ਚੰਡੀਗੜ੍ਹ 6 ਸਤੰਬਰ ( ਵਿਸ਼ਵ ਵਾਰਤਾ)-ਸੀਨੀਅਰ ਸਿੱਖ ਨੇਤਾ ਅਤੇ ਪੰਜਾਬ ਮੰਡੀ ਬੋਰਡ ਦੇ ਡਾਇਰੈਕਟਰ ਰਾਜਿੰਦਰ ਸਿੰਘ ਬਡਹੇੜੀ ਨੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦਰ ਕੇਜਰੀਵਾਲ ਦੇ ਆਕਸੀਮੀਟਰਾਂ ਬਾਰੇ ਦਿੱਤੇ ਬਿਆਨ ‘ਤੇ ਪ੍ਰਤਿਕਰਮ ਦਿੰਦਿਆਂ ਆਖਿਆ ਕਿ ‘ਆਪ’ ਦੇ ਆਕਸੀਮੀਟਰਾਂ ਨੇ ਕੋਵਿਡ ਬਾਰੇ ਕੁਝ ਨਹੀਂ ਦੱਸਣਾ, ਲੋਕ ਗੁਮਰਾਹ ਨਾ ਹੋਣ ,”ਆਪ”, ਬਾਦਲ ਦਲ ਅਤੇ ਭਾਜਪਾ ਕੋਵਿਡ-19 ਨੂੰ 2022 ਵਿਧਾਨ ਸਭਾ ਚੋਣਾਂ ਲਈ ਮੁੱਦਾ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ । ਬਡਹੇੜੀ ਨੇ ਆਖਿਆ ਕਿ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ
ਕਰੋਨਾਵਾਇਰਸ ਖ਼ਿਲਾਫ਼ ਜੰਗ ਲੜਨ ਦੇ ਸਮਰੱਥ ਹਨ ਪੂਰਾ ਦੇਸ਼ ਕੈਪਟਨ ਸਰਕਾਰ ਦੀ ਕਰੋਨਾਵਾਇਰਸ ਖ਼ਿਲਾਫ਼ ਲੜਾਈ ਦੀ ਕੇਂਦਰ ਸਰਕਾਰ ਖ਼ਾਸ ਕਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ ਪ੍ਰਸੰਸਾ ਕਰ ਚੁੱਕੇ ਹਨ ਪਰ ਪੰਜਾਬ ਭਾਜਪਾ ਇਕਾਈ ,ਬਾਦਲ ਦਲ ਅਤੇ ਪੰਜਾਬ ਦੀ ਆਮ ਆਦਮੀ ਪਾਰਟੀ ਇਕਾਈ ਸਾਰੀਆਂ ਵਿਰੋਧੀ ਧਿਰਾਂ ਕੇਵਲ ਅਤੇ ਕੇਵਲ 2022 ਦੀਆਂ ਵਿਧਾਨ ਸਭਾ ਚੋਣਾਂ ਨੂੰ ਮੁੱਖ ਕੇ ਬੇਲੋੜੀ ਬਿਆਨਬਾਜ਼ੀ ਕਰਕੇ ਸਿਆਸੀ ਲਾਹਾ ਲੈਣ ਦੀ ਘਟੀਆ ਕੋਸ਼ਿਸ਼ ਕਰ ਰਹੀਆਂ ਹਨ ਅਤੇ ਪੰਜਾਬ ਦੀ ਭੋਲ਼ੀ ਭਾਲ਼ੀ ਜਨਤਾ ਨੂੰ ਗੁਮਰਾਹ ਕਰ ਰਹੀਆਂ ਹਨ ਜੋ ਕਿ ਬਹੁਤ ਹੀ ਨਿੰਦਣਯੋਗ ਹੈ ਅਤੇ ਅਜਿਹੀਆਂ ਅਫ਼ਵਾਹਾਂ ਫੈਲਾਅ ਰਹੀਆਂ ਜੇਕਰ ਜਨਤਾ ਉਹਨਾਂ ਅਫ਼ਵਾਹਾਂ ‘ਤੇ ਵਿਸ਼ਵਾਸ ਕਰ ਲਵੇ ਤਾਂ ਪੰਜਾਬ ਅੰਦਰ ਕਰੋਨਾਵਾਇਰਸ ਨਾਲ਼ ਲੱਖਾਂ ਲੋਕਾਂ ਦੀਆਂ ਜਾਨਾਂ ਜਾ ਸਕਦੀਆਂ ਹਨ ਇਹ ਵਿਰੋਧੀ ਧਿਰਾਂ ਪੰਜਾਬ ਛੱਡ ਕੇ ਦਿੱਲੀ ਜਾ ਕੇ ਲੁਕ ਜਾਣ ਜਾਣਗੀਆਂ ਬਾਦਲਾਂ ਨੇ ਦਿੱਲੀ ਵਾਲੇ ਹਰਸਿਮਰਤ ਬਾਦਲ ਦੀ ਸਰਕਾਰੀ ਕੋਠੀ ਸੈਨੇਟਾਈਜ਼ ਕਰਵਾਈ ਹੈ ਦੂਜਾ ਬਾਦਲਾਂ ਨੂੰ ਸੁਮੇਧ ਸੈਣੀ ਦੇ 302 ਧਾਰਾ ਵਾਲ਼ੇ ਕੇਸ ਅਤੇ ਸ਼ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪਾਂ ਚੋਰੀ,ਬਰਗਾੜੀ ਕਾਂਡ ਅਤੇ ਕਿਸਾਨ ਵਿਰੋਧੀ ਖੇਤੀ ਆਰਡੀਨੈਂਸ ਸੋਧਾਂ ਕਾਰਨ ਲੋਕ ਵਿੱਚ ਵਿਚਰਨ ਤੋਂ ਡਰ ਵੀ ਸਤਾ ਰਿਹਾ ਹੈ ਕਿਸਾਨ ਜਥੇਬੰਦੀਆਂ ਬਾਦਲ ਪਰਿਵਾਰ ਅਤੇ ਉਹਨਾਂ ਦੇ ਸਮੂੰਹ ਆਗੂਆਂ ਦੇ ਘਰਾਂ ਅੱਗੇ ਰੋਸ ਪ੍ਰਦਰਸ਼ਨ ਕਰ ਰਹੀਆਂ ਹਨ ।ਬਡਹੇੜੀ ਨੇ ਪੰਜਾਬੀਆਂ ਨੂੰ ਅਪੀਲ ਕੀਤੀ ਹੈ ਕਿ ਪੰਜਾਬ ਦੇ ਉਪਰੋਕਤ ਹਾਲਾਤਾਂ ਨੂੰ ਮੁੱਦੇ ਜ਼ਰ ਰੱਖਦਿਆਂ ਬਾਦਲ ਦਲ ਭਾਜਪਾ ਅਤੇ ਸ਼ਾਮ ਪਾਰਟੀ ਦੇ ਕੂੜ ਪ੍ਰਚਾਰ ਅਤੇ ਕੋਝੀਆਂ ਸਾਜ਼ਸ਼ਾਂ ਨੂੰ ਸਮਝਣ ਤਾਂ ਜੋ ਪੰਜਾਬ ਕਰੋਨਾ ਨੂੰ ਹਰਾ ਕੇ ਤੰਦਰੁਸਤ ਹੋ ਕੇ ਉੱਭਰੇ ਅਤੇ ਨੁਕਸਾਨ ਘੱਟੋ ਘੱਟ ਹੋਵੇ ਅਤੇ ਪੰਜਾਬ ਦੀ ਆਰਥਿਕਤਾ ਦੀ ਗੱਡੀ ਜਲਦੀ ਤੋਂ ਜਲਦੀ ਪਟੜੀ ‘ਤੇ ਆਵੇ ਵਿਦਿਆਰਥੀ ਦਾ ਭਵਿੱਖ ਸੁਨਿਹਰਾ ਹੋਵੇ ।