BREAKING NEWS: ਪੂਜਾ ਖੇਡਕਰ ਖਿਲਾਫ ਵੱਡੀ ਕਾਰਵਾਈ, ਯੂਪੀਐਸਸੀ ਨੇ ਨੌਕਰੀ ਕੀਤੀ ਖ਼ਤਮ ਨਹੀਂ ਦੇ ਸਕੇਗੀ ਪ੍ਰੀਖਿਆ
ਨਵੀਂ ਦਿੱਲੀ 31 ਜੁਲਾਈ (ਵਿਸ਼ਵ ਵਾਰਤਾ): UPSC ਨੇ ਟਰੇਨੀ IAS ਪੂਜਾ ਖੇਡਕਰ ਮਾਮਲੇ ਨੂੰ ਲੈ ਕੇ ਵੱਡੀ ਕਾਰਵਾਈ ਕੀਤੀ ਹੈ। ਜਿਸ ਵਿੱਚ UPSC ਨੇ ਪੂਜਾ ਖੇਡਕਰ ਦੀ ਅਸਥਾਈ ਉਮੀਦਵਾਰੀ ਨੂੰ ਰੱਦ ਕਰ ਦਿੱਤਾ ਅਤੇ ਉਸਨੂੰ ਭਵਿੱਖ ਦੀਆਂ ਸਾਰੀਆਂ ਪ੍ਰੀਖਿਆਵਾਂ ਤੋਂ ਪੱਕੇ ਤੌਰ ‘ਤੇ ਰੋਕ ਦਿੱਤਾ। ਇਸ ਕਾਰਵਾਈ ਤੋਂ ਪਹਿਲਾਂ, UPSC ਨੇ 2009 ਤੋਂ 2023 ਤੱਕ ਪੰਦਰਾਂ ਹਜ਼ਾਰ ਤੋਂ ਵੱਧ ਉਮੀਦਵਾਰਾਂ ਦੇ 15 ਸਾਲਾਂ ਦੇ CSE ਡੇਟਾ ਦੀ ਸਮੀਖਿਆ ਕੀਤੀ। ਜਿਸ ਦੇ ਆਧਾਰ ‘ਤੇ ਪੂਜਾ ਖੇਡਕਰ ਨੂੰ CSE-2022 ਨਿਯਮਾਂ ਦੀ ਉਲੰਘਣਾ ਕਰਨ ਲਈ ਦੋਸ਼ੀ ਕਰਾਰ ਦਿੱਤਾ ਗਿਆ ਹੈ। ਵੇਰਵਿਆਂ ਅਨੁਸਾਰ ਪਤਾ ਲੱਗਾ ਹੈ ਕਿ ਪੂਜਾ ਖੇਡਕਰ ਦੇ ਸਰਟੀਫਿਕੇਟ ਸਮੇਤ ਕਈ ਦਾਅਵੇ ਫਰਜ਼ੀ ਹਨ। ਇੰਨਾ ਹੀ ਨਹੀਂ, ਯੂਪੀਐਸਸੀ ਨੇ ਸਿਖਿਆਰਥੀ ਆਈਏਐਸ ਪੂਜਾ ਦੇ ਖਿਲਾਫ ਐਫਆਈਆਰ ਵੀ ਦਰਜ ਕੀਤੀ ਹੈ। ਯੂਪੀਐਸਸੀ ਦੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਪੂਜਾ ਖੇਡਕਰ ਨੇ ਫਰਜ਼ੀ ਪਛਾਣ ਦੀ ਵਰਤੋਂ ਕੀਤੀ ਸੀ। ਉਸ ਨੇ ਜਾਅਲੀ ਪਛਾਣ ਦੀ ਵਰਤੋਂ ਕਰਕੇ ਪ੍ਰੀਖਿਆ ਦਿੱਤੀ। ਕਮਿਸ਼ਨ ਨੇ ਸਿਵਲ ਸਰਵਿਸਿਜ਼ ਇਮਤਿਹਾਨ-2022 ਲਈ ਉਸ ਦੀ ਉਮੀਦਵਾਰੀ ਨੂੰ ਰੱਦ ਕਰਨ ਅਤੇ ਉਸ ਨੂੰ ਭਵਿੱਖ ਦੀਆਂ ਪ੍ਰੀਖਿਆਵਾਂ ਜਾਂ ਚੋਣ ਤੋਂ ਮਨ੍ਹਾ ਕਰਨ ਲਈ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਹੈ।
