ਕੋਰੋਨਾ ਨੇ ਫਿਰ ਤੋਂ ਫੜੀ ਰਫਤਾਰ
ਇੱਕ ਦਿਨ ਵਿੱਚ ਸਾਢੇ ਤਿੰਨ ਲੱਖ ਕੇਸਾਂ ਦਾ ਅੰਕੜਾ ਕੀਤਾ ਪਾਰ
ਚੰਡੀਗੜ੍ਹ,13 ਮਈ (ਵਿਸ਼ਵ ਵਾਰਤਾ) : ਦੇਸ਼ ਵਿਚ ਕੋਰੋਨਾ ਵਾਇਰਸ ਦੇ ਕੇਸ ਲਗਾਤਾਰ ਵੱਧ ਰਹੇ ਹਨ; ਲਗਾਤਾਰ ਦੋ ਦਿਨ ਕੇਸਾਂ ਦੀ ਗਿਣਤੀ ਘਟਣ ਤੋਂ ਬਾਅਦ ਬੁੱਧਵਾਰ ਨੂੰ ਕੋਰੋਨਾ ਇਨਫੈਕਸ਼ਨ ਦੇ ਕੇਸਾਂ ਨੇ ਸਾਢੇ ਤਿੰਨ ਲੱਖ ਦਾ ਅੰਕੜਾ ਫਿਰ ਤੋਂ ਪਾਰ ਕਰ ਦਿੱਤਾ ਹੈ। ਮਰਨ ਵਾਲਿਆਂ ਦੀ ਗਿਣਤੀ ਵੀ ਲਗਾਤਾਰ ਦੂਜੇ ਦਿਨ ਚਾਰ ਹਜ਼ਾਰ ਤੋਂ ਉਪਰ ਰਹੀ।
ਦੇਸ਼ ਵਿਚ ਕੁੱਲ 3,62,720 ਮਾਮਲੇ ਸਾਹਮਣੇ ਆਏ ਹਨ ਅਤੇ 4,136 ਲੋਕਾਂ ਦੀ ਮੌਤ ਹੋ ਗਈ। ਡਬਲਯੂ.ਐਚ.ਓ ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਕੋਰੋਨਾ ਕੇਸਾਂ ਦੇ ਮਾਮਲੇ ਵਿਚ ਭਾਰਤ ਦਾ ਯੋਗਦਾਨ ਲਗਾਤਾਰ ਤੀਜੇ ਦਿਨ ਵਿਸ਼ਵ ਪੱਧਰ ‘ਤੇ ਸਭ ਤੋਂ ਵੱਧ ਰਿਹਾ ਹੈ। ਇਸਦਾ ਅਰਥ ਇਹ ਹੈ ਕਿ ਵਿਸ਼ਵ ਵਿਚ ਕੁੱਲ ਕੇਸਾਂ ਨਾਲੋਂ ਭਾਰਤ ਵਿਚ ਵਧੇਰੇ ਕੇਸ ਹਨ, ਨਾਲ ਹੀ, ਪਿਛਲੇ ਤਿੰਨ ਦਿਨਾਂ ਦੇ ਅੰਕੜੇ ਦਰਸਾ ਰਹੇ ਹਨ ਕਿ ਵਿਸ਼ਵ ਵਿਚ ਹੋ ਰਹੀਆਂ ਮੌਤਾਂ ਵਿੱਚੋਂ ਇਕ ਤਿਹਾਈ ਭਾਰਤ ਵਿਚ ਹੋ ਰਹੀਆਂ ਹਨ।
