ਪੰਜਾਬ ਦੀਆ ਸਮੁੱਚੀਆਂ ਰਾਜਨੀਤਿਕ ਪਾਰਟੀਆ ਕੇਦਰ ਵਲੋ ਲਾਗੂ ਕੀਤੇ ਤਿੰਨੇ ਨਵੇ ਕਾਨੁੰਨਾ ਬਾਰੇ ਖਾਮੋਸ :ਜਥੇਦਾਰ ਗੁਰਿੰਦਰ ਸਿੰਘ ਬਾਜਵਾ
ਚੰਡੀਗੜ੍ਹ, 29 ਜੂਨ (ਵਿਸ਼ਵ ਵਾਰਤਾ):- ਕੇਦਰ ਸਰਕਾਰ 1 ਜੁਲਾਈ ਤੋ ਦੇਸ਼ ਵਿੱਚ ਤਿੰਨ ਨਵੇ ਕਾਨੁੰਨ ਲਾਗੂ ਕਰ ਰਹੀ ਹੈ ।ਇਹਨਾਂ ਤਿ਼ੰਨੇ ਨਵੇ ਕਾਨੁੰਨਾ ਬਾਰੇ ਪੰਜਾਬ ਦੀਆ ਸਾਰੀਆ ਹੀ ਰਾਜਨੀਤਿਕ ਪਾਰਟੀਆ ਨੇ ਚੁੱਪ ਧਾਰੀ ਹੋਈ ਹੈ । CHANDIGARH NEWS : ਇਹਨਾਂ ਵਿਚਾਰਾ ਦਾ ਪ੍ਰਗਟਾਵਾ ਬੇਗਮਪੁਰਾ ਖਾਲਸਾ ਰਾਜ ਪਾਰਟੀ ਦੇ ਪ੍ਰਧਾਨ ਜਥੇਦਾਰ ਗੁਰਿੰਦਰ ਸਿੰਘ ਬਾਜਵਾ ਨੇ ਕੀਤਾ ।ਉਹਨਾਂ ਆਖਿਆ ਕਿ ਦੇਸ ਦੇ ਕਈ ਸੂਬੇ ਇਹਨਾਂ ਨਵੇ ਕਾਨੁੰਨਾ ਦਾ ਵਿਰੋਧ ਕਰ ਰਹੇ ਹਨ । ਕੇਦਰ ਸਰਕਾਰ ਨੇ ਇਹ ਕਾਨੁੰਨ ਚੋਣਾ ਤੋ ਪਹਿਲਾ ਬਹੁਤ ਕਾਹਲੀ ਵਿਚ ਬਣਾਏ ਅਤੇ ਇਥੋ ਤੱਕ ਕਿ ਇਹਨਾਂ ਕਾਨੁੰਨਾ ਸਬੰਧੀ ਸੂਬਿਆ ਦੇ ਵਿਚਾਰ ਵੀ ਨਹੀ ਲਏ ਗਏ ।ਕੇਦਰ ਨੇ ਪਹਿਲਾ ਹੀ ਸੂਬਿਆ ਦੇ ਵਧੇਰੇ ਅਧਿਕਾਰ ਖੋਹ ਲਏ ਹਨ । ਸ੍ਰੋਮਣੀ ਅਕਾਲੀ ਦਲ ਜਿਹੜਾ ਕਿਸੇ ਸਮੇ ਰਾਜਾ ਦੇ ਵੱਧ ਅਧਿਕਾਰਾ ਦੀ ਲੜਾਈ ਲੜਦਾ ਹੁੰਦਾ ਸੀ ।ਉਸ ਨੇ ਵੀ ਇਹਨਾਂ ਨਵੇ ਕਾਨੁੰਨਾਂ ਸਬੰਧੀ ਚੁੱਪ ਧਾਰੀ ਹੋਈ ਹੈ ।
