ਹੈਦਰਾਬਾਦ ਦੇ ਗੋਦਾਮ ਵਿੱਚ ਕੈਮੀਕਲ ਵਿਸਫੋਟ ; ਇੱਕ ਦੀ ਮੌਤ
ਚੰਡੀਗੜ੍ਹ, 22 ਜੂਨ (ਵਿਸ਼ਵ ਵਾਰਤਾ) ਹੈਦਰਾਬਾਦ ਦੇ ਮੀਰਪੇਟ ਪੁਲਿਸ ਸਟੇਸ਼ਨ ਨੇੜੇ ਇੱਕ ਗੋਦਾਮ ਵਿੱਚ ਅਚਾਨਕ ਹੋਏ ਧਮਾਕੇ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਆਦਿਬਾਤਲਾ ਦੇ ਸਹਾਇਕ ਪੁਲਿਸ ਕਮਿਸ਼ਨਰ (ਏ.ਸੀ.ਪੀ.) ਦੇ ਅਨੁਸਾਰ, ਧਮਾਕਾ ਸਮਾਗਮ ਦੀ ਸਜਾਵਟ ਸਮੱਗਰੀ ਨੂੰ ਸਟੋਰ ਕਰਨ ਲਈ ਵਰਤੇ ਜਾਂਦੇ ਗੋਦਾਮ ਦੇ ਅੰਦਰ ਹੋਇਆ।
ਘਟਨਾ ਦੀ ਜਾਣਕਾਰੀ ਮਿਲਣ ‘ਤੇ, ਇੱਕ ਪੁਲਿਸ ਟੀਮ ਤੁਰੰਤ ਮੌਕੇ ‘ਤੇ ਪਹੁੰਚੀ। ਮ੍ਰਿਤਕ ਦੀ ਪਛਾਣ ਅਨੂਪ ਪ੍ਰਧਾਨ ਵਜੋਂ ਹੋਈ ਹੈ, ਜੋ ਕਿ ਪੱਛਮੀ ਬੰਗਾਲ ਦਾ ਰਹਿਣ ਵਾਲਾ ਸੀ। ਮੁੱਢਲੀ ਜਾਂਚ ਤੋਂ ਪਤਾ ਚੱਲਦਾ ਹੈ ਕਿ ਅਨੂਪ ਦੀ ਮੌਤ ਗੋਦਾਮ ਵਿੱਚ ਸਟੋਰ ਕੀਤੇ Organic chemical ਨਾਲ ਹੋਏ ਧਮਾਕੇ ਕਾਰਨ ਮੌਕੇ ‘ਤੇ ਹੀ ਹੋ ਗਈ। ਪੁਲਿਸ ਪੂਰੀ ਘਟਨਾ ਦੀ ਜਾਂਚ ਕਰ ਰਹੀ ਹੈ।
