੁਲਵੰਤ ਸਿੰਘ ਪਾਸੋਂ ਬਰਾਮਦ ਹੋਈ। ਜਿਸ ਵਿਰੁੱਧ ਵੱਖਰੇ ਤੌਰ ਤੇ ਮੁਕੱਦਮਾਂ ਨੰਬਰ 328 ਮਿਤੀ 29.10.2017 ਅ/ਧ 21/61/85 ਐਨ.ਡੀ.ਪੀ.ਐਸ ਐਕਟ ਥਾਣਾ ਦਾਖਾ ਦਰਜ ਰਜਿਸਟਰ ਕੀਤੇ ਗਏ।ਮਾਨਯੋਗ ਐਸ.ਐਸ.ਪੀ ਸਾਹਿਬ ਨੇ ਦੱਸਿਆ ਕਿ ਦੋਸ਼ੀਆਂ ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ ਹਾਸਲ ਕੀਤਾ ਜਾਵੇਗਾ।ਮੁੱਢਲੀ ਤਫਤੀਸ਼ ਦੌਰਾਨ ਇਹਨਾਂ ਨੇ ਇਸ ਜਿਲ੍ਹਾ ਵਿੱਚ ਹੋਰ ਲੁੱਟ ਖੋਹ ਦੀਆਂ ਹੋਈਆਂ ਵਾਰਦਾਤਾਂ ਵਿੱਚ ਆਪਣੀ ਸਮੂਲੀਅਤ ਮੰਨੀ ਹੈ ਅਤੇ ਇਹਨਾਂ ਪਾਸੋਂ ਹੋਰ ਵੀ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।
