Ind-W-vs-Eng-w: ਭਾਰਤ – ਇੰਗਲੈਂਡ ਦੀ ਮਹਿਲਾ ਕ੍ਰਿਕਟ ਟੀਮ ਵਿਚਾਲੇ ਮੁਕਾਬਲਾ ਜਾਰੀ
– ਲਾਰਡਸ ਵਿੱਚ ਸਮ੍ਰਿਤੀ ਮੰਧਾਨਾ ਨੇ ਰਚਿਆ ਇਤਿਹਾਸ!
– ਜਾਣੋ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦਾ ਸਕੋਰ
ਨਵੀ ਦਿੱਲੀ, 10 ਜੁਲਾਈ (ਵਿਸ਼ਵ ਵਾਰਤਾ): ਭਾਰਤ ਅਤੇ ਇੰਗਲੈਂਡ ਦੀ ਮਹਿਲਾ ਕ੍ਰਿਕਟ ਟੀਮ ਵਿਚਾਲੇ ਲਾਰਡਸ ਵਿੱਚ ਖੇਡੇ ਜਾਣ ਵਾਲੇ ਇਤਿਹਾਸਕ ਟੈਸਟ ਮੁਕਾਬਲੇ ਦਾ ਆਗਾਜ਼ ਅੱਜ ਤੋਂ ਹੋ ਚੁੱਕਾ ਹੈ। ਇਸ ਮੈਚ ਵਿੱਚ ਇੰਗਲੈਂਡ ਮਹਿਲਾ ਟੀਮ ਦੀ ਕਪਤਾਨ ਨੈਟ ਸੀਵਰ ਬ੍ਰੰਟ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫ਼ੈਸਲਾ ਕੀਤਾ। ਫਿਲਹਾਲ ਟੀਮ ਇੰਡੀਆ ਨੇ 57 ਓਵਰਾਂ ‘ਚ 6 ਵਿਕਟਾਂ ਦੇ ਨੁਕਸਾਨ ਤੇ 230 ਦੌੜਾਂ ਬਣਾ ਲਈਆਂ ਹਨ ।
ਇੰਗਲੈਂਡ ਲਈ ਇਸ ਮੁਕਾਬਲੇ ਵਿੱਚ ਦੋ ਖਿਡਾਰੀ ਐਲਿਸ ਕੈਪਸੀ ਅਤੇ ਮੈਡੀ ਵਿਲੀਅਰਜ਼ ਡੈਬਿਊ ਕਰ ਰਹੀਆਂ ਹਨ। ਉੱਥੇ ਹੀ ਟੀਮ ਇੰਡੀਆ ਵੱਲੋਂ ਸ਼੍ਰੀ ਚਰਨੀ ਨੂੰ ਟੈਸਟ ਡੈਬਿਊ ਕਰਨ ਦਾ ਮੌਕਾ ਮਿਲਿਆ ਹੈ, ਜਦਕਿ ਯਾਸਤਿਕਾ ਭਾਟੀਆ ਦੀ ਟੀਮ ਵਿੱਚ ਵਾਪਸੀ ਹੋਈ ਹੈ।
ਲਾਰਡਸ ਵਿੱਚ ਖੇਡੇ ਜਾ ਰਹੇ ਪਹਿਲੇ ਮਹਿਲਾ ਟੈਸਟ ਵਿੱਚ ਭਾਰਤ ਨੇ ਟੀ-ਬ੍ਰੇਕ ਤੱਕ 5 ਵਿਕਟਾਂ ਦੇ ਨੁਕਸਾਨ ‘ਤੇ 202 ਦੌੜਾ ਬਣਾ ਲਈਆਂ ਹਨ। ਟੀਮ ਨੇ ਦੂਜੇ ਸੈਸ਼ਨ ਦੇ ਆਖਰੀ ਓਵਰ ਵਿੱਚ ਕਪਤਾਨ ਹਰਮਨਪ੍ਰੀਤ ਕੌਰ 58 ਦੌੜਾ ਬਣਾ ਕੇ ਮੈਡੀ ਵਿਲੀਅਰਜ਼ ਦੀ ਗੇਂਦ ‘ਤੇ ਆਊਟ ਹੋਈ।
29 ਸਾਲ ਦੀ ਸਮ੍ਰਿਤੀ ਮੰਧਾਨਾ ਨੇ ਆਪਣੇ ਕਰੀਅਰ ਦਾ 300ਵਾਂ ਅੰਤਰਰਾਸ਼ਟਰੀ (ਇੰਟਰਨੈਸ਼ਨਲ) ਮੈਚ ਖੇਡਿਆ। ਉਹ ਇਸ ਮੁਕਾਮ ‘ਤੇ ਪਹੁੰਚਣ ਵਾਲੀ ਭਾਰਤ ਦੀ ਤੀਜੀ ਅਤੇ ਦੁਨੀਆ ਦੀ 12ਵੀਂ ਮਹਿਲਾ ਕ੍ਰਿਕਟਰ ਬਣੀ। ਇਸ ਦੇ ਨਾਲ ਹੀ, ਉਹ ਸਭ ਤੋਂ ਘੱਟ ਉਮਰ ਵਿੱਚ 300 ਇੰਟਰਨੈਸ਼ਨਲ ਮੈਚ ਖੇਡਣ ਵਾਲੀ ਮਹਿਲਾ ਖਿਡਾਰੀ ਵੀ ਬਣ ਗਈ ਹੈ। ਉਸ ਦੀ 83 ਰਨਾਂ ਦੀ ਪਾਰੀ ਵਿੱਚ 11 ਚੌਕੇ ਅਤੇ 1 ਛੱਕਾ ਸ਼ਾਮਲ ਰਿਹਾ।
ਦੋਵਾਂ ਟੀਮਾਂ ਦੀ ਪਲੇਇੰਗ XI (Playing XI)
ਭਾਰਤ ਮਹਿਲਾ ਟੀਮ: ਸਮ੍ਰਿਤੀ ਮੰਧਾਨਾ, ਸ਼ੈਫਾਲੀ ਵਰਮਾ, ਯਾਸਤਿਕਾ ਭਾਟੀਆ, ਹਰਮਨਪ੍ਰੀਤ ਕੌਰ (ਕਪਤਾਨ), ਜੇਮਿਮਾ ਰੋਡ੍ਰਿਗਜ਼, ਰਿਚਾ ਘੋਸ਼ (ਵਿਕਟਕੀਪਰ), ਦੀਪਤੀ ਸ਼ਰਮਾ, ਸਯਾਲੀ ਸਤਘਰੇ, ਸਨੇਹ ਰਾਣਾ, ਐਨ ਸ਼੍ਰੀ ਚਰਨੀ, ਕ੍ਰਾਂਤੀ ਗੌੜ
ਇੰਗਲੈਂਡ ਮਹਿਲਾ ਟੀਮ: ਟੈਮੀ ਬਿਊਮੋਂਟ, ਮਾਇਆ ਬਾਊਚੀਅਰ, ਹੀਥਰ ਨਾਈਟ, ਨੈਟ ਸੀਵਰ-ਬ੍ਰੰਟ (ਕਪਤਾਨ), ਐਲਿਸ ਕੈਪਸੀ, ਐਮੀ ਜੋਨਸ (ਵਿਕਟਕੀਪਰ), ਮੈਡੀ ਵਿਲੀਅਰਜ਼, ਸੋਫੀ ਐਕਲੇਸਟੋਨ, ਇਜ਼ੀ ਵੋਂਗ, ਲੌਰੇਨ ਬੈੱਲ, ਲੌਰੇਨ ਫਾਈਲਰ
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
