ਚੰਡੀਗੜ੍ਹ (ਵਿਸ਼ਵ ਵਾਰਤਾ ) ‘ਬਿਕਰਮਜੀਤ ਸਿੰਘ ਰੰਧਾਵਾ’ ਸ਼ਾਇਦ ਇਹ ਨਾਮ ਕੋਈ ਨਹੀਂ ਜਾਣਦਾ ਪਰ ‘ਬੀ ਜੇ ਰੰਧਾਵਾ’ ਕਿਸੇ ਪਹਿਚਾਣ ਦਾ ਮੋਹਤਾਜ਼ ਨਹੀਂ ਹੈ। ਪੰਜਾਬੀ ਇੰਡਸਟਰੀ ਦਾ ਇਹ ਗੱਬਰੂ ਸਖਤ ਮਿਹਨਤ, ਦਿੜ• ਨਿਸਚੇ ਅਤੇ ਸਬਰ ਦੀ ਇੱਕ ਉਦਾਹਰਣ ਹੈ। ਇਹਨਾਂ ਨੇ ਆਪਣੇ ਕੰਮ ਨਾਲ ਇਹ ਸਾਬਿਤ ਕੀਤਾ ਹੈ ਕਿ ਜੇ ਤੁਸੀਂ ਕੁਝ ਠਾਣ ਲਓ ਤੇ ਤੁਹਾਨੂੰ ਆਪਣੇ ਆਪ ਤੇ ਵਿਸ਼ਵਾਸ ਹੈ ਤਾਂ ਤੁਹਾਨੂੰ ਕੋਈ ਨਹੀਂ ਰੋਕ ਸਕਦਾ। ਇੱਕ ਸਟੰਟ ਸ਼ੋ ਤੋਂ ਆਪਣੇ ਸਫ਼ਰ ਦੀ ਸ਼ੁਰੂਆਤ ਕਰਨ ਵਾਲੇ ‘ਬੀ ਜੇ ਰੰਧਾਵਾ’ ਨੇ ਫ਼ਿਲਮਾਂ ਵਿੱਚ ਨਿੱਕੇ ਮੋਟੇ ਰੋਲ ਕਰਨ ਤੋਂ ਲੈ ਕੇ ਪੰਜਾਬ ਦੇ ਸਭ ਤੋਂ ਪ੍ਰਸਿੱਧ ਏਂਕਰ ਤੱਕ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ।
ਪਿਛਲੇ ਸਾਲ ‘ਬੀ ਜੇ ਰੰਧਾਵਾ’ ਨੇ ਆਪਣੇ ਪਹਿਲੇ ਹਿੱਟ ਗੀਤ ‘ਠੇਠ ਗੱਬਰੂ’ ਨਾਲ ਆਪਣੇ ਕੈਰੀਅਰ ਨੂੰ ਇੱਕ ਨਵੀਂ ਉਚਾਈ ਤੇ ਪੁਹੰਚਾਇਆ। ਉਸ ਤੋਂ ਬਾਅਦ ਇੱਕ ਤੋਂ ਇੱਕ ਹਿੱਟ ਗੀਤ ਜਿਵੇਂ ‘ਸਟਾਰ’ ਅਤੇ ‘ਦੀਵਾਨਾ’ ਦਿੱਤੇ। ਹੁਣੇ ‘ਬੀ ਜੇ ਰੰਧਾਵਾ’ ਨੇ ਆਪਣਾ ਇਸ ਸਾਲ ਤੀਸਰਾ ਹਿੱਟ ਗਾਣਾ ਪੈੱਗ ਰੀਲਿਜ ਕੀਤਾ ਹੈ। ਇਸ ਗੀਤ ਨੂੰ ਲੋਕ ਬਹੁਤ ਹੀ ਪਸੰਦ ਕਰ ਰਹੇ ਹਨ।
ਇਸ ਜਬਰਦਸਤ ਗੀਤ ਦੇ ਬੋਲ ਲਿਖੇ ਹਨ ‘ਕੁਲਸ਼ਾਨ ਸੰਧੂ’ ਨੇ। ਇਹ ਗੀਤ ਦਾ ਧਮਾਕੇਦਾਰ ਸੰਗੀਤ ‘ਗੁਪਜ਼ ਸੇਹਰਾ’ ਨੇ ‘ ਗੀਤ ਐਮ ਪੀ 3’ ਮਿਊਜ਼ਿਕ ਲੇਬਲ ਵਿੱਚ ਦਿੱਤਾ। ‘ਪੈੱਗ’ ਗੀਤ ਦੀ ਡਾਇਰੈਕਸ਼ਨ, ਸਕ੍ਰੀਨਪਲੇ, ਅਤੇ ਕਹਾਣੀ ਲਿਖੀ ਹੈ ਪੰਜਾਬ ਦੇ ਪ੍ਰਸਿੱਧ ਡਾਇਰੈਕਟਰ ‘ਪਰਮੀਸ਼ ਵਰਮਾ’ ਨੇ। ਪੰਜਾਬੀ ਗਾਇਕ ‘ਗੁਰੀ’ ਅਤੇ ‘ਸ਼ੈਰੀ ਮਾਨ’ਵੀ ਇਸ ਵੀਡੀਓ ਵਿੱਚ ਸ਼ਾਮਿਲ ਹੋਏ। ਇਸ ਗੀਤ ਨੂੰ ‘ਗੀਤ ਐਮ ਪੀ 3’ ਅਤੇ ‘ਕੇ ਵੀ ਢਿੱਲੋਂ’ ਨੇ ਰੀਲਿਜ ਕੀਤਾ।
ਦਰਸ਼ਕਾਂ ਦੇ ਇਸ ਭਰਪੂਰ ਹੁੰਗਾਰੇ ਨੂੰ ਲੈ ‘ਬੀ ਜੇ ਰੰਧਾਵਾ’ ਨੇ ਆਪਣੀ ਖੁਸ਼ੀ ਜਾਹਿਰ ਕੀਤੀ ਤੇ ਕਿਹਾ, “ਅਸੀਂ ਪਹਿਲਾਂ 5 – 6 ਮਹੀਨੇ ਦਾ ਬ੍ਰੇਕ ਲਿਆ ਤੇ ਫੇਰ ਸੋਚਿਆ ਕਿ ਇਹ ਗੀਤ ਪੂਰਾ ਪੰਜਾਬ ਦੇ ਬਾਰੇ ਵਿੱਚ ਹੋਵੇਗਾ। ਮੈਂ ਇੱਕ ਨਵੀਂ ਕੋਸ਼ਿਸ਼ ਕੀਤੀ ਹੈ ਇਸ ਗੀਤ ਨਾਲ ਜਿਵੇਂ ਮੇਰੇ ਪਹਿਲੇ ਸਾਰੇ ਗੀਤ ਸ਼ਹਿਰੀ ਹਨ ਪਰ ਇਹ ਗਾਣਾ ਬਿਲਕੁਲ ਦੇਸੀ ਹੈ ਅਤੇ ਸਾਰੇ ਪੰਜਾਬੀ ਇਸ ਨਾਲ ਜੁੜਨਗੇ।’ਬੀ ਜੇ ਰੰਧਾਵਾ’ ਨੇ ਅੱਗੇ ਕਿਹਾ, “ਮੈਂ ਆਪਣੀ ਪੂਰੀ ਟੀਮ ਦਾ ਬਹੁਤ ਧੰਨਵਾਦੀ ਹਾਂ ਖ਼ਾਸਕਰ ‘ਗੁਰੀ’ ਤੇ ‘ਸ਼ੈਰੀ ਮਾਨ’ ਦਾ ਜਿਹਨਾਂ ਨੇ ਆਪਣਾ ਟਾਇਮ ਤੇ ਇੰਨਾਂ ਸਹਿਯੋਗ ਦਿੱਤਾ“।
‘ਪਰਮੀਸ਼ ਵਰਮਾ’ ਨੇ ਕਿਹਾ, “ਪੈੱਗ ਗੀਤ ਅੱਜ ਕੱਲ ਦੇ ਗਾਣਿਆਂ ਤੋਂ ਬਹੁਤ ਹੀ ਅਲੱਗ ਹੈ। ਮੈਨੂੰ ਲੱਗਦਾ ਇਹ ਪਹਿਲਾਂ ਗੀਤ ਹੈ ਜਿਸ ਵਿੱਚ ਕੋਈ ਦੁਖੀ ਹੋ ਕੇ ਭੰਗੜੇ ਪਾ ਰਿਹਾ ਹੈ ਅਤੇ ਮੈਨੂੰ ਪੂਰਾ ਵਿਸ਼ਵਾਸ ਹੈ ਕਿ ‘ਬੀ ਜੇ ਰੰਧਾਵਾ’ ਤੋਂ ਬਿਨਾ ਕੋਈ ਹੋਰ ਇਸ ਕਾਨਸੇਪਟ ਨੂੰ ਇਹਨਾਂ ਵਧੀਆ ਨਾ ਨਿਭਾ ਪਾਉਂਦਾ। ਅਖੀਰ ਚ ਮੈਂ ਦਰਸ਼ਕਾਂ ਦਾ ਧੰਨਵਾਦੀ ਹਾਂ ਇਹਨਾਂ ਪਿਆਰ ਤੇ ਸਹਿਯੋਗ ਦੇਣ ਲਈ”।
