ਚੰਡੀਗੜ੍ਹ, 22 ਸਤੰਬਰ (ਵਿਸ਼ਵ ਵਾਰਤਾ)-ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਪ੍ਰਧਾਨ ਤੇ ਸੀਨੀਅਰ ਅਕਾਲੀ ਨੇਤਾ ਮਨਜੀਤ ਸਿੰਘ ਭੋਮਾਂ , ਮੁੱਖ ਸਲਾਹਕਾਰ ਤੇ ਸੀਨੀਅਰ ਅਕਾਲੀ ਆਗੂ ਸਰਬਜੀਤ ਸਿੰਘ ਜੰਮੂ,ਅਕਾਲੀ ਨੇਤਾ ਕੁਲਦੀਪ ਸਿੰਘ ਮਜੀਠੀਆਂ , ਹਰਸ਼ਰਨ ਸਿੰਘ ਭਾਂਤਪੁਰ ਜੱਟਾਂ, ਗੁਰਚਰਨ ਸਿੰਘ ਬਸਿਆਲਾ, ਕਮਲਜੀਤ ਕੌਰ ਕੁਕੜਾਂ,ਕਸ਼ਮੀਰਾ ਸਿੰਘ ਸਾਬਕਾ ਸਰਪੰਚ ਦਦਿਆਲ , ਡਾ ਹਰਭਜਨ ਸਿੰਘ ਜੁਲਾ ਮਜਾਰਾ ਤੇ ਲਖਵੀਰ ਸਿੰਘ ਖਾਲਸਾ ਟਾਂਡਾ ਨੇ ਜਾਰੀ ਸਾਂਝੇ ਬਿਆਨ ਵਿੱਚ ਕਿਹਾ ਕਿ ਆਰ ਐਸ ਐਸ/ਭਾਜਪਾ ਸਰਕਾਰ ਜਦੋਂ ਤੋਂ ਕੇਂਦਰ ਵਿਚ ਸਥਾਪਤ ਹੋਈ ਹੈ ਭਾਰਤ ਦੇ ਕਿਸਾਨ,ਮਜਦੂਰ ਅਤੇ ਗਰੀਬ ਦੀ ਜੇਬ ਚੋਂ ਇੱਕ ਇੱਕ ਪੈਸਾ ਡੀਮੋਨੀਟਾਈਜੇਸ਼ਨ,ਜੀ ਐਸ ਟੀ ਅਤੇ ਕਾਰੋਨਾ ਮਹਾਮਾਰੀ ਦੇ ਨਾਮ ਤੇ ਕੱਢ ਕੇ ਭਾਰਤ ਦੇ ਵੱਡੇ ਉਦਯੋਗਪਤੀਆਂ ਤੇ ਕਾਰਪੋਰੇਟਰਸ ਨੂੰ ਵਿਉਪਾਰਕ ਘੁਟਾਲੇ ਕਰਨ ਲਈ ਦੇ ਦਿਤਾ ਹੈ। ਬੈੰਕ ਫਰਾਡ ਤੇ ਕਾਰਪੋਰੇਟਸ ਦੇ ਕਈ ਲੱਖ ਕਰੋੜ ਦੇ ਘਾਟੇ ਕੇੰਦਰ ਸਰਕਾਰ ਭਾਰਤ ਦੀ ਗਰੀਬ ਜਨਤਾ ਦੇ ਢਿੱਡ ਦਾ ਅੰਨ ਵਾਧੂ ਟੈਕਸਾਂ ਦੇ ਰੂਪ ਚ ਖੋਹ ਕੇ ਹਰ ਸਾਲ ਪੂਰਾ ਕਰ ਰਹੀ ਹੈ। ਹੁਣ ਰਹਿੰਦੀ ਕਸਰ ਮੌਜੂਦਾ ਕਿਸਾਨ ਮਾਰੂ ਬਿੱਲ ਪਾਸ ਕਰਕੇ ਕੇੰਦਰ ਦੀ ਭਾਜਪਾ ਸਰਕਾਰ ਨੇ ਪੂਰੀ ਕਰ ਦਿਤੀ ਹੈ ਤਾਂ ਕਿ ਭਾਰਤ ਵਿਚ ਵੱਡੇ ਕਾਰਪੋਰੇਟਸ ਤੋਂ ਇਲਾਵਾ ਬਾਕੀ ਸਭ ਉਹਨਾਂ ਦੇ ਬੰਦੂਆ ਮਜਦੂਰ ਬਣ ਕੇ ਰਹਿਣ।
ਫੈਡਰੇਸ਼ਨ ਆਗੂਆਂ ਕਿਹਾ ਬਾਰਡਰ ਤੇ ਕਿਸਾਨ ਦਾ ਹੀ ਪੁੱਤ ਲੜ ਰਿਹਾ ਹੈ ਅਤੇ ਕਿਸਾਨ ਹੀ ਦੇਸ਼ ਦੀ 130 ਕਰੋੜ ਅਬਾਦੀ ਦਾ ਢਿੱਡ ਭਰ ਰਿਹਾ ਹੈ ਪਰ ਆਰ ਐਸ ਐਸ/ਭਾਜਪਾ ਨੇ ਦੇਸ਼ ਨੂੰ ਈਸਟ ਇੰਡੀਆ ਵਰਗੀਆਂ ਵੱਖ ਵੱਖ ਦੇਸ਼ਾਂ ਦੀਆਂ ਕੰਪਨੀਆਂ ਨੂੰ ਦੇਸ਼ ਦੇ ਅੰਨ ਤੋਂ ਲੈ ਕੇ ਹਰ ਕੱਚੇ ਮਾਲ ਅਤੇ ਦੇਸ਼ ਦੇ ਲੋਕਾਂ ਵਲੋਂ ਖੂਨ ਪਸੀਨਾ ਇੱਕ ਕਰਕੇ ਤਿਆਰ ਕੀਤੀਆਂ ਰੇਲਵੇ, ਹਵਾਈ ਅੱਡੇ, ਤੇਲ ਕੰਪਨੀਆਂ, ਬੀ ਐਸ ਐਨ ਐਲ ਅਤੇ ਦੇਸ਼ ਦੀ ਸੁਰੱਖਿਆ ਲਈ ਸਾਮਾਨ ਬਣਾਉਣ ਵਾਲੀਆਂ ਸਾਰੀਆਂ ਮਹਤੱਵ ਪੂਰਨ ਸੰਸਥਾਨ ਵੇਚ ਕੇ ਦੇਸ਼ ਨੂੰ ਆਰਥਿਕ ਗੁਲਾਮੀ ਦੀਆਂ ਜੰਜੀਰਾਂ ਵਿਚ ਜਕੜਨ ਦੀ ਤਿਆਰੀ ਕਰ ਲਈ ਹੈ। ਉਹਨਾਂ ਕਿਹਾ ਭਾਜਪਾ ਸ਼ਹਿਰੀ ਵਪਾਰੀਆਂ ਦੀ ਪਾਰਟੀ ਹੈ ਇਸ ਪਿੰਡਾਂ ਦੇ ਕਿਸਾਨਾਂ ਤੇ ਮਜ਼ਦੂਰਾਂ ਦੀਆਂ ਸਮੱਸਿਆਂਵਾਂ ਦੀ ਏ ਬੀ ਸੀ ਦਾ ਵੀ ਪਤਾ ਨਹੀਂ ।
ਫੈਡਰੇਸ਼ਨ ਪ੍ਰਧਾਨ ਮਨਜੀਤ ਸਿੰਘ ਭੋਮਾਂ ਨੇ ਐਲਾਨ ਕੀਤਾ ਕਿ ਫੈਡਰੇਸ਼ਨ ਕੇਂਦਰ ਸਰਕਾਰ ਨੂੰ ਕਿਸਾਨਾਂ ਦੀ ਲੁੱਟ ਕਰਨ ਦੀ ਇਜਾਜਤ ਕਦੇ ਨਹੀ ਦੇਵੇਗੀ ਅਤੇ ਕੇਂਦਰ ਸਰਕਾਰ ਵਲੋ ਧੱਕੇ ਨਾਲ ਕਿਸਾਨ,ਮਜਦੂਰ,ਆੜਤੀ,ਛੋਟੇ ਦੁਕਾਨਦਾਰ ਅਤੇ ਮੱਧਵਰਗ ਮਾਰੂ ਪਾਸ ਕੀਤੇ ਨਵੇ ਖੇਤੀਬਾੜੀ ਕਾਨੂੰਨਾਂ ਖਿਲਾਫ ਕਿਸਾਨਾਂ ਮਜ਼ਦੂਰਾਂ ਆੜਤੀਆਂ ਅਤੇ ਮੱਧ ਵਰਗ ਵਲੋਂ ਲੜੇ ਜਾ ਰਹੇ ਹਰ ਸੰਘਰਸ਼ ਵਿਚ ਵੱਧ ਚੜ੍ਹ ਕੇ ਹਿੱਸਾ ਲਵੇਗੀ ਅਤੇ 25 ਸਤੰਬਰ ਦੇ ਪੰਜਾਬ ਬੰਦ ਦੇ ਸੱਦੇ ਨੂੰ ਸਫਲ ਬਣਾਉਣ ਵਿੱਚ ਪੂਰਨ ਸਹਿਯੋਗ ਕਰੇਗੀ। ਉਹਨਾਂ ਦੱਸਿਆ ਕਿ ਪੂਰੇ ਪੰਜਾਬ ਵਿਚ ਥਾਂ ਥਾਂ ਫੈਡਰੇਸ਼ਨ ਆਗੂਆਂ ਤੇ ਵਰਕਰਾਂ ਦੀਆਂ ਡਿਊਟੀਆਂ ਲਗਾ ਦਿਤੀਆਂ ਗਈਆਂ ਹਨ ।
ਭਾਜਪਾ ਨੂੰ ਵੱਡਾ ਝਟਕਾ; ਸ਼ੀਲਾ ਫੂਲ ਸਿੰਘ ਆਪਣੇ 500 ਸਮਰਥਕਾਂ ਸਮੇਤ ਅੱਜ ਚੰਡੀਗੜ੍ਹ ਕਾਂਗਰਸ ਵਿੱਚ ਸ਼ਾਮਲ
ਭਾਜਪਾ ਨੂੰ ਵੱਡਾ ਝਟਕਾ; ਸ਼ੀਲਾ ਫੂਲ ਸਿੰਘ ਆਪਣੇ 500 ਸਮਰਥਕਾਂ ਸਮੇਤ ਅੱਜ ਚੰਡੀਗੜ੍ਹ ਕਾਂਗਰਸ ਵਿੱਚ ਸ਼ਾਮਲ ਚੰਡੀਗੜ੍ਹ, 6 ਮਈ (ਵਿਸ਼ਵ...