ਮੁੱਖ ਮੰਤਰੀ ਚੰਨੀ ਵੱਲੋਂ ਵਧਾਈਆਂ ਗਈਆਂ ਆਂਗਣਵਾੜੀ ਵਰਕਰਾਂ ਦੀਆਂ ਤਨਖਾਹਾਂ
ਮੋਰਿੰਡਾ,4ਜਨਵਰੀ(ਵਿਸ਼ਵ ਵਾਰਤਾ)-ਮੁੱਖ ਮੰਤਰੀ ਚੰਨੀ ਨੇ ਅੱਜ ਆਂਗਣਵਾੜੀ ਵਰਕਰਾਂ ਦੀ ਰੈਲੀ ਨੂੰ ਸੰਬੋਧਨ ਕਰਦਿਆਂ ਹੋਇਆਂ ਆਂਗਣਵਾੜੀ ਵਰਕਰਾਂ ਦੀਆਂ ਤਨਖਾਹਾਂ ਵਿੱਚ ਕ੍ਰਮਵਾਰ ਵਾਧਾ ਕੀਤਾ ਹੈ।
ਜਿਹਨਾਂ ਦੀ ਤਨਖਾਹ 4050 ਹੈ ਉਹਨਾਂ ਦੀ 5100 ਰੁਪਏ ,ਜੋ ਵਰਕਰ 5300 ਰੁਪਏ ਹਾਸਲ ਕਰ ਰਹੇ ਹਨ ਉਹਨਾਂ ਦੀ 6300 ਰੁਪਏ ਅਤੇ 8100 ਤੋਂ ਵਧਾ ਕੇ 9500 ਰੁਪਏ ਕਰ ਦਿੱਤੀ ਗਈ ਹੈ।
ਇਸ ਦੇ ਨਾਲ ਹੀ ਮੁੱਖ ਮੰਤਰੀ ਨੇ ਸਟੇਜ ਤੋਂ ਹੀ ਨੋਟੀਫਿਕੇਸ਼ਨ ਦੀ ਕਾਪੀ ਪੜ੍ਹ ਕੇ ਸੁਣਾਈ। ਇਸ ਤੋਂ ਇਲਾਵਾ ਮੁੱਖ ਮੰਤਰੀ ਨੇ ਐਲਾਨ ਕੀਤਾ ਕਿ ਸਰਕਾਰ ਵੱਲੋਂ ਹਰ ਸਾਲ ਆਂਗਣਵਾੜੀ ਵਰਕਰਾਂ ਦੀ ਤਨਖਾਹ ਵਿੱਚ ਮਿੰਨੀ ਆਂਗਣਵਾੜੀ ਵਰਕਰ 250 ਰੁਪਏ,ਆਂਗਣਵਾੜੀ ਵਰਕਰ500 ਰੁਪਏ ਦਾ ਵਾਧਾ ਕਰਨ ਦਾ ਕਾਨੂੰਨ ਵੀ ਬਣਾ ਦਿੱਤਾ ਗਿਆ ਹੈ।
