ਚੋਰਾਂ ਨੇ ਸ਼ਮਸ਼ਾਨ ਘਾਟ ਨੂੰ ਵੀ ਨਹੀਂ ਬਖਸ਼ਿਆ ਉਡਾਈਆਂ ਸੰਸਕਾਰ ਕਰਨ ਵਾਲੀਆਂ ਭੱਠੀਆਂ
ਫਾਜ਼ਿਲਕਾ,26 ਮਾਰਚ (ਐਸ ਕੇ ਵਰਮਾਂ):ਥਾਣਾ ਅਰਨੀਵਾਲਾ ਚ ਇਕ ਹੈਰਾਨ ਕਰ ਦੇਣ ਵਾਲੀ ਚੋਰੀ ਦਾ ਮਾਮਲਾ ਸਾਹਮਣੇ ਆਇਆ ਹੈ ਕਿ ਚੋਰਾਂ ਵਲੋਂ ਪਿੰਡ ਦੇ ਸ਼ਮਸ਼ਾਨਘਾਟ ਨੂੰ ਵੀ ਨਹੀਂ ਬਖਸ਼ਿਆ ਗਿਆ। ਜੋ ਸੰਸਕਾਰ ਕਰਨ ਵਾਲੀਆਂ ਭੱਠੀਆਂ ਉਨ੍ਹਾਂ ਨੂੰ ਹੀ ਚੋਰਾਂ ਵਲੋਂ ਉਠਾ ਦਿੱਤਾ ਗਿਆ। ਜਾਣਕਾਰੀ ਅਨੁਸਾਰ ਪਿੰਡ ਕੰਧ ਵਾਲਾ ਹਾਜਰ ਖਾਂ ਦੇ ਸਰਪੰਚ ਸ ਸਾਹਿਬ ਸਿੰਘ ਗਿੱਲ ਵਲੋਂ ਇਕ ਦਰਖਾਸਤ ਥਾਣਾ ਅਰਨੀਵਾਲਾ ਚ ਦਿੱਤੀ ਗਈ ਸੀ ਕਿ ਉਨ੍ਹਾਂ ਦੇ ਪਿੰਡ ਦੇ ਸ਼ਮਸ਼ਾਨਘਾਟ ਦੀਆਂ ਜੋ ਸੰਸਕਾਰ ਕਰਨ ਵਾਲੀਆਂ ਦੋ ਭੱਠੀਆਂ ਸਨ ਉਨ੍ਹਾਂ ਨੂੰ ਕੁਝ ਸ਼ੱਕੀ ਵਿਅਕਤੀਆਂ ਵਲੋਂ ਤੋੜ ਕੇ ਚੋਰੀ ਕਰ ਲਈਆਂ ਹਨ ਤੇ ਪਿੰਡ ਦੇ ਹੀ ਵਾਟਰ ਵਰਕਸ ਚ ਬਣੀਆਂ ਡਿੱਗੀਆਂ ਦੇ ਢੱਕਣ ਵੀ ਉਤਾਰੇ ਗਏ ਹਨ। ਸਮੂਹ ਪੰਚਾਇਤ ਵਲੋਂ ਖੋਜ ਸ਼ਾਨਬੀਨ ਕਰਨ ਤੋਂ ਬਾਅਦ ਪਤਾ ਚੱਲਿਆ ਕਿ ਉਨ੍ਹਾਂ ਦੇ ਹੀ ਪਿੰਡ ਦੇ ਤਿੰਨ ਨੌਜਵਾਨਾਂ ਨੇ ਇਨ੍ਹਾਂ ਚੋਰੀਆਂ ਨੂੰ ਅੰਜਾਮ ਦਿੱਤਾ ਹੈ। ਥਾਣਾ ਅਰਨੀਵਾਲਾ ਵਲੋਂ ਸਰਪੰਚ ਸਾਹਿਬ ਸਿੰਘ ਗਿੱਲ ਤੇ ਸਮੂਹ ਪੰਚਾਇਤ ਦੇ ਬਿਆਨਾਂ ਦੇ ਆਧਾਰ ਤੇ ਉਨ੍ਹਾਂ ਤਿੰਨਾਂ ਕਥਿਤ ਦੋਸ਼ੀਆਂ ਦੇ ਖਿਲਾਫ ਚੋਰੀ ਦਾ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
