ਆਲ ਇੰਡੀਆ ਸਿੱਖ ਸਟੂਡੈੰਟਸ ਫੈਡਰੇਸ਼ਨ ਵਲੋਂ ਦਿੱਲ ਟੁੰਬਵੀਂ ਅਪੀਲ।
ਚੰਡੀਗੜ੍ਹ, 23 ਸਤੰਬਰ , 2020 (ਵਿਸ਼ਵ ਵਾਰਤਾ)-ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਪ੍ਰਧਾਨ ਤੇ ਸੀਨੀਅਰ ਅਕਾਲੀ ਨੇਤਾ ਮਨਜੀਤ ਸਿੰਘ ਭੌਮਾਂ.ਮੁੱਖ ਸਲਾਹਕਾਰ ਤੇ ਸੀਨੀਅਰ ਅਕਾਲੀ ਆਗੂ ਸਰਬਜੀਤ ਸਿੰਘ ਜੰਮੂ,ਅਕਾਲੀ ਨੇਤਾ ਕੁਲਦੀਪ ਸਿੰਘ ਮਜੀਠਾ,ਹਰਸ਼ਰਨ ਸਿੰਘ ਭਾਂਤਪੁਰ ਜੱਟਾਂ, ਗੁਰਚਰਨ ਸਿੰਘ ਬਸਿਆਲਾ, ਕਮਲਜੀਤ ਕੌਰ ਕੁਕੜਾਂ,ਲਖਵੀਰ ਸਿੰਘ ਟਾਂਡਾ,ਕਸ਼ਮੀਰਾ ਸਿੰਘ ਸਾਬਕਾ ਸਰਪੰਚ ਦਦਿਆਲ ਅਤੇ ਡਾ ਹਰਭਜਨ ਸਿੰਘ ਜੁਲਾ ਮਜਾਰਾ ਨੇ ਜਾਰੀ ਬਿਆਨ ਵਿਚ ਕਿਹਾ ਕਿ ਜਿਥੇ ਕਿਸਾਨ ਤੇ ਹਮਾਇਤੀ ਸੜਕਾਂ ਤੇ ਆਪਣੀ ਇੱਕ ਜੁਟੱਤਾ ਦਿਖਾਕੇ ਕੇਂਦਰ ਸਰਕਾਰ ਤੇ ਦਬਾਅ ਬਣਾ ਰਹੇ ਹਨ ਉਥੇ ਸਾਨੂੰ ਇਸ ਮਸਲੇ ਤੇ ਦਿਮਾਗੀ ਤੇ ਕਾਨੂੰਨੀ ਲੜਾਈ ਵੀ ਲੜਨੀ ਪੈਣੀ ਹੈ। ਫੈਡਰੇਸ਼ਨ ਆਗੂਆਂ ਸਾਰੀਆਂ ਕਿਸਾਨ ਯੂਨੀਅਨਾਂ ਨੂੰ ਅਪੀਲ ਕਰਨ ਦੇ ਨਾਲ ਨਾਲ ਪੰਜਾਬ ਦੇ 12000 ਤੋਂ ਵੱਧ ਪਿੰਡਾਂ ਦੀਆਂ ਪੰਚਾਇਤਾਂ ਨੂੰ ਦਿੱਲ ਟੁੰਬਵੀ ਅਪੀਲ ਕਰਦਿਆਂ ਕਿਹਾ ਕਿ ਭਾਰਤ ਦੀ ਸਭ ਤੋਂ ਹੇਠਲੀ ਅਦਾਲਤ ਗਰਾਮ ਪੰਚਾਇਤ ਹੈ ਇਸ ਲਈ ਅਸੀ ਆਪ ਸਭ ਨੂੰ ਬੇਨਤੀ ਕਰਦੇ ਹਾਂ ਕਿ ਪੰਜਾਬ ਤੇ ਦੇਸ਼ ਭਰ ਦੀਆਂ ਸਾਰੀਆਂ ਪੰਚਾਇਤਾਂ ਇਹਨਾਂ ਕਿਸਾਨ ਵਿਰੋਧੀ ਬਿਲਾਂ ਖਿਲਾਫ਼ ਗਰਾਮ ਪੰਚਾਇਤਾਂ ਤੇ ਸਭਾਵਾਂ ਵਿਚ ਮਤੇ ਵੱਧ ਤੋਂ ਵੱਧ ਪਾਸ ਕਰ , ਕਰਾਕੇ ਕਿਸਾਨ ਯੂਨੀਅਨਾਂ ਦੀ ਸਾਂਝੀ ਬਣੀ ਸੰਘਰਸ਼ ਕਮੇਟੀ ਨਾਲ ਸੰਪਰਕ ਕਰਕੇ ਪਾਸ ਕੀਤੇ ਮਤੇ ਉਹਨਾਂ ਹਵਾਲੇ ਕਰਨ ਤਾਂ ਕੇ ਉਹ ਕਾਨੂੰਨੀ ਕਾਰਵਾਈ ਲਈ ਮੁੱਢਲੀ ਤਾਕਤ ਇਕੱਠੀ ਕਰਕੇ ਆਪਣਾ ਕਨੂੰਨੀ ਪੱਖ ਮਜ਼ਬੂਤ ਕਰ ਸਕਣ।
ਫੈਡਰੇਸ਼ਨ ਆਗੂਆਂ ਕਿਸਾਨ ਯੂਨੀਅਨਾਂ ਦੀ ਸਾਂਝੀ ਸੰਘਰਸ਼ ਕਮੇਟੀ ਨੂੰ ਵੀ ਅਪੀਲ ਕਰਦਿਆ ਕਿਹਾ ਉਹ ਵੀ ਪੰਜਾਬ ਤੇ ਸਮੂਹ ਦੇਸ਼ ਵਿਚ ਜਿਥੇ ਜਿਥੇ ਵੀ ਉਹਨਾਂ ਨੂੰ ਲੋਕਾ ਤੇ ਕਿਸਾਨਾ/ਆੜਤੀਆਂ ਦਾ ਸਾਥ ਮਿਲ ਰਿਹਾ ਹੈ ਨੂੰ ਗਰਾਮ ਪੰਚਾਇਤਾ ਨੂੰ ਕਿਸਾਨ ਵਿਰੋਧੀ ਬਿੱਲਾਂ ਖਿਲਾਫ ਮਤੇ ਪਾਸ ਕਰਨ ਲਈ ਪ੍ਰੇਰਨ। ਇਹ ਸਾਡਾ ਸਾਰਥਕ ਸੁਝਾਅ ਹੈ ਸੰਘਰਸ਼ ਵੀ ਤੁਹਾਡਾ , ਅਗਵਾਈ ਵੀ ਤੁਹਾਡੀ ਸਾਥ ਸਭ ਦਾ ਹੇਠ ਸੰਘਰਸ਼ ਫ਼ਤਿਹ ਕਰਕੇ ਕੇਂਦਰ ਸਰਕਾਰ ਨੂੰ ਕਿਸਾਨ ਵਿਰੋਧੀ ਆਰਡੀਨੈਂਸ ਵਾਪਸ ਲੈਣ ਮਜਬੂਰ ਕਰਾਂਗੇ ।
ਫੈਡਰੇਸ਼ਨ ਪ੍ਰਧਾਨ ਮਨਜੀਤ ਸਿੰਘ ਭੋਮਾਂ ਨੇ ਕਿਹਾ ਕਿ ਅਸੀ ਸਾਰੀਆਂ ਸਿਆਸੀ ਪਾਰਟੀਆਂ ਨੂੰ ਜੋ ਕਿਸਾਨਾ ਦੀਆਂ ਵੱਡੀਆਂ ਹਮਾਇਤੀ ਹੋਣ ਦੇ ਦਮਗੱਜੇ ਮਾਰ ਰਹੀਆਂ ਹਨ ਉਹ ਆਪਣੀ ਆਪਣੀ ਪਾਰਟੀ ਦੇ ਸਰਪੰਚਾਂ ਤੇ ਹੋਰ ਵਰਕਰਾਂ ਨੂੰ ਹਦਾਇਤਾਂ ਦੇ ਕੇ ਇਹਨਾਂ ਕਿਸਾਨ , ਮਜਦੂਰ ਮਾਰੂ ਬਿੱਲਾਂ ਖਿਲਾਫ ਮੱਤੇ ਪਾਸ ਕਰਾਉਣ। ਅਗਰ ਕਾਂਗਰਸ ਅਕਾਲੀ ਬਸਪਾ ਅਤੇ ਖੱਬੇ ਪੱਖੀ ਪਾਰਟੀਆਂ ਕਿਸਾਨਾਂ ਦੇ ਨਾਲ ਸੁਹਿਰਦ ਹੋ ਕੇ ਖੜੀਆਂ ਹਨ ਤਾਂ ਇੱਕੋ ਦਿਨ 12000 ਤੋਂ ਵੱਧ ਪਿੰਡਾਂ ਵਿੱਚ ਇਹ ਵਿਰੋਧ ਮੱਤੇ ਪਾਸ ਹੋ ਸਕਦੇ ਹਨ ਤੇ ਕੇਂਦਰ ਸਰਕਾਰ ਇਹਨਾਂ ਬਿੱਲਾਂ ਵਿੱਚ ਬਦਲਾਵ ਕਰਨ ਲਈ ਮਜਬੂਰ ਹੋ ਜਾਵੇਗੀ ਜਿਵੇਂ ਬੀਬੀ ਹਰਸਿਮਰਤ ਕੋਰ ਬਾਦਲ ਨੂੰ ਅਸਤੀਫਾ ਦੇਣ ਲਈ ਕਿਸਾਨਾਂ ਦੇ ਰੋਹ ਤੇ ਗੁੱਸੇ ਅੱਗੇ ਝੁਕਣਾ ਪਿਆ।
ਮਨਜੀਤ ਸਿੰਘ ਭੋਮਾ
