Tri Series ‘ਚ ਅੱਜ ਭਾਰਤ ਏ ਦਾ ਮੁਕਾਬਲਾ ਅਫਗਾਨਿਸਤਾਨ ਏ ਨਾਲ
– ਫਾਈਨਲ ਵਿੱਚ ਜਗ੍ਹਾ ਬਣਾਉਣ ਲਈ ਭਾਰਤ ਨੂੰ ਜਿੱਤ ਦੀ ਲੋੜ
ਚੰਡੀਗੜ੍ਹ, 17 ਜੂਨ (ਵਿਸ਼ਵ ਵਾਰਤਾ): ਸ਼੍ਰੀਲੰਕਾ ਵਿੱਚ ਖੇਡੀ ਜਾ ਰਹੀ ਇੱਕ ਰੋਜ਼ਾ ਤਿਕੋਣੀ ਲੜੀ ਵਿੱਚ ਅੱਜ ਭਾਰਤ ਏ ਅੱਜ ਅਫਗਾਨਿਸਤਾਨ ਏ ਨਾਲ ਭਿੜੇਗਾ। ਇਹ ਮੈਚ ਸਵੇਰੇ 10:00 ਵਜੇ ਦਮਬੁੱਲਾ ਦੇ ਰੰਗੀਰੀ ਦਮਬੁੱਲਾ ਅੰਤਰਰਾਸ਼ਟਰੀ ਸਟੇਡੀਅਮ ਵਿੱਚ ਸ਼ੁਰੂ ਹੋਵੇਗਾ। ਭਾਰਤ ਏ ਆਪਣੇ ਦੋਵੇਂ ਪਿਛਲੇ ਮੈਚ ਹਾਰ ਗਿਆ ਹੈ। ਨਤੀਜੇ ਵਜੋਂ, ਫਾਈਨਲ ਵਿੱਚ ਜਗ੍ਹਾ ਬਣਾਉਣ ਲਈ ਉਸਨੂੰ ਅੱਜ ਜਿੱਤ ਦੀ ਲੋੜ ਹੈ। ਜੇਕਰ ਭਾਰਤ ਅੱਜ ਜਿੱਤ ਵੀ ਜਾਂਦਾ ਹੈ, ਤਾਂ ਵੀ ਉਸ ਨੂੰ ਦੂਜੀਆਂ ਦੋਵਾਂ ਟੀਮਾਂ ਦੇ ਨਤੀਜਿਆਂ ‘ਤੇ ਨਿਰਭਰ ਰਹਿਣਾ ਪਵੇਗਾ।
ਭਾਰਤ ਏ ਦੇ 3 ਮੈਚਾਂ ਵਿੱਚੋਂ 2 ਅੰਕ ਹਨ। ਅੱਜ ਦੀ ਜਿੱਤ ਨਾਲ ਭਾਰਤ ਦੇ 4 ਅੰਕ ਹੋ ਜਾਣਗੇ। ਫੇਰ ਭਾਰਤ ਦੀ ਕਿਸਮਤ ਦਾ ਫੈਸਲਾ 19 ਜੂਨ ਨੂੰ ਸ਼੍ਰੀਲੰਕਾ ਏ ਅਤੇ ਅਫਗਾਨਿਸਤਾਨ ਏ ਵਿਚਕਾਰ ਹੋਣ ਵਾਲੇ ਮੈਚ ‘ਚ ਹੋਵੇਗਾ। ਜੇਕਰ ਅਫਗਾਨਿਸਤਾਨ ਏ ਉਸ ਮੈਚ ਵਿੱਚ ਸ਼੍ਰੀਲੰਕਾ ਏ ਨੂੰ ਹਰਾ ਦਿੰਦਾ ਹੈ, ਤਾਂ ਤਿੰਨੋਂ ਟੀਮਾਂ ਦੇ 4-4 ਅੰਕ ਹੋਣਗੇ, ਅਤੇ ਫਾਈਨਲਿਸਟਾਂ ਦਾ ਫੈਸਲਾ ਨੈੱਟ ਰਨ ਰੇਟ ਦੇ ਆਧਾਰ ‘ਤੇ ਕੀਤਾ ਜਾਵੇਗਾ। ਜੇ ਭਾਰਤ ਅੱਜ ਦਾ ਮੈਚ ਜਿੱਤਦਾ ਹੈ ਅਤੇ 19 ਜੂਨ ਨੂੰ ਸ਼੍ਰੀਲੰਕਾ ਜਿੱਤਦਾ ਹੈ ਤਾਂ ਭਾਰਤ ਫਾਈਨਲ ‘ਚ ਚਲਾ ਜਾਵੇਗਾ।
ਭਾਰਤ-ਏ ਅਤੇ ਅਫਗਾਨਿਸਤਾਨ-ਏ ਵਿਚਾਲੇ ਖੇਡੇ ਗਏ ਪਿਛਲੇ ਤਿੰਨ ਮੈਚਾਂ ਵਿੱਚ ਭਾਰਤ-ਏ ਦਾ ਹੱਥ ਉੱਪਰ ਰਿਹਾ ਹੈ। ਭਾਰਤ-ਏ ਨੇ ਤਿੰਨ ਵਿੱਚੋਂ ਦੋ ਮੈਚ ਜਿੱਤੇ ਹਨ, ਜਦਕਿ ਅਫਗਾਨਿਸਤਾਨ-ਏ ਨੇ ਇੱਕ ਵਿੱਚ ਜਿੱਤ ਦਰਜ ਕੀਤੀ ਹੈ। ਪਿਛਲੇ ਮੈਚ ਵਿੱਚ ਅਫਗਾਨਿਸਤਾਨ ਨੇ ਮੀਂਹ ਤੋਂ ਬਾਅਦ ਡਕਵਰਥ ਲੁਈਸ ਵਿਧੀ ਦੀ ਵਰਤੋਂ ਕਰਦੇ ਹੋਏ 4 ਦੌੜਾਂ ਨਾਲ ਜਿੱਤ ਦਰਜ ਕੀਤੀ ਸੀ।
ਦੋਵਾਂ ਟੀਮਾਂ ਲਈ ਸੰਭਾਵਿਤ ਪਲੇਇੰਗ ਇਲੈਵਨ: ਭਾਰਤ ਏ: ਵੈਭਵ ਸੂਰਿਆਵੰਸ਼ੀ, ਪ੍ਰਭਸਿਮਰਨ ਸਿੰਘ, ਪ੍ਰਿਯਾਂਸ਼ ਆਰੀਆ, ਰੁਤੂਰਾਜ ਗਾਇਕਵਾੜ, ਤਿਲਕ ਵਰਮਾ (ਕਪਤਾਨ), ਆਯੂਸ਼ ਬਡੋਨੀ, ਸੂਰਯਾਂਸ਼ ਸ਼ੈਡਗੇ, ਅਰਸ਼ਦ ਖਾਨ, ਵਿਪਰਾਜ ਨਿਗਮ, ਅਨੁਕੁਲ ਰਾਏ, ਅੰਸ਼ੁਲ ਕੰਬੋਜ।
ਅਫਗਾਨਿਸਤਾਨ ਏ: ਇਮਰਾਨ ਮੀਰ (ਕਪਤਾਨ), ਹਸਨ ਇਸਾਖਿਲ, ਖਾਲਿਦ ਤਾਨੀਵਾਲ, ਇਜਾਜ਼ ਅਹਿਮਦ ਅਹਿਮਦਜ਼ਈ, ਬਹੀਰ ਸ਼ਾਹ, ਇਸਹਾਕ ਰਹੀਮੀ (ਵਿਕਟਕੀਪਰ), ਖਲੀਲ ਗੁਰਬਾਜ਼, ਜ਼ਹੀਰ ਖਾਨ, ਅਬਦੁੱਲਾ ਅਹਿਮਦਜ਼ਈ, ਮੁਹੰਮਦ ਇਬਰਾਹਿਮ, ਅਤੇ ਫਰਮਾਨੁੱਲਾ ਸਫੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
