ਕੁਈਨਜ਼ਲੈਂਡ ਤੋਂ ਬਾਅਦ ਮੈਲਬਨ ਤੇ ਸਿਡਨੀ ਦੇ ਵਿੱਚ ਵੀ ਕੜਾਕੇ ਦੀ ਠੰਡ
ਨਵੀਂ ਦਿੱਲੀ 19ਜੂਨ (ਗੁਰਪੁਨੀਤ ਸਿੰਘ ਸਿੱਧੂ) ਕੁਈਨਜ਼ਲੈਂਡਦੇ ਕੇਂਦਰ ਵਿੱਚ ਕੜਾਕੇ ਦੀ ਠੰਡ ਪੈ ਰਹੀ ਹੈ। ਅਜਿਹੇ ਵਿੱਚ ਮੈਲਬਰਨ ਤੇ ਸਿਡਨੀ ਵਿੱਚ ਵੀ ਸਵੇਰ ਵੇਲੇ ਕੜਾਕੇ ਦੀ ਠੰਡ ਪਈ ਹੈ .ਬੁੱਧਵਾਰ ਵਾਲੇ ਦਿਨ ਸਿਡਨੀ ਵਿੱਚ ਆਬਜਰਵੇਟਰੀ ਹਿੱਲ ਤੇ ਘੱਟੋ ਘੱਟ ਤਾਪਮਾਨ 6.5 ਡਿਗਰੀ ਸੈਲਸੀਅਸ ਰਿਕਾਰਡ ਕੀਤਾ ਗਿਆ ਹੈ। ਜਦਕਿ ਮੈਲਬੋਰਡ ਦੇ ਵਿੱਚ ਹੱਡੀਆਂ ਠਾਰਨ ਵਾਲੀ ਠੰਡ 1.4 ਡਿਗਰੀ ਸੈਲਸੀਅਸ ਰਿਕਾਰਡ ਕੀਤੀ ਗਈ ਹੈ।
ਸੋਮਵਾਰ ਦੀ ਰਾਤ ਕੁਈਨਲੈਂਡ ਦੇ ਅੰਦਰਲੇ ਹਿੱਸੇ ਦੇ ਵਿੱਚ ਜੂਨ ਦੀ ਸਭ ਤੋਂ ਠੰਡੀ ਰਾਤ ਸੀ ਕੇਂਦਰੀ ਕੁਈਨਜਲੈਂਡ ਦੇ ਟੋਬੋ ਪੋਸਟ ਆਫਿਸ ਤੇ ਮੰਗਲਵਾਰ ਸਵੇਰ ਦਾ ਤਾਪਮਾਨ -5 ਡਿਗਰੀ ਸੀ। ਬਿਲੋਏਲਾ ਨੇੜੇ ਥੰਗੂਲ ਹਵਾਈ ਅੱਡੇ ‘ਤੇ ਤਾਪਮਾਨ -3.4 ਡਿਗਰੀ ਸੈਲਸੀਅਸ ਸੀ, ਜੋ ਕਿ ਜੂਨ ਦਾ ਨਵਾਂ ਰਿਕਾਰਡ ਹੈ। ਰੋਮਾ ਹਵਾਈ ਅੱਡੇ ‘ਤੇ, ਪਾਰਾ -3.5C ਤੱਕ ਪਹੁੰਚ ਗਿਆ, ਜੋ ਕਿ 11 ਜੁਲਾਈ 2022 ਤੋਂ ਬਾਅਦ ਦਾ ਸਭ ਤੋਂ ਠੰਡਾ ਤਾਪਮਾਨ ਸੀ।
ਹਾਲਾਂਕਿ ਅਗਸਤ 1995 ਵਿੱਚ ਸਾਈਟ ਦੇ ਰਿਕਾਰਡ ਹੇਠਲੇ ਪੱਧਰ -5.8C ਤੋਂ ਬਹੁਤ ਉੱਪਰ ਸੀ। ਰਾਜ ਦੇ ਮੱਧ-ਉੱਤਰ ਵਿੱਚ, ਮੈਕਕੇ, 5.5C ਤੱਕ ਡਿੱਗ ਗਿਆ। ਮੰਗਲਵਾਰ ਸਵੇਰੇ ਤਸਮਾਨੀਆ, ਵਿਕਟੋਰੀਆ, ਐਕਟ ਅਤੇ ਨਿਊ ਸਾਊਥ ਵੇਲਜ਼ ਵਿੱਚ ਵਿਆਪਕ ਠੰਡ ਦੇ ਨਾਲ, ਠੰਡ ਨੇ ਪੂਰੇ ਪੂਰਬੀ ਤੱਟ ਨੂੰ ਆਪਣੀ ਲਪੇਟ ਚ ਲੈ ਲਿਆ ਸੀ
