ਬੁਢਲਾਡਾ 22 ਅਪ੍ਰੈਲ – (ਵਿਸ਼ਵ ਵਾਰਤਾ ) : ਕੁੱਲ ਹਿੰਦ ਕਿਸਾਨ ਸਭਾ ਅਤੇ ਵੱਖ^ਵੱਖ ਜਨਤਕ ਜਥੇਬੰਦੀਆਂ ਦੇ ਦੇਸ਼ ਵਿਆਪੀ ਸੱਦੇ ਤੇ ਬੁਢਲਾਡਾ, ਬੀਰੋਕੇ ਕਲਾਂ, ਅਹਿਮਦਪੁਰ ਆਦਿ ਥਾਵਾਂ ‘ਤੇ ਹੱਥਾਂ ਵਿੱਚ ਤਖਤੀਆਂ ਉਠਾ ਕੇ ਪ੍ਰਦਰਸ਼ਨ ਕਰਦਿਆਂ ਮੰਗ ਕੀਤੀ ਕਿ ਕਰੋਨਾ ਮਹਾਂਮਾਰੀ ਨਾਲ ਨਜਿੱਠਣ ਲਈ ਫੌਕੇ ਭਾਸ਼ਣ ਦੇਣ ਦੀ ਬਜਾਏ ਕੇਰਲਾ ਸੂਬੇ ਦੀ ਤਰਜ ਤੇ ਕੇਂਦਰ ਅਤੇ ਪੰਜਾਬ ਸਰਕਾਰ ਵੱਲੋਂ ਲੋੜਵੰਦਾਂ ਤੱਕ ਘਰ ਘਰ ਰਾਸ਼ਨ ਪਹੁੰਚਾਇਆ ਜਾਵੇ ਅਤੇ ਰੁਜ਼ਗਾਰ ਤੋਂ ਵਾਂਝੇ ਹੋਏ ਵਿਅਕਤੀਆਂ ਨੂੰ ਆਰਥਿਕ ਸਹਾਇਤਾ ਦਿੱਤੀ ਜਾਵੇ. ਪ੍ਰਦਰਸ਼ਨਕਾਰੀਆਂ ਨੇ ਹੱਥਾਂ ਵਿੱਚ ਤਖਤੀਆਂ ਸਨ ਕਿ ਭਾਸ਼ਣ ਨਹੀਂ, ਰਾਸ਼ਨ ਦੇਵੋ. ਇਸ ਮੌਕੇ ਤੇ ਕੁੱਲ ਹਿੰਦ ਕਿਸਾਨ ਸਭਾ ਦੇ ਸੂਬਾਈ ਆਗੂ ਐਡਵੋਕੇਟ ਸਵਰਨਜੀਤ ਸਿੰਘ ਦਲਿਓ ਨੇ ਪ੍ਰੈਸ ਬਿਆਨ ਜਾਰੀ ਕਰਦਿਆਂ ਸਰਕਾਰਾਂ ਨੂੰ ਆੜੇ ਹੱਥੀਂ ਲੈਂਦਿਆਂ ਕਿਹਾ ਕਿ ਦੇਸ਼ ਅਤੇ ਪੰਜਾਬ ਦੇ ਲੋਕ 22 ਮਾਰਚ ਤੋਂ ਘਰਾਂ ਅੰਦਰ ਬੰਦ ਹਨ. ਸਰਕਾਰਾਂ ਕੋਲ ਕਿਸਾਨਾਂ, ਮਜਦੂਰਾਂ, ਸਨਅਤੀ, ਉਸਾਰੀ ਮਜਦੂਰਾਂ ਜਾਂ ਹੋਰ ਵੱਖ ਵੱਖ ਛੋਟੇ^ਮੋਟੇ ਕਾਰੋਬਾਰਾਂ ਤੇ ਲੱਗੇ ਲੋਕਾਂ ਲਈ ਕੋਈ ਯੋਜਨਾ ਨਹੀਂ ਬਣਾਈ ਗਈ ਨਾ ਹੀ ਹਸਪਤਾਲਾਂ ਵਿੱਚ ਚੰਗੇ ਇਲਾਜ ਦਾ ਕੋਈ ਬੰਦੋਬਸਤ ਹੈ ਅਤੇ ਭਵਿੱਖ ਲਈ ਵੀ ਕੋਈ ਠੋਸ ਪ੍ਰਬੰਧ ਨਹੀਂ. ਉਨ੍ਹਾਂ ਕਿਹਾ ਕਿ ਹਾੜੀ ਦੀ ਜਿਨਸ ਦੇ ਪ੍ਰਬੰਧ ਵੀ ਨਾਕਸ ਹੋਣ ਕਰਕੇ ਮਜ਼ਦੂਰ, ਕਿਸਾਨ ਰੁਲ ਰਹੇ ਹਨ. ਪੋਲਟਰੀ, ਦੁੱਧ, ਸਬਜੀ ਆਦਿ ਸਹਾਇਕ ਧੰਦਿਆਂ ਦੇ ਉਤਪਾਦਕਾਂ ਨੂੰ ਕਾਫ਼ੀ ਨੁਕਸਾਨ ਹੋਣ ਕਰਕੇ ਵੱਡੀ ਆਰਥਿਕ ਸੱਟ ਵੱਜੀ ਹੈ. ਦੇਸ਼ ਦਾ ਵੱਡੇ ਹਿੱਸੇ ਦੀ ਵਸੋਂ ਗਰੀਬ ਹੋਣ ਕਰਕੇ ਅਨਾਜ ਨਾ ਮਿਲਣ ਕਰਕੇ ਭੁੱਖਮਰੀ ਦੀ ਭੱਠੀ ਵੱਲ ਧਕੇਲੀ ਜਾ ਰਹੀ ਹੈ, ਜੇਕਰ ਸਰਕਾਰਾਂ ਦਾ ਵਤੀਰਾ ਇਹੋ ਜਿਹਾ ਰਿਹਾ ਤਾਂ ਆਉਣ ਵਾਲੇ ਦਿਨ ਭਿਆਨਕ ਹੋਣ ਦਾ ਖਦਸ਼ਾ ਹੈ. ਸਰਕਾਰਾਂ ਨੂੰ ਸੁਚੇਤ ਹੋ ਕੇ ਯੋਗ ਕਦਮ ਚੁੱਕਣੇ ਚਾਹੀਦੇ ਹਨ. ਇਸ ਮੌਕੇ ਸ਼ਹਿਰ ਅਤੇ ਨਜ਼ਦੀਕੀ ਪਿੰਡਾਂ ਵਿੱਚ ਵੱਖ ਵੱਖ ਥਾਵਾਂ ਤੇ ਸੁੰਦਰ ਸਿਟੀ ਰੈਜੀਡੈਂਸਲ ਸੁਸਾਇਟੀ ਬੁਢਲਾਡਾ ਦੇ ਪ੍ਰਧਾਨ ਸੁਖਵਿੰਦਰ ਸਿੰਘ ਕਣਕਵਾਲੀਆਂ, ਕਾਮਰੇਡ ਜਸਵੰਤ ਸਿੰਘ ਬੀਰੋਕੇ, ਜਨਵਾਦੀ ਨੌਜਵਾਨ ਸਭਾ ਦੇ ਜ਼ਿਲਾ ਸਕੱਤਰ ਬਿੰਦਰ ਸਿੰਘ ਅਹਿਮਦਪੁਰ, ਸੀਟੂ ਆਗੂ ਸੰਤ ਰਾਮ ਬੀਰੋਕੇ, ਆਂਗਣਵਾੜੀ ਮੁਲਾਜਮ ਯੂਨੀਅਨ (ਸੀਟੂ) ਦੀ ਆਗੂ ਮਨਜੀਤ ਕੌਰ ਬੀਰੋਕੇ ਕਲਾਂ, ਸਿਵ ਕੁਮਾਰ ਜਿੰਦਲ, ਨਿਰਮਲ ਸਿੰਘ ਚਹਿਲ, ਜਗਤਾਰ ਸਿੰਘ ਝਲਬੂਟੀ, ਮਨਜੀਤ ਸਿੰਘ, ਗੁਰਮੀਤ ਸਿੰਘ ਗੋਬਿੰਦਪੁਰਾ, ਨਛੱਤਰ ਸਿੰਘ ਝਲਬੂਟੀ, ਜਗਜੀਤ ਸਿੰਘ, ਭੁਪਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ ਮੋਹਰ ਸਿੰਘ ਵਾਲਾ, ਕਰਨਵੀਰ ਸਿੰਘ ਦਲਿਓ ਆਦਿ ਮੌਜੂਦ ਸਨ।
