ਤਹਿਸੀਲਦਾਰ ਬਠਿੰਡਾ ਨੂੰ ਮੰਗ ਪੱਤਰ ਦੇ ਕੇ ਕੀਤੀ ਸੜਕ ਬਣਾਉਣ ਦੇ ਕੰਮ ਰੱਦ ਕਰਨ ਦੀ ਮੰਗ

ਬਠਿੰਡਾ 7 ਜਨਵਰੀ ( ਕੁਲਬੀਰ ਬੀਰਾ ) : ਭਾਰਤ ਸਰਕਾਰ ਵੱਲੋਂ ਭਾਰਤ ਮਾਲਾ ਨਾਮ ਦੀ ਛੇ ਛੇ ਮਾਰਗੀ ਸੜਕ ਨੰਬਰ 754 ਏ ਜਾਮਨਗਰ ਤੋਂ ਸ੍ਰੀ ਅੰਮ੍ਰਿਤਸਰ ਤਕ ਵਾਇਆ ਕੋਟਸ਼ਮੀਰ, ਧੰਨ ਸਿੰਘ ਖਾਨਾ ਤੋਂ ਲਹਿਰਾ ਮੁਹੱਬਤ ਆਦਿ ਪਿੰਡਾਂ ਵਿੱਚ ਬਣਾਉਣ ਲਈ ਪਿੰਡ ਵਾਸੀਆਂ ਤੋਂ ਇਤਰਾਜ਼ ਮੰਗੇ ਗਏ ਸਨ ਜਿਸਦੇ ਵਿਰੋਧ ਵਿਚ ਅੱਜ ਇਕੱਤਰ ਹੋਏ ਵੱਖ ਵੱਖ ਪਿੰਡਾਂ ਦੇ ਲੋਕਾਂ ਨੇ ਡੀਸੀ ਦਫਤਰ ਦਾ ਘਿਰਾਓ ਕੀਤਾ ਤੇ ਮੰਗ ਕੀਤੀ ਕਿ ਜੋ ਇਹ ਸੜਕ ਵਿੱਚ ਇਕਵਾਇਰ ਕੀਤੀ ਜਾ ਰਹੀ ਜ਼ਮੀਨ ਜੋ ਕਿ ਉਪਜਾਊ ਅਤੇ ਕਮਰਸ਼ੀਅਲ ਹੈ ਜਿਸ ਨਾਲ ਜ਼ਮੀਨ ਦੇ ਮਾਲਕ ਦਾ ਕਾਫ਼ੀ ਨੁਕਸਾਨ ਹੋਣਾ ਹੈ ਇਸ ਲਈ ਇਸ ਸੜਕ ਨੂੰ ਨਾ ਬਣਾਇਆ ਜਾਵੇ। ਪਿੰਡ ਵਾਸੀ ਜਸਵੀਰ ਸਿੰਘ, ਕਰਮਜੀਤ ਸਿੰਘ, ਪਰਮਜੀਤ ਸਿੰਘ, ਬੰਤ ਸਿੰਘ, ਦਲਬਾਰ ਸਿੰਘ ਆਦਿ ਨੇ ਕਿਹਾ ਕਿ ਅਸੀ ਛੋਟੇ ਜ਼ਿਮੀਂਦਾਰਾਂ ਅਤੇ ਸਾਡਾ ਕਿੱਤਾ ਖੇਤੀਬਾੜੀ ਹੈ, ਅਸੀਂ ਸੁਨਹਿਰੀ ਜ਼ਮੀਨ ਤੇ ਖੇਤੀਬਾੜੀ ਕਰਕੇ ਆਪਣੇ ਪਰਿਵਾਰ ਦਾ ਪਾਲਣ ਪੋਸ਼ਣ ਕਰ ਰਹੇ ਹਾਂ ਪਰ ਭਾਰਤ ਸਰਕਾਰ ਉਕਤ ਸੜਕ ਨੂੰ ਕੱਢਕੇ ਸਾਡੀ ਜ਼ਮੀਨ ਖੋਹਣਾ ਚਾਹੁੰਦੀ ਹੈ ਜਿਸਦੇ ਖ਼ਿਲਾਫ਼ ਸੀ ਡਰੇ ਹੋਏ ਹਾਂ ਅਤੇ ਕਿਸੇ ਵੀ ਹਾਲਤ ਵਿੱਚ ਕੋਈ ਵੀ ਕਿਸਾਨ ਇਹ ਜ਼ਮੀਨ ਤੇ ਸੜਕ ਬਣਨ ਨਹੀਂ ਦੇਵੇਗਾ। ਇਸ ਮੌਕੇ ਇਕੱਤਰ ਪਿੰਡ ਵਾਸੀਆਂ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਮੰਗ ਪੱਤਰ ਦੇ ਕੇ ਮੰਗ ਕੀਤੀ ਕਿ ਸਾਡਾ ਰਕਬਾ ਭਾਰਤ ਮਾਲਾ ਨਾਮ ਦੀ ਸੜਕ ਬਣਾਉਣ ਲਈ ਐਕਵਾਇਰ ਨਾ ਕੀਤਾ ਜਾਵੇ। ਇਸ ਮੌਕੇ ਸੁਖਜੀਤ ਸਿੰਘ, ਸਿਕੰਦਰ ਸਿੰਘ, ਰਜਿੰਦਰ ਸਿੰਘ, ਸੁਖਮੰਦਰ ਸਿੰਘ, ਜਸਪਾਲ ਸਿੰਘ, ਰਣਜੀਤ ਸਿੰਘ ਆਦਿ ਪਿੰਡ ਵਾਸੀ ਹਾਜ਼ਰ ਸਨ।






















