ਕਰੋਨਾ ਮਹਾਮਾਰੀ ਤੋਂ ਪ੍ਰਭਾਵਤ ਗਰੀਬ ਪਰਿਵਾਰਾਂ ਲਈ ਸਰਕਾਰ ਵਿਸ਼ੇਸ਼ ਫੰਡ ਜਾਰੀ ਕਰੇ-ਠੇਕੇਦਾਰ ਭਗਵਾਨ,ਚੌਧਰੀ ਖੁਸ਼ੀ ਰਾਮ,ਅਹੀਰ

ਹੁਸ਼ਿਆਰਪੁਰ 25 ਜੁਲਾਈ (ਵਿਸ਼ਵ ਵਾਰਤਾ)- ਕਰੋਨਾ ਮਹਾਮਾਰੀ ਦੇ ਸੰਕਟ ਦੇ ਹੋਰ ਸਮਾਂ ਰਹਿਣ ਕਾਰਨ ਛੋਟੇ ਕਾਰੋਬਾਰ,ਮਜਦੂਰ,ਗਰੀਬ ਕਿਸਾਨ ਬਹੁਤ ਬੁਰੀ ਤਰਾਂ ਪ੍ਰਭਾਵਿਤ ਹੋ ਰਹੇ ਹਨ।ਦੂਜੇ ਪਾਸੇ ਪੈਟਰੋਲ,ਡੀਜਲ,ਰਸੋਈ ਗੈਸ,ਘਰੇਲੂ ਵਸਤਾਂ ਦੀਆਂ ਕੀਮਤਾਂ ਵਧਣ ਨਾਲ ਮੰਹਿਗਾਈ ਵਿੱਚ ਅਥਾਹ ਵਾਧਾ ਹੋਇਆ ਹੈ,ਜਿਸ ਨਾਲ ਆਮ ਆਦਮੀ ਤੇ ਮਿਡਲ ਕਲਾਸ ਲੋਕਾਂ ਲਈ ਘਰ ਚਲਾਉਣਾ ਬਹੁਤ ਔਖਾ ਹੋ ਗਿਆ ਹੈ।ਇਸ ਲਈ ਸਰਕਾਰ ਕਰੋਨਾ ਮਹਾਮਾਰੀ ਤੋਂ ਵੱਧ ਪ੍ਰਭਾਵਿਤ ਗਰੀਬ ਲੋਕਾਂ ਲਈ ਵਿਸ਼ੇਸ਼ ਫੰਡ ਜਾਰੀ ਕਰੇ।ਇਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਕਰਦਿਆਂ ਬਸਪਾ ਪੰਜਾਬ ਦੇ ਸੀਨੀ.ਆਗੂ ਠੇਕੇਦਾਰ ਭਗਵਾਨ ਦਾਸ ਸਿੱਧੂ,ਰਿਟਾ.ਆਈ.ਏ.ਐਸ.ਚੌਧਰੀ ਖੁਸ਼ੀ ਰਾਮ,ਬਸਪਾ ਸੀਨੀ.ਆਗੂ ਪ੍ਰਸ਼ੋਤਮ ਅਹੀਰ ਨੇ ਕਿਹਾ ਕਿ ਕਰੋਨਾ ਮਹਾਮਾਰੀ ਲਾਕਡਾਊਂਨ ਕਰਫਿਊ ਲੱਗਣ ਤੋਂ ਅੱਜ ਤੱਕ ਛੋਟੇ ਕਾਰੋਬਾਰ,ਦਿਹਾੜੀਦਾਰ,ਮਿਸਤਰੀ,ਦਸਤਕਾਰ ਭਾਵ ਰੋਜਾਨਾ ਕਮਾਕੇ ਖਾਣ ਵਾਲੇ ਲੋਕਾਂ ਦੇ ਕੰਮਕਾਰ ਵਿੱਚ ਕੋਈ ਸੁਧਾਰ ਨਹੀਂ ਹੋ ਰਿਹਾ ਹੈ,ਬਹੁਤੇ ਲੋਕ ਬੇਰੁਜਗਾਰ ਹਨ ਅਤੇ ਮੰਹਿਗਾਈ ਦੀ ਮਾਰ ਝੱਲ ਰਹੇ ਹਨ।ਸਰਕਾਰ ਵਲੋਂ ਉਨਾਂ ਲਈ ਕੋਈ ਵੱਖਰਾ ਫੰਡ ਜਾਰੀ ਕਰਨਾ ਚਾਹੀਦਾ ਹੈ,ਜਿਸ ਨਾਲ ਛੋਟੇ ਛੋਟੇ ਕੰੰਮ ਦੁਬਾਰਾ ਸ਼ੁਰੂ ਹੋ ਸਕਣ।ਬਸਪਾ ਆਗੂਆਂ ਨੇ ਕਿਹਾ ਕਿ ਸਰਕਾਰ ਗਰੀਬ ਲੋਕਾਂ ਦੇ ਤਿੰਨ ਮਹੀਨੇ ਦੇ ਬਿਜਲੀ,ਪਾਣੀ,ਸੀਵਰੇਜ ਦੇ ਬਿੱਲ ਵੀ ਮਾਅਫ ਕਰਕੇ ਉਹਨਾਂ ਨੂੰ ਰਾਹਿਤ ਦੇਵੇ।ਬਸਪਾ ਆਗੂਆਂ ਨੇ ਕਿਹਾ ਕਿ ਸਰਕਾਰ ਗਰੀਬ ਬੱਚਿਆਂ ਦੀਆਂ ਸਕੂਲ਼ਾਂ ਕਾਲਿਜਾਂ ਦੀਆਂ ਫੀਸਾਂ ਅਤੇ ਦਾਖਲੇ ਵੀ ਮਾਅਫ ਕਰੇ ਤਾਂ ਕਿ ਗਰੀਬ ਵਿਦਿਆਰਥੀਆਂ ਨੂੰ ਪੜਾਈ ਵਿੱਚ ਕੋਈ ਮੁਸ਼ਕਲ ਪੇਸ਼ ਨਾ ਆਵੇ।