ਮੂਨਕ, 30 ਜਨਵਰੀ (ਨਰੇਸ਼ ਤਨੇਜਾ, ਸੁਰਿੰਦਰ ਗਰਗ) ਇੱਥੇ ਗੁਰੂ ਰਵਿਦਾਸ ਜਨ ਸੇਵਾ ਕਲੱਬ ਮੂਨਕ ਵੱਲੋਂ ਗੁਰੂ ਰਵਿਦਾਸ ਜੀ ਦੇ 641 ਵੇਂ ਜਨਮ ਦਿਹਾਡ਼ੇ ਨੂੰ ਲੈ ਕੇ ਨਗਰ ਕੀਰਤਨ ਸਜਾਇਆ ਗਿਆ। ਨਗਰ ਕੀਰਤਨ ਦੀ ਅਗਵਾਈ ਗੁਰੂ ਰਵਿਦਾਸ ਦੇ ਸਰੂਪ ਲੈ ਕੇ ਕੀਤੀ ਗਈ। ਬਹੁਤ ਹੀ ਸੁੰਦਰ ਫੁੱਲਾਂ ਨਾਲ ਵਾਹਨ ਨੂੰ ਸਜਾ ਕੇ ਗੁਰੂ ਰਵਿਦਾਸ ਦੇ ਸਰੂਪ ਰੱਖ ਕੇ ਸੋਭਾ ਯਾਤਰਾ ਕੱਢੀ ਗਈ। ਇਸ ਮੌਕੇ ਗੁਰੂ ਰਵਿਦਾਸ ਦੀਆਂ ਸਿੱਖਿਆਵਾਂ ਅਤੇ ਮਾਰਗ ਤੇ ਚੱਲਣ ਦਾ ਪ੍ਰਣ ਕੀਤਾ।
ਇਸ ਮੌਕੇ ਤੇ ਬੀਬੀ ਰਾਜਿੰਦਰ ਕੌਰ ਭੱਠਲ ਸਾਬਕਾ ਮੁੱਖ ਮੰਤਰੀ ਪੰਜਾਬ ਨਤਮਸਤਕ ਹੋਏ। ਸਥਾਨਕ ਰਵਿਦਾਸ ਮੰਦਰ ਤੋਂ ਲੈ ਕੇ ਸ਼ੁਰੂ ਹੋ ਕੇ ਬਜਾਰ ਅਤੇ ਵੱਖ-ਵੱਖ ਮੁਹੱਲਿਆਂ ਵਿੱਚੋ ਲੰਘਿਆ। ਨਗਰ ਕੀਰਤਨ ਦਾ ਥਾ-ਥਾਂ ਸਵਾਗਤ ਕੀਤਾ ਗਿਆ। ਕਈਂ ਥਾਈਂ ਪਟਾਕੇ ਚਲਾ ਕੇ ਖੁਸ਼ੀ ਪ੍ਰਗਟ ਕੀਤੀ ਗਈ। ਇਸ ਮੌਕੇ ਸਨਮੀਕ ਹੈਨਰੀ, ਜਗਦੀਸ ਗੋਇਲ ਪ੍ਰਧਾਨ ਨਗਰ ਪੰਚਾਇਤ ਮੂਣਕ, ਕਰਮਚੰਦ ਸਿੰਗਲਾ, ਗੋਰਾ ਲਾਲ ਖੁਰਮੀ, ਹਰਿਕ੍ਰਿਸ਼ਨ ਮਦਾਨ, ਸੰਜੀਵ ਕੁਮਾਰ ਕਾਲੂ, ਤਰਸੇਮ ਚੰਦ ਅਰੋਡ਼ਾ, ਕ੍ਰਿਸ਼ਨ ਕੁਮਾਰ ਗਰਗ, ਮੁਖਤਿਆਰ ਸਿੰਘ ਪ੍ਰਧਾਨ ਟਰੱਕ ਯੂਨੀਅਨ, ਨਛੱਤਰ ਰਾਓ, ਭੂਰਾ ਐੱਮ.ਸੀ., ਛੱਜੂ ਰਾਮ, ਨਿਰਮਲ ਸਿੰਘ, ਸੁਰਜਨ ਸਿੰਘ, ਜੋਧਾ ਰਾਮ ਰੋਜੀਆ, ਦਰਸ਼ਨ ਸਾਬਕਾ ਐੱਮ.ਸੀ. ਰਾਮ ਸਰੂਪ, ਨਸੀਬ ਚੰਦ, ਸੇਰੂ ਸਿੰਘ ਆਦਿ ਹਾਜਰ ਸਨ।
