ਬ੍ਰਿਟੇਨ ਦੇ ਰੱਖਿਆ ਮੰਤਰੀ ਜੌਨ ਹੀਲੀ ਨੇ ਦਿੱਤਾ ਅਸਤੀਫ਼ਾ
ਬ੍ਰਿਟੇਨ, 11 ਜੂਨ, 2026 (ਵਿਸ਼ਵ ਵਾਰਤਾ): ਬ੍ਰਿਟੇਨ ਦੇ ਰੱਖਿਆ ਮੰਤਰੀ ਜੌਨ ਹੀਲੀ ਨੇ ਵੀਰਵਾਰ ਨੂੰ ਅਸਤੀਫ਼ਾ ਦੇ ਦਿੱਤਾ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਦੇਸ਼ ਦੀ ਸੁਰੱਖਿਆ ਲਈ ਲੋੜੀਂਦੇ ਸਰਕਾਰੀ ਸਰੋਤ ਉਪਲਬਧ ਨਹੀਂ ਕਰਵਾ ਰਹੇ ਹਨ। ਉਨ੍ਹਾਂ ਨੇ ਅਸਤੀਫ਼ਾ ਦਿੰਦੇ ਹੋਏ ਕਿਹਾ ਕਿ ਵਧਦੇ ਖ਼ਤਰਿਆਂ ਦੇ ਇਸ ਦੌਰ ਵਿੱਚ ਸਰਕਾਰ ਫ਼ੌਜ ‘ਤੇ ਲੋੜੀਂਦਾ ਖ਼ਰਚ ਕਰਨ ਲਈ ਤਿਆਰ ਨਹੀਂ ਹੈ।
ਉਨ੍ਹਾਂ ਅੱਗੇ ਕਿਹਾ ਕਿ ਫ਼ੌਜੀ ਖ਼ਰਚੇ ਵਧਾਉਣ ਦੀਆਂ ਲਗਾਤਾਰ ਉੱਠ ਰਹੀਆਂ ਮੰਗਾਂ ਨੂੰ ਕਿਵੇਂ ਪੂਰਾ ਕੀਤਾ ਜਾਵੇ, ਇਸ ਬਾਰੇ ਬ੍ਰਿਟੇਨ ਦੇ ਰੱਖਿਆ ਅਤੇ ਵਿੱਤ ਮੰਤਰਾਲਿਆਂ ਵਿਚਕਾਰ ਮਹੀਨਿਆਂ ਤੋਂ ਗੱਲਬਾਤ ਚੱਲ ਰਹੀ ਹੈ, ਜਿਸ ਕਾਰਨ ਪਿਛਲੇ ਸਾਲ ਤੋਂ ਹੀ ਬ੍ਰਿਟੇਨ ਦਾ ਰੱਖਿਆ ਨਿਵੇਸ਼ ਪਲਾਨ ਰੁਕਿਆ ਹੋਇਆ ਹੈ।
ਹੀਲੀ ਨੇ ਸਟਾਰਮਰ ਨੂੰ ਲਿਖੇ ਆਪਣੇ ਪੱਤਰ ਵਿੱਚ ਕਿਹਾ, ‘ਵਧਦੇ ਖ਼ਤਰਿਆਂ ਦੇ ਇਸ ਦੌਰ ਵਿੱਚ ਦੇਸ਼ ਦੀ ਸੁਰੱਖਿਆ ਲਈ ਲੋੜੀਂਦੇ ਸਰੋਤ ਜੁਟਾਉਣ ਵਿੱਚ ਤੁਸੀਂ ਨਾਕਾਮ ਰਹੇ ਹੋ ਅਤੇ ਟ੍ਰੇਜ਼ਰੀ ਵੀ ਇਸ ਦੇ ਲਈ ਤਿਆਰ ਨਹੀਂ ਹੈ।’
ਇਸ ਦੇਰੀ ਕਾਰਨ ਬ੍ਰਿਟੇਨ ਦੀ ਡਿਫੈਂਸ ਇੰਡਸਟਰੀ ਨਾਰਾਜ਼ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਜਿਹੇ ਸਮੇਂ ਵਿੱਚ, ਜਦੋਂ ਭੂ-ਰਾਜਨੀਤਿਕ ਹਾਲਾਤ ਬਹੁਤ ਅਸਥਿਰ ਹਨ ਅਤੇ ਅਮਰੀਕਾ ਯੂਰਪ ਦੀ ਸੁਰੱਖਿਆ ਤੋਂ ਆਪਣਾ ਧਿਆਨ ਹਟਾ ਰਿਹਾ ਹੈ, ਉਹ ਦੇਸ਼ ਦੀ ਸੁਰੱਖਿਆ ਨਾਲ ਜੁੜੇ ਲੰਮੇ ਸਮੇਂ ਦੇ ਪ੍ਰੋਗਰਾਮਾਂ ਵਿੱਚ ਨਿਵੇਸ਼ ਨਹੀਂ ਕਰ ਸਕਦੇ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
