FIFA World Cup Semifinal: ਸਪੇਨ ਫੁੱਟਬਾਲ ਵਿਸ਼ਵ ਕੱਪ ਦੇ ਫਾਈਨਲ ‘ਚ ਪਹੁੰਚਿਆ
– ਫਰਾਂਸ ਨੂੰ 2-0 ਨਾਲ ਹਰਾਇਆ
ਨਵੀਂ ਦਿੱਲੀ, 15 ਜੁਲਾਈ (ਵਿਸ਼ਵ ਵਾਰਤਾ): ਸਪੇਨ 16 ਸਾਲਾਂ ਬਾਅਦ ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਪਹੁੰਚ ਗਿਆ ਹੈ। ਟੀਮ ਨੇ ਪਹਿਲੇ ਸੈਮੀਫਾਈਨਲ ਵਿੱਚ ਫਰਾਂਸ ਨੂੰ 2-0 ਨਾਲ ਹਰਾ ਕੇ ਆਪਣੀ ਫਾਈਨਲ ‘ਚ ਐਂਟਰੀ ਪੱਕੀ ਕੀਤੀ। ਸਪੇਨ 2010 ਤੋਂ ਬਾਅਦ ਪਹਿਲੀ ਵਾਰ ਫਾਈਨਲ ਵਿੱਚ ਖੇਡੇਗਾ। ਉਸ ਸਮੇਂ, ਟੀਮ ਨੇ ਫਾਈਨਲ ਵਿੱਚ ਨੀਦਰਲੈਂਡਜ਼ ਨੂੰ 1-0 ਨਾਲ ਹਰਾ ਕੇ ਆਪਣਾ ਇੱਕੋ-ਇੱਕ ਵਿਸ਼ਵ ਕੱਪ ਜਿੱਤਿਆ ਸੀ। ਇਸ ਦੌਰਾਨ, ਫਰਾਂਸ 2018 ਅਤੇ 2022 ਤੋਂ ਬਾਅਦ ਹੁਣ ਲਗਾਤਾਰ ਤੀਜੀ ਵਾਰ ਵਿਸ਼ਵ ਕੱਪ ਫਾਈਨਲ ਵਿੱਚ ਪਹੁੰਚਣ ਤੋਂ ਖੁੰਝ ਗਿਆ।
ਸਪੇਨ ਲੋ ਮਿਕੇਲ ਓਯਾਰਜ਼ਾਬਲ ਨੇ ਡੱਲਾਸ ਸਟੇਡੀਅਮ ਵਿੱਚ 22ਵੇਂ ਮਿੰਟ ਵਿੱਚ ਪੈਨਲਟੀ ਤੋਂ ਪਹਿਲਾ ਗੋਲ ਕੀਤਾ। ਫਿਰ ਪੇਡਰੋ ਪੋਰੋ ਨੇ 58ਵੇਂ ਮਿੰਟ ਵਿੱਚ ਗੋਲ ਕਰਕੇ ਸਪੇਨ ਦੀ ਜਿੱਤ ਨੂੰ ਸੀਲ ਕੀਤਾ। ਸਪੇਨ ਨੂੰ 22ਵੇਂ ਮਿੰਟ ਵਿੱਚ ਪੈਨਲਟੀ ਦਿੱਤੀ ਗਈ। ਫਰਾਂਸੀਸੀ ਡਿਫੈਂਡਰ ਲੂਕਾਸ ਡਿਗਨੇ ਨੇ ਬਾਕਸ ਦੇ ਅੰਦਰ ਲਾਮਿਨ ਯਾਮਲ ਨੂੰ ਫਾਊਲ ਕੀਤਾ। ਰੈਫਰੀ ਨੇ ਪੈਨਲਟੀ ਦਿੱਤੀ। ਮਿਕੇਲ ਓਯਾਰਜ਼ਾਬਲ ਨੇ ਗੇਂਦ ਗੋਲਪੋਸਟ ਦੇ ਸੱਜੇ ਕੋਨੇ ਵਿੱਚ ਭੇਜ ਦਿੱਤੀ, ਜਿਸ ਨਾਲ ਸਪੇਨ ਨੂੰ 1-0 ਦੀ ਬੜ੍ਹਤ ਮਿਲ ਗਈ। ਇਹ ਟੂਰਨਾਮੈਂਟ ਦਾ ਓਯਾਰਜ਼ਾਬਲ ਦਾ ਪੰਜਵਾਂ ਗੋਲ ਸੀ। ਫਰਾਂਸ ਦੂਜੇ ਹਾਫ ਵਿੱਚ ਬਰਾਬਰੀ ਕਰਨ ਦੀ ਕੋਸ਼ਿਸ਼ ਕਰਦਾ ਰਿਹਾ, ਪਰ ਪੇਡਰੋ ਪੋਰੋ ਨੇ 58ਵੇਂ ਮਿੰਟ ਵਿੱਚ ਦਾਨੀ ਓਲਮੋ ਦੇ ਸ਼ਾਨਦਾਰ ਪਾਸ ‘ਤੇ ਗੋਲ ਕਰਕੇ ਸਪੇਨ ਨੂੰ 2-0 ਦੀ ਲੀਡ ਦਿਵਾਈ। ਸਪੇਨ ਨੇ ਉਸ ਤੋਂ ਬਾਅਦ ਗੇਂਦ ‘ਤੇ ਕੰਟਰੋਲ ਬਣਾਈ ਰੱਖਿਆ ਅਤੇ ਫਰਾਂਸ ਨੂੰ ਕੋਈ ਮੌਕਾ ਨਹੀਂ ਦਿੱਤਾ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
