ਨਰਿੰਦਰ ਮੋਦੀ ਨੇ ਕਿਸਾਨਾ ਪ੍ਰਤੀ ਗਲਤ ਸਬਦਾਵਲੀ ਵਰਤ ਕੇ ਦੁਨੀਆ ਭਰ ਵਿੱਚ ਆਪਣੀ ਕਿਰਕਰੀ ਕਰਵਾਈ : ਅਵਤਾਰ ਸਿੰਘ ਭੀਖੋਵਾਲ
ਹੁਸ਼ਿਆਰਪੁਰ 13 ਫਰਵਰੀ ( ਵਿਸ਼ਵ ਵਾਰਤਾ ) ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਸਾਨੀ ਅੰਦੋਲਨ ਬਾਰੇ ਰਾਜ ਸਭਾ ਦੇ ਬੱਜਟ ਇਜਲਾਸ ਵਿਚ ਬੋਲਦਿਆਂ ਕਿਸਾਨੀ ਅੰਦੋਲਨ ਨੂੰ ਅੰਦੋਲਨਜੀਵੀ ਅਤੇ ਪਰਜੀਵੀ ਦੱਸਦਿਆਂ ਮਜ਼ਾਕ ਉਡਾਇਆ ਬਹੁਤ ਹੀ ਨਿੰਦਣਯੋਗ ਹੈ । ਇਹਨਾ ਗੱਲਾ ਦਾ ਪ੍ਰਗਟਾਵਾ ਨਜਦੀਕੀ ਪਿੰਡ ਭੀਖੋਵਾਲ ਦੇ ਗੁਰੂਦੁਆਰਾ ਨਾਨਕਸਰ ਸਾਹਿਬ ਦੇ ਪ੍ਰਬੰਧਕ ਅਵਤਾਰ ਸਿੰਘ ਭੀਖੋਵਾਲ ਨੇ ਪੱਤਰਕਾਰਾ ਨਾਲ ਕੀਤਾ । ਉਨ੍ਹਾਂ ਕਿਹਾ ਕਿ ਕਿਸਾਨ ਆਪਣੇ ਹੱਕਾਂ ਤੇ ਹਿੱਤਾਂ ਦੀ ਖਾਤਰ ਲੱਗਭਗ ਪਿਛਲੇ ਛੇ ਸੱਤ ਮਹੀਨਿਆਂ ਤੋਂ ਪੂਰੇ ਭਾਰਤ ਵਿੱਚ ਅਤੇ ਦਿੱਲੀ ਦੇ ਬਾਰਡਰਾ ਤੇ ਵੀ 3 ਮਹੀਨਿਆਂ ਤੋਂ ਆਪਣੇ ਘਰਬਾਰ ਛੱਡ ਕੇ ਸ਼ਾਂਤਮਈ ਸਬਰ ਤੇ ਜ਼ਾਬਤੇ ਵਿੱਚ ਰਹਿ ਕੇ ਅੰਦੋਲਨ ਕਰ ਰਹੇ ਹਨ ਉਸ ਬਾਰੇ ਮੋਦੀ ਨੇ ਬਹੁਤ ਹੀ ਭੱਦੀ ਤੇ ਨੈਤਿਕਤਾ ਤੋਂ ਡਿੱਗ ਕੇ ਬਿਆਨ ਦੇ ਕੇ ਜਿੱਥੇ ਕਿਸਾਨੀ ਅੰਦੋਲਨ ਦਾ ਮਜ਼ਾਕ ਉਡਾਇਆ ਉੱਥੇ ਦੁਨੀਆਂ ਭਰ ਵਿੱਚ ਵੀ ਆਪਣੀ ਚੰਗੀ ਤਰਾ ਕਿਰਕਰੀ ਕਰਵਾ ਲਈ ਹੈ ਜਦਕਿ ਦੇਸ਼ ਦੇ ਪ੍ਰਧਾਨ ਮੰਤਰੀ ਵੱਲੋਂ ਇਹੋ ਜਿਹੀ ਭੱਦੀ ਸ਼ਬਦਾਵਲੀ ਵਰਤਣੀ ਸ਼ੋਭਾ ਨਹੀਂ ਦਿੰਦੀ ਸਿੱਟੇ ਵਜੋਂ ਮੋਫੀ ਦੀ ਆਪਣੀ ਭਾਰਤੀਆ ਜੰਨਤਾ ਪਾਰਟੀ ਵਿੱਚ ਵੀ ਉਸ ਦਾ ਵਿਰੋਧ ਹੋਣਾ ਸ਼ੁਰੂ ਹੋ ਗਿਆ ਹੈ ਰਾਜਨਾਥ ਸਿੰਘ ਰੱਖਿਆ ਮੰਤਰੀ ਤਾਂ ਪਹਿਲਾਂ ਹੀ ਮੋਦੀ ਦੇ ਕੰਮਾਂ ਤੋਂ ਅਸੰਤੁਸ਼ਟ ਵਿਖਾਈ ਦੇ ਰਹੇ ਹਨ ਹੁਣ ਨਿਤਿਨ ਗਡਕਰੀ ਨੇ ਵੀ ਆਪਣੇ ਬਿਆਨ ਵਿਚ ਜੁੰਮਲੇਬਾਜ਼ ਮੋਦੀ ਨੂੰ ਪਾਣੀ ਪੀ ਪੀ ਕੋਸਿਆ ਹੈ ਅਗਲੇ ਦਿਨਾਂ ਵਿੱਚ ਪਾਰਟੀ ਦੇ ਅੰਦਰ ਸੁੱਲਗਦੀ ਅੱਗ ਜਲਦੀ ਹੀ ਬਾਹਰ ਆ ਜਾਵੇਗੀ ਉਹਨਾ ਕਿ ਮੋਦੀ ਸਰਕਾਰ ਨੂੰ ਇਸ ਦੀਆਂ ਮਾਰੂ ਨੀਤੀਆਂ ਨੇ ਹੀ ਲੈ ਡੁੱਬਣਾ ਹੈ । ਉਨ੍ਹਾਂ ਕਿਹਾ ਕਿ ਕਿਸਾਨੀ ਮੁੱਦਿਆਂ ਉਤੇ ਰਾਜ ਸਭਾ ਮੈਂਬਰ ਪ੍ਰਤਾਪ ਸਿੰਘ ਬਾਜਵਾ, ਸੁਖਦੇਵ ਸਿੰਘ ਢੀਂਡਸਾ ,ਬੀਬੀ ਹਰਸਿਮਰਤ ਕੌਰ ਬਾਦਲ, ਤੇ ਦੁਪਿੰਦਰ ਹੁੱਡਾ ਸ਼ਿਵ ਸੈਨਾ ਦੇ ਮੈਂਬਰ ਪਾਰਲੀਮੈਂਟ ਸੰਜੈ ਰਾਊਤ ਵੱਲੋਂ ਕਿਸਾਨੀ ਅੰਦੋਲਨ ਬਾਰੇ ਬਹੁਤ ਹੀ ਵਧੀਆ ਤਰੀਕੇ ਨਾਲ ਆਪਣਾ ਪੱਖ ਰੱਖਿਆ ਗਿਆ ਅਤੇ ਕਿਸਾਨੀ ਮੰਗਾਂ ਪ੍ਰਤੀ ਆਪਣੀ ਆਵਾਜ਼ ਬੁਲੰਦ ਕੀਤੀ ਜੋ ਕਿ ਬਹੁਤ ਹੀ ਵਧੀਆ ਉਸਾਰੂ ਸੋਚ ਦਾ ਪ੍ਰਗਟਾਵਾ ਹੈ ਉਨ੍ਹਾਂ ਕਿਹਾ ਕਿ ਵਾਰ ਵਾਰ ਸਰਕਾਰ ਵੱਲੋਂ ਗੱਲਬਾਤ ਦਾ ਸੱਦਾ ਦੇਣ ਤੇ ਕਿਸਾਨਾ ਨੇ ਮੀਟਿੰਗਾ ਅਟੈਡ ਕੀਤੀਆ ਪ੍ਰੰਤੂ ਕੋਈ ਸਿੱਟਾ ਨਹੀ ਨਿੱਕਲਿਆ । ਉਹਨਾ ਕਿਹਾ ਕਿ ਪਹਿਲਾਂ ਸਰਕਾਰ ਗਿਆਰਾਂ ਮੀਟਿੰਗਾਂ ਦੀ ਆਊਟਪੁੱਟ ਦੇਵੇ ਕਿ ਉਸਦੀ ਪ੍ਰਾਪਤੀ ਕੀ ਹੋਈ ਹੈ ? ਉਨ੍ਹਾਂ ਕਿਹਾ ਕਿ ਸਰਕਾਰ ਦੀ ਨੀਤੀ ਤੇ ਨੀਅਤ ਵਿੱਚ ਖੋਟ ਹੈ ਸਰਕਾਰ ਨੂੰ ਇਹ ਜਾਣ ਲੈਣਾ ਚਾਹੀਦਾ ਹੈ ਕਿ ਕਿਸਾਨਾਂ ਵਿੱਚ ਹੁਣ ਜਾਗਰੂਕਤਾ ਆ ਗਈ ਹੈ ਉਹ ਆਪਣੇ ਨਫੇ ਨੁਕਸਾਨ ਬਾਰੇ ਸਭ ਜਾਣਦੇ ਹਨ ਉਹਨਾ ਕਿਹਾ ਕਿ ਤਿੰਨਾ ਬਿੱਲਾਂ ਦੇ ਰੱਦ ਹੋਣ ਤੱਕ ਕਿਸਾਨਾ ਦੀ ਲੜਾਈ ਜਾਰੀ ਹੈ ਅਤੇ ਇਕ ਦਿਨ ਸਰਕਾਰ ਨੂੰ ਝੁੱਕਣਾ ਹੀ ਪੈਣਾ ਹੈ ਤੇ ਬਿੱਲ ਵਾਪਸ ਲੈਣੇ ਹੀ ਪੈਣੇ ਹਨ ਉਹਨਾ ਕਿਹਾ ਕਿ ਸਰਕਾਰ ਜਲਦੀ ਹੀ ਕਾਲੇ ਕਾਨੂੰਨ ਵਾਪਸ ਲੈ ਕੇ ਆਪਣਾ ਵਿਸ਼ਵਾਸ ਅਜੇ ਵੀ ਬਹਾਲ ਕਰ ਸਕਦੀ ਹੈ ।
