International: ਮੈਲਬੌਰਨ ਨੂੰ ਦੁਨੀਆ ਦਾ ਸਭ ਤੋਂ ਵਧੀਆ ਸ਼ਹਿਰ ਐਲਾਨਿਆ
ਨਵੀਂ ਦਿੱਲੀ, 13 ਮਾਰਚ 2026 (ਵਿਸ਼ਵ ਵਾਰਤਾ) – ਮੈਲਬੌਰਨ ਨੂੰ 2026 ਲਈ ਦੁਨੀਆ ਦਾ ਸਭ ਤੋਂ ਵਧੀਆ ਸ਼ਹਿਰ ਐਲਾਨਿਆ ਗਿਆ ਹੈ। ਮੈਲਬੌਰਨ ਸ਼ਹਿਰ ਨੇ ਟਾਈਮ ਆਊਟ ਮੈਗਜੀਨ ਦੀ ਸਾਲਾਨਾ ਗਲੋਬਲ ਰੈਂਕਿੰਗ ਵਿੱਚ ਇਹ ਇਤਿਹਾਸਕ ਉਪਲਬਧੀ ਹਾਸਲ ਕੀਤੀ ਹੈ। ਇਹ ਪਹਿਲੀ ਵਾਰ ਹੈ ਕਿ ਕੋਈ ਆਸਟ੍ਰੇਲੀਆਈ ਸ਼ਹਿਰ ਇਸ ਸੂਚੀ ਦੇ ਸਿਖਰ ‘ਤੇ ਪਹੁੰਚਿਆ ਹੈ। ਇਹ ਰਿਪੋਰਟ 24,000 ਤੋਂ ਵੱਧ ਨਿਵਾਸੀਆਂ ਅਤੇ ਅੰਤਰਰਾਸ਼ਟਰੀ ਸ਼ਹਿਰੀ ਮਾਹਿਰਾਂ ਦੀ ਰਾਏ ‘ਤੇ ਆਧਾਰਿਤ ਹੈ। 50 ਸ਼ਹਿਰਾਂ ਦੀ ਸੂਚੀ ‘ਚੋਂ ਮੈਲਬੌਰਨ ਨੂੰ ਇਸ ਦੀ ਕਲਾ, ਸੱਭਿਆਚਾਰ, ਵਿਸ਼ਵ ਪੱਧਰੀ ਖਾਣ-ਪੀਣ ਤੇ ਮਨੋਰੰਜਨ ਦੇ ਵਧੀਆ ਮਾਹੌਲ ਦੇ ਆਧਾਰ ‘ਤੇ ਪਹਿਲਾ ਦਰਜਾ ਮਿਲਿਆ ਹੈ। ਇਸੇ ਹੀ ਸੂਚੀ ਤਹਿਤ ਆਸਟ੍ਰੇਲੀਆ ਦੇ ਸਿਡਨੀ ਸ਼ਹਿਰ ਨੇ 21ਵਾਂ ਤੇ ਐਡੀਲੇਡ 29ਵਾਂ ਸਥਾਨ ਹਾਸਲ ਕੀਤਾ ਹੈ।
2026 ਦੀ ਪਹਿਲੀ ਦਸ ਸ਼ਹਿਰਾਂ ਦੀ ਰੈਂਕਿੰਗ ਇਸ ਪ੍ਰਕਾਰ ਹੈ – 1. ਮੈਲਬੌਰਨ, ਆਸਟ੍ਰੇਲੀਆ, 2. ਸ਼ੰਘਾਈ, ਚੀਨ, 3. ਐਡਿਨਬਰਗ, ਇੰਗਲੈਂਡ, 4. ਲੰਡਨ, ਇੰਗਲੈਂਡ, 5. ਨਿਊਯਾਰਕ, ਅਮਰੀਕਾ, 6. ਕੇਪ ਟਾਊਨ, ਦੱਖਣੀ ਅਫ਼ਰੀਕਾ, 7. ਮੈਕਸੀਕੋ ਸਿਟੀ, ਮੈਕਸੀਕੋ, 8. ਬੈਂਕਾਕ, ਥਾਈਲੈਂਡ, 9. ਸੀਓਲ, ਦੱਖਣੀ ਕੋਰੀਆ, 10. ਟੋਕਿਓ, ਜਪਾਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
