ਰਾਮਾਇਣ ਦੀ ਰਿਲੀਜ਼ ਤੋਂ ਪਹਿਲਾਂ, ਰਣਬੀਰ ਨੇ ਅਯੁੱਧਿਆ ‘ਚ ਖਰੀਦੀ ਜ਼ਮੀਨ
– ਕੀਮਤ ਜਾਣ ਉੱਡ ਜਾਣਗੇ ਹੋਸ਼!
ਮੁੰਬਈ, 15 ਮਈ 2026 (ਵਿਸ਼ਵ ਵਾਰਤਾ)– ਬਾਲੀਵੁੱਡ ਦੇ ਸੁਪਰਸਟਾਰ ਰਣਬੀਰ ਕਪੂਰ ਅੱਜਕੱਲ੍ਹ ਆਪਣੀ ਆਉਣ ਵਾਲੀ ਫ਼ਿਲਮ ‘ਰਾਮਾਇਣ’ ਨੂੰ ਲੈ ਕੇ ਲਗਾਤਾਰ ਸੁਰਖੀਆਂ ਵਿੱਚ ਬਣੇ ਹੋਏ ਹਨ। ਇਸ ਵਿਚਾਲੇ ਹੀ ਖਬਰ ਸਾਹਮਣੇ ਆਈ ਹੈ ਕਿ ਐਕਟਰ ਰਣਬੀਰ ਕਪੂਰ ਨੇ ਅਯੁੱਧਿਆ ਦੇ ਰੀਅਲ ਅਸਟੇਟ ਪ੍ਰੋਜੈਕਟ ‘ਦ ਸਰਯੂ’ ਵਿੱਚ ਜ਼ਮੀਨ ਖ਼ਰੀਦੀ ਹੈ। ਇਹ ਪ੍ਰੋਜੈਕਟ ‘ਦ ਹਾਊਸ ਆਫ਼ ਅਭਿਨੰਦਨ ਲੋਢਾ’ (HoABL) ਦਾ ਇੱਕ ਪ੍ਰੀਮੀਅਮ ਪਲਾਟਿਡ ਡਿਵੈਲਪਮੈਂਟ ਪ੍ਰੋਜੈਕਟ ਹੈ।
ਰਿਪੋਰਟਸ ਮੁਤਾਬਕ, ਇਹ ਡੀਲ 3.31 ਕਰੋੜ ਰੁਪਏ ਵਿੱਚ ਹੋਈ ਹੈ। ਖ਼ਰੀਦੀ ਗਈ ਜ਼ਮੀਨ ਦਾ ਕੁੱਲ ਰਕਬਾ 2,134 ਵਰਗ ਫੁੱਟ ਹੈ।ਦੱਸ ਦਈਏ ਕਿ ਅਮਿਤਾਭ ਬੱਚਨ ਤੋਂ ਬਾਅਦ ‘ਦ ਸਰਯੂ’ ਵਿੱਚ ਨਿਵੇਸ਼ ਕਰਨ ਵਾਲੇ ਰਣਬੀਰ ਕਪੂਰ ਦੂਜੇ ਵੱਡੇ ਐਕਟਰ ਬਣ ਗਏ ਹਨ। ‘ਦ ਸਰਯੂ’ 75 ਏਕੜ ਵਿੱਚ ਫੈਲਿਆ ਹੋਇਆ ਪ੍ਰੋਜੈਕਟ ਹੈ, ਜੋ ਸਰਯੂ ਨਦੀ ਦੇ ਕੰਢੇ ਸਥਿਤ ਹੈ। ਇਸ ਪ੍ਰੋਜੈਕਟ ਵਿੱਚ ਗ੍ਰੈਂਡ ਕਲੱਬ ਹਾਊਸ, 35 ਤੋਂ ਵੱਧ ਲਾਈਫਸਟਾਈਲ ਸੁਵਿਧਾਵਾਂ ਅਤੇ ‘ਦ ਲੀਲਾ ਹੋਟਲਜ਼’ ਦਾ ਪੰਜ ਏਕੜ ਵਿੱਚ ਬਣਨ ਵਾਲਾ ਸ਼ੁੱਧ ਸ਼ਾਕਾਹਾਰੀ ਲਗਜ਼ਰੀ ਹੋਟਲ ਸ਼ਾਮਲ ਹੈ।
ਰਣਬੀਰ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਅਯੁੱਧਿਆ ਨੇ ਉਨ੍ਹਾਂ ਨੂੰ ਚੁਣਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਯੁੱਧਿਆ ਭਾਰਤ ਦੇ ਇਤਿਹਾਸ ਅਤੇ ਸੱਭਿਆਚਾਰਕ ਵਿਰਾਸਤ ਦਾ ਇੱਕ ਅਹਿਮ ਹਿੱਸਾ ਹੈ ਅਤੇ ‘ਦ ਸਰਯੂ’ ਵਿੱਚ ਇਹ ਜ਼ਮੀਨ ਉਨ੍ਹਾਂ ਦੇ ਪਰਿਵਾਰ ਦੀ ਵਿਰਾਸਤ ਦਾ ਹਿੱਸਾ ਬਣੇਗੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
