Latest news: ਪਿਓ ਦੀ ਤਰੱਕੀ ਮੌਕੇ ਅਫਸਰ ਧੀਆਂ ਨੇ ਲਾਈਆਂ ਤਰੱਕੀ ਦੀਆਂ ਫੀਤੀਆਂ
ਚੰਡੀਗੜ੍ਹ, 5 ਨਵੰਬਰ (ਵਿਸ਼ਵ ਵਾਰਤਾ): ਸਿੱਖ ਫੌਜੀ ਜਰਨੈਲ ਲੈਫਟੀਨੈਂਟ ਜਨਰਲ ਡੀਪੀ ਸਿੰਘ ਨੂੰ ਤਰੱਕੀ ਮੌਕੇ ਉਨਾਂ ਦੀਆਂ ਦੋ ਫੌਜੀ ਅਫਸਰ ਧੀਆਂ ਵੱਲੋਂ ਫੀਤੀਆਂ ਲਾਈਆਂ ਗਈਆਂ। ਲੈਫਟੀਨੈਂਟ ਜਨਰਲ ਡੀਪੀ ਸਿੰਘ ਦੀ ਮਿਲਟਰੀ ਇੰਟੈਲੀਜੈਂਸ ਟ੍ਰੇਨਿੰਗ ਸਕੂਲ ਐਂਡ ਡਿਪੋ (MINTSD), ਪੁਣੇ ਦੇ ਕਮਾਂਡੈਂਟ ਵਜੋਂ ਨਿਯੁਕਤੀ ਹੋਈ ਹੈ। ਉਨ੍ਹਾਂ ਦੀਆਂ ਦੋਵੇਂ ਧੀਆਂ ਵੀ ਭਾਰਤੀ ਫੌਜ ਚ ਸੇਵਾ ਨਿਭਾ ਰਹੀਆਂ ਹਨ।
ਆਰਮੀ ਟਰੇਨਿੰਗ ਕਮਾਂਡ ਹੈੱਡਕੁਆਰਟਰ ਸ਼ਿਮਲਾ ਨੇ ਇਕ ਪੋਸਟ ਸਾਂਝੀ ਕਰਦਿਆਂ ਇਸ ਨੂੰ ਇਕ ਇਤਿਹਾਸਿਕ ਪਲ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ “ਇਹ ਇਤਿਹਾਸਕ ਅਵਸਰ ਨਾ ਸਿਰਫ਼ ਵਰਦੀ ਵਿੱਚ ਔਰਤਾਂ ਦੀ ਤਾਕਤ, ਸਮਰਪਣ, ਵਿਰਾਸਤ ਦੀ ਯਾਦ ਦਿਵਾਉਂਦਾ ਹੈ ਬਲਕਿ ਸਾਡੀਆਂ ਹਥਿਆਰਬੰਦ ਸੈਨਾਵਾਂ ਵਿੱਚ ‘ਨਾਰੀ ਸ਼ਕਤੀ’ ਦੀ ਭਾਵਨਾ ਨੂੰ ਵੀ ਉਜਾਗਰ ਕਰਦਾ ਹੈ।’
