ਪ੍ਰਦੇਸ਼ ਕਾਰਜਕਾਰੀ ਦਾ ਮੈਂਬਰ ਬਣਨ ‘ਤੇ ਮਾਨ ਦਾ ਸਨਮਾਨ

ਜ਼ਿਲ੍ਹਾ ਭਾਜਪਾ ਨੇ ਪ੍ਰਦੇਸ਼ ਲੀਡਰਸ਼ਿਪ ਦਾ ਧੰਨਵਾਦ ਕੀਤਾ
ਹੁਸ਼ਿਆਰਪੁਰ 22 ਜੁਲਾਈ (ਵਿਸ਼ਵ ਵਾਰਤਾ)- ਸੂਬਾ ਕਾਰਜਕਾਰਨੀ ਦਾ ਮੈਂਬਰ ਨਿਯੁਕਤ ਹੋਣ ‘ਤੇ ਭਾਰਤੀ ਜਨਤਾ ਪਾਰਟੀ ਦੇ ਸੀਨੀਅਰ ਵਰਕਰ ਮਹਿੰਦਰ ਪਾਲ ਮਾਨ ਜੀ ਨੂੰ ਜ਼ਿਲ੍ਹਾ ਭਾਜਪਾ ਨੇ ਸਨਮਾਨਿਤ ਕੀਤਾ। ਇਸ ਮੌਕੇ ਸਾਬਕਾ ਕੈਬਨਿਟ ਮੰਤਰੀ ਤਿਕਸ਼ਨ ਸੂਦ ਨੇ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਆਪਣੇ ਹਰੇਕ ਵਰਕਰ ਦਾ ਸਨਮਾਨ ਬਣਾਈ ਰੱਖਣ ਲਈ ਵਚਨਬੱਧ ਹੈ। ਇਸ ਮਤੇ ਨੂੰ ਅੱਗੇ ਤੋਰਦਿਆਂ ਸ਼੍ਰੀ ਮਹਿੰਦਰ ਪਾਲ ਮਾਨ ਜੀ ਨੂੰ ਰਾਜ ਕਾਰਜਕਾਰੀ ਦਾ ਮੈਂਬਰ ਨਾਮਜ਼ਦ ਕੀਤਾ ਗਿਆ। ਇਸ ਮੌਕੇ ਜ਼ਿਲ੍ਹਾ ਪ੍ਰਧਾਨ ਨਿਪੁੰਨ ਸ਼ਰਮਾ ਨੇ ਕਿਹਾ ਕਿ ਮਹਿੰਦਰ ਪਾਲ ਮਾਨ ਦੀ ਅਗਵਾਈ ਵਿੱਚ ਗੜ੍ਹਸ਼ੰਕਰ ਅਤੇ ਉਸ ਦੇ  ਆਸ ਪਾਸ ਦੇ ਕੰਡੀ ਖੇਤਰ ਵਿੱਚ ਉਹਨਾਂ ਦਾ ਆਪਣੇ ਵਰਕਰਾਂ ਦੇ ਨਾਲ ਅਪਨਤਵ ਦੀ ਭਾਵਨਾ ਰੱਖਣ ਦੀ ਭਾਵਨਾ ਅਤੇ ਹੋਰ ਲੋਕਾਂ  ਵਿੱਚ ਬਹੁਤ ਪ੍ਰਭਾਵ ਹੈ। ਉਨ੍ਹਾਂ ਦੇ ਕੰਮ ਦੇ ਢੰਗ ਨੂੰ ਧਿਆਨ ਵਿੱਚ ਰੱਖਦਿਆਂ, ਪਾਰਟੀ ਦੁਆਰਾ ਉਨ੍ਹਾਂ ਨੂੰ ਸਨਮਾਨਤ ਕੀਤਾ ਗਿਆ ਹੈ । ਇਸ ਮੌਕੇ ਮਹਿੰਦਰ ਪਾਲ ਮਾਨ ਨੇ ਕਿਹਾ ਕਿ ਉਹ ਇਸ ਜ਼ਿੰਮੇਵਾਰੀ ਨੂੰ ਪੂਰੀ ਤਨਦੇਹੀ ਨਾਲ ਨਿਭਾਉਣਗੇ ਤਾਂ ਜੋ ਪਾਰਟੀ ਨੂੰ ਹੋਰ ਬੁਲੰਦੀਆਂ ‘ਤੇ ਲਿਜਾਇਆ ਜਾ ਸਕੇ। ਇਸ ਮੌਕੇ ਸੂਬਾ ਕਾਰਜਕਾਰੀ ਮੈਂਬਰ ਸ੍ਰੀ ਵਿਜੇ ਪਠਾਨੀਆ, ਜਨਰਲ ਸੈਕਟਰੀ ਸ੍ਰੀ ਵਿਨੋਦ ਪਰਮਾਰ, ਸ੍ਰੀ ਬਿੰਦੂਸਾਰ ਸ਼ੁਕਲਾ, ਸ੍ਰੀ ਵਿਪੁਲ ਵਾਲੀਆ, ਸ੍ਰੀ ਯਸ਼ਪਾਲ ਸ਼ਰਮਾ ਆਦਿ ਵੀ  ਮਜੂਦ ਸਨ।