Delhi Mayor Election : ‘ਆਪ’ ਦੇ ਮਹੇਸ਼ ਖੀਚੀ ਬਣੇ ਦਿੱਲੀ ਦੇ ਮੇਅਰ ; ਰਵਿੰਦਰ ਭਾਰਦਵਾਜ ਚੁਣੇ ਗਏ ਡਿਪਟੀ ਮੇਅਰ
ਚੰਡੀਗੜ੍ਹ, 14ਨਵੰਬਰ(ਵਿਸ਼ਵ ਵਾਰਤਾ) ਦਿੱਲੀ ਨਗਰ ਨਿਗਮ ਮੇਅਰ ਚੋਣਾਂ ‘ਚ ਆਮ ਆਦਮੀ ਪਾਰਟੀ (ਆਪ) ਦੇ ਉਮੀਦਵਾਰ ਮਹੇਸ਼ ਕੁਮਾਰ ਖੀਚੀ ਨੇ ਮੇਅਰ ਦੀ ਚੋਣ ਜਿੱਤ ਲਈ ਹੈ। ਇਸ ਤੋਂ ਇਲਾਵਾ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਰਵਿੰਦਰ ਭਾਰਦਵਾਜ ਬਿਨਾਂ ਮੁਕਾਬਲਾ ਡਿਪਟੀ ਮੇਅਰ ਚੁਣੇ ਗਏ। ਭਾਜਪਾ ਉਮੀਦਵਾਰ ਨੇ ਆਪਣਾ ਨਾਮਜ਼ਦਗੀ ਪੱਤਰ ਵਾਪਸ ਲੈ ਲਿਆ। ਲੰਬੇ ਸਮੇਂ ਤੋਂ ਦੇਰੀ ਨਾਲ ਹੋਈਆਂ ਚੋਣਾਂ ਲਈ ਦਿੱਲੀ ‘ਚ ਅੱਜ ਵੀਰਵਾਰ ਨੂੰ ਵੋਟਿੰਗ ਹੋਈ। ਕਰੋਲ ਬਾਗ ਦੇ ਦੇਵ ਨਗਰ ਤੋਂ ‘ਆਪ’ ਦੇ ਕੌਂਸਲਰ ਖੀਚੀ ਨੇ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਕਿਸ਼ਨ ਲਾਲ (ਸ਼ਕੂਰਪੁਰ ਵਾਰਡ) ਨੂੰ ਹਰਾਇਆ। ਕੁੱਲ 265 ਵੋਟਾਂ ਪੋਲ ਹੋਈਆਂ, ਜਿਨ੍ਹਾਂ ਵਿੱਚੋਂ ਦੋ ਨੂੰ “ਅਵੈਧ” ਕਰਾਰ ਦਿੱਤਾ ਗਿਆ। ‘ਆਪ’ ਉਮੀਦਵਾਰ ਨੂੰ 133 ਵੋਟਾਂ ਮਿਲੀਆਂ, ਜੋ ਭਾਜਪਾ ਦੇ ਉਮੀਦਵਾਰ ਨਾਲੋਂ ਸਿਰਫ਼ ਤਿੰਨ ਵੱਧ ਹਨ। ਭਾਜਪਾ ਦੇ ਉਮੀਦਵਾਰ ਕਿਸ਼ਨ ਲਾਲ ਨੂੰ ਕੁੱਲ 130 ਵੋਟਾਂ ਮਿਲੀਆਂ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
