ਕਿਸਾਨ ਅੰਦੋਲਨ ਨੂੰ ਖੇਰੂੰ ਖੇਰੂੰ ਕਰਨ ਲਈ ਮੋਦੀ ਸਰਕਾਰ ਵਰਤ ਰਹੀ ਹੈ ਤਰ੍ਹਾਂ ਤਰ੍ਹਾਂ ਦੇ ਹੱਥਕੰਡੇ : ਦਿਨੇਸ਼ ਕੁਮਾਰ ਪੱਪੂ
ਹੁਸ਼ਿਆਰਪੁਰ 13 ਫਰਵਰੀ (ਵਿਸ਼ਵ ਵਾਰਤਾ) ਕਿਸਾਨੀ ਅੰਦੋਲਨ ਇਸ ਵਕਤ ਬਹੁਤ ਹੀ ਵਧੀਆ ਚੱਲ ਰਿਹਾ ਹੈ ਪਰ ਕੁਝ ਕੁ ਸ਼ਰਾਰਤੀ ਤਾਕਤਾਂ ਇਸ ਅੰਦੋਲਨ ਵਿੱਚ ਫੁੱਟ ਪਾਉਣ ਦੀਆਂ ਕੋਸ਼ਿਸ਼ਾਂ ਚ ਲੱਗੀਆਂ ਹੋਈਆਂ ਹਨ ਸਾਰਿਆਂ ਨੂੰ ਉਸ ਤੋਂ ਸੁਚੇਤ ਰਹਿਣ ਦੀ ਲੋਡ਼ ਹੈ ਏਜੰਸੀਆਂ ਵੱਲੋਂ ਜਥੇਬੰਦੀਆਂ ਵਿੱਚ ਫੁੱਟ ਪਾਉਣ ਦਾ ਪੱਤਾ ਖੇਡਿਆ ਜਾ ਰਿਹਾ ਹੈ ਜਿਸ ਤੋਂ ਕਿ ਬਚ ਕੇ ਚੱਲਣ ਦੀ ਮੁੱਖ ਲੋਡ਼ ਹੈ ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਬਹੁਜਨ ਸਮਾਜ ਪਾਰਟੀ ਦੇ ਜਿਲ੍ਹਾ ਇੰਨਚਾਰਜ ਦਿਨੇਸ਼ ਕੁਮਾਰ ਪੱਪੂ ਨੇ ਪੱਤਰਕਾਰਾਂ ਨਾਲ ਕੀਤਾ ਉਨ੍ਹਾਂ ਕਿਹਾ ਕਿ ਜਿਹੜੇ ਸਾਡੀ ਸੋਚ ਵਿੱਚ ਮਾੜੇ ਮੋਟੇ ਮਨ ਮੁਟਾਵ ਹਨ ਉਹ ਸਾਡੀ ਆਪਸੀ ਤੇ ਘਰ ਦੀ ਗੱਲ ਹੈ ਉਸ ਨੂੰ ਜ਼ਾਬਤੇ ਵਿੱਚ ਰਹਿ ਕੇ ਰੱਖ ਕੇ ਹੱਲ ਕੀਤਾ ਜਾਵੇ ਹਰੇਕ ਗੱਲ ਨੂੰ ਸੋਸ਼ਲ ਮੀਡੀਆ ਤੇ ਨਾ ਲਿਜਾਇਆ ਜਾਵੇ ਨਿੱਜੀ ਮਨ ਮਿਟਾਵ ਨੂੰ ਲਾਈਵ ਕਰਨ ਤੋਂ ਵੀ ਗੁਰੇਜ਼ ਕੀਤਾ ਜਾਵੇ ਉਨ੍ਹਾਂ ਕਿਹਾ ਸਾਡੀ ਲੜਾਈ ਜ਼ੋਰਾਵਰਾਂ ਤੇ ਜਰਵਾਣਿਆਂ ਨਾਲ ਹੈ । ਉਹਨਾ ਕਿਹਾ ਕਿ ਲੋੜ ਤਾਂ ਇਕੱਠੇ ਹੋ ਕੇ ਤਾਕਤ ਵਧਾ ਕੇ ਸਰਕਾਰ ਦੀਆਂ ਨੀਤੀਆਂ ਦਾ ਵਿਰੋਧ ਕਰਕੇ ਤਿੰਨ ਕਾਲੇ ਆਰਡੀਨੈਂਸ ਰੱਦ ਕਰਵਾਉਣ ਦੀ ਹੈ ਉਨ੍ਹਾਂ ਕਿਹਾ ਕਾਰਪੋਰੇਟ ਘਰਾਣਿਆਂ ਦੀ ਤਾਕਤ ਵੱਧਦੀ ਹੈ ਸਾਡੀ ਆਪਸੀ ਫੁੱਟ ਵੇਖ ਕੇ ਸਾਨੂੰ ਆਪਣਾ ਕੋਈ ਵੀ ਬੀਕ ਪੁਆਇੰਟ ਪ੍ਰੈੱਸ ਵਿੱਚ ਨਹੀਂ ਨਸ਼ਰ ਕਰਨਾ ਚਾਹੀਦਾ । ਇਸ ਤਰ੍ਹਾਂ ਇਸ ਨਾਲ ਚੱਲ ਰਹੇ ਅੰਦੋਲਨ ਨੂੰ ਵੀ ਬਹੁਤ ਵੱਡੀ ਢਾਹ ਲੱਗਦੀ ਹੈ ਹਰੇਕ ਲੀਡਰ ਨੂੰ ਆਪਣੀ ਤਾਕਤ ਦੱਸਣ ਦੀ ਲੋੜ ਨਹੀਂ ਜਨਤਾ ਸਭ ਜਾਣਦੀ ਹੈ ਸਾਰਿਆਂ ਦੀ ਬਾਜ਼ ਅੱਖ ਅੰਦੋਲਨ ਤੇ ਕੇਦਰਿਤ ਹੈ
