ਮਹਿਲਾ ਪ੍ਰੀਮੀਅਰ ਲੀਗ ਸੀਜ਼ਨ-2
ਗੁਜਰਾਤ ਜਾਇੰਟਸ ਦੀ ਲਗਾਤਾਰ ਤੀਜੀ ਹਾਰ
ਚੰਡੀਗੜ੍ਹ,2ਮਾਰਚ(ਵਿਸ਼ਵ ਵਾਰਤਾ)-ਮਹਿਲਾ ਪ੍ਰੀਮੀਅਰ ਲੀਗ ਸੀਜ਼ਨ-2 ‘ਚ ਗੁਜਰਾਤ ਜਾਇੰਟਸ ਨੂੰ ਲਗਾਤਾਰ ਤੀਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਸ਼ੁੱਕਰਵਾਰ ਨੂੰ ਯੂਪੀ ਵਾਰੀਅਰਜ਼ (UPW) ਨੇ 6 ਵਿਕਟਾਂ ਨਾਲ ਹਰਾਇਆ। WPL ਦੇ ਮੌਜੂਦਾ ਸੀਜ਼ਨ ਵਿੱਚ ਗੁਜਰਾਤ ਨੂੰ ਇੱਕ ਵੀ ਜਿੱਤ ਨਹੀਂ ਮਿਲੀ। ਟੀਮ ਨੂੰ ਲਗਾਤਾਰ 3 ਵਾਰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਬੈਂਗਲੁਰੂ ਦੇ ਐਮ ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਯੂਪੀ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਬੱਲੇਬਾਜ਼ੀ ਕਰਦੇ ਹੋਏ ਗੁਜਰਾਤ ਜਾਇੰਟਸ ਨੇ 20 ਓਵਰਾਂ ‘ਚ 5 ਵਿਕਟਾਂ ‘ਤੇ 142 ਦੌੜਾਂ ਬਣਾਈਆਂ। ਜਵਾਬ ‘ਚ ਯੂਪੀ ਵਾਰੀਅਰਜ਼ ਨੇ 15.4 ਓਵਰਾਂ ‘ਚ 4 ਵਿਕਟਾਂ ‘ਤੇ ਟੀਚਾ ਹਾਸਲ ਕਰ ਲਿਆ। ਯੂਪੀ ਲਈ ਗ੍ਰੇਸ ਹੈਰਿਸ ਨੇ 33 ਗੇਂਦਾਂ ਵਿੱਚ 60 ਦੌੜਾਂ ਦੀ ਮੈਚ ਜੇਤੂ ਪਾਰੀ ਖੇਡੀ। ਜਦਕਿ ਸੋਫੀ ਏਕਲਸਟਨ ਨੇ 3 ਵਿਕਟਾਂ ਲਈਆਂ।
