‘ਦੰਗਲ ਗਰਲ’ ਬਬੀਤਾ ਫੋਗਾਟ ਬਣੀ ਮਾਂ, ਘਰ ਧੀ ਨੇ ਲਿਆ ਜਨਮ
– ਨਵਜੰਮੀ ਧੀ ਨਾਲ ਤਸਵੀਰਾਂ ਆਈਆਂ ਸਾਹਮਣੇ
ਹਰਿਆਣਾ , 11 ਅਗਸਤ (ਵਿਸ਼ਵ ਵਾਰਤਾ): ‘ਦੰਗਲ ਗਰਲ’ ਦੇ ਨਾਂ ਨਾਲ ਮਸ਼ਹੂਰ ਪਹਿਲਵਾਨ ਬਬੀਤਾ ਫੋਗਾਟ ਦੂਜੀ ਵਾਰ ਮਾਂ ਬਣ ਗਈ ਹੈ। ਉਸ ਨੇ ਦਿੱਲੀ ਦੇ ਸ਼ਾਲੀਮਾਰ ਬਾਗ ਸਥਿਤ ਇੱਕ ਨਿੱਜੀ ਹਸਪਤਾਲ ਵਿੱਚ ਧੀ ਨੂੰ ਜਨਮ ਦਿੱਤਾ ਹੈ। ਬਬੀਤਾ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਇਕ ਵੀ ਤਸਵੀਰ ਸਾਂਝੀ ਕੀਤੀ, ਜਿਸ ਵਿੱਚ ਬਬੀਤਾ ਹਸਪਤਾਲ ਵਿੱਚ ਨਜ਼ਰ ਆ ਰਹੀ ਅਤੇ ਨਾਲ ਹੀ ਨਵਜੰਮੀ ਧੀ ਹੈ। ਹਾਲਾਂਕਿ, ਧੀ ਦਾ ਚਿਹਰਾ ਨਹੀਂ ਦਿਖਾਇਆ ਗਿਆ ਹੈ।
ਪਹਿਲਵਾਨ ਬਬੀਤਾ ਫੋਗਾਟ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ‘ਤੇ ਪੋਸਟ ਸਾਂਝੀ ਕਰਦਿਆਂ ਲਿਖਿਆ, ‘ਮਹਾਦੇਵ ਦੀ ਕ੍ਰਿਪਾ ਦੇਖੋ, ਅੱਜ ਸ਼ਿਵਰਾਤਰੀ ਦੇ ਇਸ ਪਵਿੱਤਰ ਦਿਨ ‘ਤੇ ਮੇਰੇ ਜੀਵਨ ਵਿੱਚ ਇੱਕ ਨਨ੍ਹੀ ਪਰੀ ਪਾਰਵਤੀ ਰੂਪੀ ਧੀ ਦਾ ਆਗਮਨ ਹੋਇਆ ਹੈ। ਮੇਰੀ ਧੀ ਦੇ ਰੂਪ ਵਿੱਚ ਮਿਲੀ ਇਹ ਖ਼ੁਸ਼ੀ ਮੇਰੇ ਅਤੇ ਮੇਰੇ ਪਰਿਵਾਰ ਲਈ ਅਨਮੋਲ ਆਸ਼ੀਰਵਾਦ ਹੈ। ਇਹ ਅਹਿਸਾਸ ਅਤੇ ਖ਼ੁਸ਼ੀਆਂ ਸ਼ਬਦਾਂ ਤੋਂ ਪਰ੍ਹੇ ਹਨ।’ ਦੱਸ ਦਈਏ ਕਿ ਬਬੀਤਾ ਫੋਗਾਟ ਇਸ ਤੋਂ ਪਹਿਲਾ ਇਕ ਪੁੱਤਰ ਦੀ ਮਾਂ ਹੈ। ਉਸ ਨੇ 11 ਜਨਵਰੀ 2021 ਨੂੰ ਪੁੱਤਰ ਯੁਵਰਾਜ ਨੂੰ ਜਨਮ ਦਿੱਤਾ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
