ਆਈਪੀਐਸ ਸਹੋਤਾ ਕੋਲੋਂ ਡੀਜੀਪੀ ਦਾ ਵਾਧੂ ਚਾਰਜ ਲਿਆ ਜਾ ਸਕਦਾ ਹੈ ਵਾਪਸ
ਪੰਜਾਬ ਸਰਕਾਰ ਨੇ ਭੇਜਿਆ ਯੂਪੀਐਸਸੀ ਨੂੰ 10 ਨਾਵਾਂ ਦਾ ਪੈਨਲ
ਚੰਡੀਗੜ੍ਹ, 1ਅਕਤੂਬਰ(ਵਿਸ਼ਵ ਵਾਰਤਾ)- ਪੰਜਾਬ ਦੇ ਮੌਜੂਦ ਡੀਜੀਪੀ ਦਿਨਕਰਗੁਪਤਾ ਛੁੱਟੀ ਤੇ ਚਲ ਰਹੇ ਹਨ ਜਿਸ ਕਾਰਨ ਆਈਪੀਐਸ ਸਹੋਤਾ ਨੁੰ ਡੀਜੀਪੀ ਦਾ ਐਡੀਸ਼ਨਲ ਚਾਰਜ ਦਿੱਤਾ ਗਿਆ ਹੈ। ਡੀਜੀਪੀ ਪੰਜਾਬ ਦੀ ਨਿਯੁਕਤੀ ਲਈ 10 ਆਈਪੀਐਸ ਅਫਸਰਾਂ ਦੇ ਨਾਵਾਂ ਦਾ ਪੈਨਲ ਯੂਪੀਐਸਸੀ ਨੂੰ ਭੇਜਿਆ ਗਿਆ ਹੈ। ਇਹਨਾਂ ਨਾਵਾਂ ਵਿਚ ਐਸ ਚਟੋਪਾਧਿਆ, ਮੌਜੂਦਾ ਡੀ ਜੀ ਪੀ ਦਿਨਕਰ ਗੁਪਤਾ, ਐਮ ਕੇ ਤਿਵਾੜੀ, ਵੀ ਕੇ ਭਾਵੜਾ, ਪਰਬੋਧ ਕੁਮਾਰ, ਰੋਹਿਤ ਚੌਧਰੀ, ਆਈ ਪੀ ਐਸ ਸਹੋਤਾ, ਸੰਜੀਵ ਕਾਲੜਾ, ਪਾਰਸ ਜੈਨ ਤੇ ਬੀ ਕੇ ਉੱਪਲ ਸ਼ਾਮਲ ਹਨ। ਵਰਨਣਯੋਗ ਹੈ ਕਿ ਪੰਜਾਬ ਸਰਕਾਰ ਵੱਲੋਂ ਦੇਰ ਰਾਤ ਪੈਨਲ ਭੇਜੇ ਜਾਣ ਦਾ ਵੱਡਾ ਕਾਰਨ ਐਸ ਚਟੋਪਾਧਿਆ ਤੇ ਰੋਹਿਤ ਚੌਧਰੀ ਦਾ ਨਾਂ ਸ਼ਾਮਲ ਕਰਨਾ ਹੈ । ਯੂਪੀਐਸਸੀ ਹੁਣ ਇਹਨਾਂ 10 ਨਾਵਾਂ ਵਿਚੋਂ 3 ਨਾਂ ਪ੍ਰਵਾਨਕਰ ਕੇ ਰਾਜ ਸਰਕਾਰ ਨੂੰ ਭੇਜੇਗੀ ਜਿਸ ਵਿਚੋਂ ਇਕ ਨੂੰ ਸੂਬਾ ਸਰਕਾਰ ਡੀਜੀਪੀ ਨਿਯੁਕਤ ਕਰ ਸਕਦੀ ਹੈ।
