International News : ਬ੍ਰਿਟੇਨ ਦੇ ਸਾਊਥਪੋਰਟ ਇਲਾਕੇ ‘ਚ ਭੜਕੀ ਹਿੰਸਾ ; ਗੁੱਸੇ ‘ਚ ਆਏ ਪ੍ਰਦਰਸ਼ਨਕਾਰੀਆਂ ਨੇ ਮਸਜਿਦ ‘ਤੇ ਕੀਤਾ ਹਮਲਾ
ਚੰਡੀਗੜ੍ਹ,1ਅਗਸਤ (ਵਿਸ਼ਵ ਵਾਰਤਾ)International News: ਸੋਮਵਾਰ ਨੂੰ ਚਾਕੂ ਮਾਰਨ ਦੀ ਘਟਨਾ ਤੋਂ ਬਾਅਦ ਮੰਗਲਵਾਰ ਨੂੰ ਬ੍ਰਿਟੇਨ ‘ਚ ਦੰਗੇ ਭੜਕ ਗਏ, ਜਿਸ ‘ਚ ਕਈ ਪੁਲਸ ਅਧਿਕਾਰੀ ਜ਼ਖਮੀ ਹੋ ਗਏ ਹਨ। ਦੱਖਣਪੰਥੀ ਪ੍ਰਦਰਸ਼ਨਕਾਰੀਆਂ ਨੇ ਸਾਊਥਪੋਰਟ ਵਿਚ ਇਕ ਮਸਜਿਦ ‘ਤੇ ਹਮਲਾ ਕੀਤਾ ਅਤੇ ਪੁਲਿਸ ਨਾਲ ਝੜਪ ਕੀਤੀ। ਇਸ ਘਟਨਾ ‘ਚ 39 ਪੁਲਸ ਅਧਿਕਾਰੀ ਜ਼ਖਮੀ ਹੋਏ ਹਨ। ਚਾਕੂ ਮਾਰਨ ਦੀ ਘਟਨਾ ਸਾਊਥਪੋਰਟ ਦੇ ਹਰਟ ਸਟ੍ਰੀਟ ‘ਤੇ ਸਪੇਸ ਸਟੂਡੀਓ ‘ਚ ਵਾਪਰੀ ਹੈ । ਇਸ ਘਟਨਾ ਦੇ ਵਿਰੋਧ ‘ਚ ਸ਼ਹਿਰ ਦੇ ਕੇਂਦਰ ‘ਚ ਸ਼ਾਂਤਮਈ ਜਲੂਸ ਕੱਢਿਆ ਗਿਆ, ਜਿਸ ‘ਚ 1000 ਤੋਂ ਵੱਧ ਲੋਕ ਮ੍ਰਿਤਕ ਬੱਚੀਆਂ ਨੂੰ ਸ਼ਰਧਾਂਜਲੀ ਦੇਣ ਲਈ ਪਹੁੰਚੇ, ਇਸ ਦੌਰਾਨ ਜਲੂਸ ‘ਚ ਹਿੱਸਾ ਲੈਣ ਵਾਲੇ ਲੋਕਾਂ ਦਾ ਇਕ ਸਮੂਹ ਸ਼ਹਿਰ ਦੀ ਮਸਜਿਦ ਨੇੜੇ ਇਕੱਠਾ ਹੋਇਆ ਨੇ ਇਸ ‘ਤੇ ਪੱਥਰਾਂ, ਬੋਤਲਾਂ ਅਤੇ ਪਟਾਕਿਆਂ ਨਾਲ ਹਮਲਾ ਕੀਤਾ। ਹਾਲਾਂਕਿ, ਅਧਿਕਾਰੀਆਂ ਨੇ ਕਿਹਾ ਕਿ ਕਤਲ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤੇ ਗਏ 17 ਸਾਲਾ ਸ਼ੱਕੀ ਦਾ ਇਸਲਾਮ ਨਾਲ ਕੋਈ ਸਬੰਧ ਨਹੀਂ ਸੀ, ਸੋਸ਼ਲ ਮੀਡੀਆ ‘ਤੇ ਅਫਵਾਹਾਂ ਤੋਂ ਗੁੱਸੇ ਵਿੱਚ ਆਏ , ਪ੍ਰਦਰਸ਼ਨਕਾਰੀਆਂ ਨੇ ਮੰਗਲਵਾਰ ਨੂੰ ਮਸਜਿਦ ‘ਤੇ ਹਮਲਾ ਕੀਤਾ। ਇਸ ਹਮਲੇ ਵਿੱਚ ਪੁਲਿਸ ਮੁਲਾਜ਼ਮਾਂ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ ਸੀ ਅਤੇ ਇੱਕ ਪੁਲਿਸ ਵਾਹਨ ਨੂੰ ਅੱਗ ਲਗਾ ਦਿੱਤੀ ਗਈ ਸੀ, ਜਿਸ ਵਿੱਚ 39 ਪੁਲਿਸ ਅਧਿਕਾਰੀ ਜ਼ਖਮੀ ਹੋ ਗਏ ਸਨ, ਜਿਨ੍ਹਾਂ ਵਿੱਚੋਂ 27 ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਸੀ। ਬਰਤਾਨੀਆ ਦੇ ਗ੍ਰਹਿ ਸਕੱਤਰ ਨੇ ਦੰਗਿਆਂ ਨੂੰ ‘ਸੜਕਾਂ ‘ਤੇ ਹਿੰਸਕ ਹਮਲਾ’ ਕਰਾਰ ਦਿੱਤਾ ਹੈ, ਜਿਸ ‘ਚ ਅੱਠ ਪੁਲਿਸ ਵਾਲੇ ਗੰਭੀਰ ਜ਼ਖ਼ਮੀ ਹੋ ਗਏ ਹਨ। ਮੁਸਲਿਮ ਕੌਂਸਲ ਆਫ ਬ੍ਰਿਟੇਨ ਨੇ ਮਸਜਿਦ ‘ਤੇ ਹਮਲੇ ਨੂੰ ਇਸਲਾਮੋਫੋਬੀਆ ਨਾਲ ਜੋੜਦੇ ਹੋਏ ਇਸ ਘਟਨਾ ਦੀ ਨਿੰਦਾ ਕੀਤੀ ਹੈ।
