ਕੋਲਕਾਤਾ ਦੇ ਸਾਲਟ ਲੇਕ ਸਟੇਡੀਅਮ ਦੇ ਬਾਹਰ ਵੱਡੀ ਕਾਰਵਾਈ!
ਮਮਤਾ ਬੈਨਰਜੀ ਦੁਆਰਾ ਡਿਜ਼ਾਈਨ ਕੀਤੇ ਫੁੱਟਬਾਲ ਦੇ ਬੁੱਤ ਨੂੰ ਡੇਗਿਆ
ਪੱਛਮੀ ਬੰਗਾਲ, 23 ਮਈ 2026 (ਵਿਸ਼ਵ ਵਾਰਤਾ): ਬੰਗਾਲ ਸਰਕਾਰ ਨੇ ਸ਼ਨੀਵਾਰ ਨੂੰ ਕੋਲਕਾਤਾ ਵਿੱਚ ਸਾਲਟ ਲੇਕ ਸਟੇਡੀਅਮ ਦੇ ਬਾਹਰ ਲੱਗੀ ਮੂਰਤੀ ਨੂੰ ਤੁੜਵਾ ਦਿੱਤਾ। ਇਸ ਨੂੰ ਸਾਬਕਾ ਮੁੱਖ ਮੰਤਰੀ ਮਮਤਾ ਬਨਰਜੀ ਨੇ ਡਿਜ਼ਾਈਨ ਕੀਤਾ ਸੀ। ਇਸ ਨੂੰ 2017 ਵਿੱਚ ਪੱਛਮੀ ਬੰਗਾਲ ਵਿੱਚ ਕਰਵਾਏ ਗਏ ਫੀਫਾ ਅੰਡਰ-17 ਵਰਲਡ ਕੱਪ ਤੋਂ ਪਹਿਲਾਂ ਲਗਾਇਆ ਗਿਆ ਸੀ। ਮੂਰਤੀ ਲਗਾਉਣ ਤੋਂ ਪਹਿਲਾਂ ਸਾਲਟ ਲੇਕ ਸਟੇਡੀਅਮ ਨੂੰ ₹100 ਕਰੋੜ ਦੀ ਲਾਗਤ ਨਾਲ ਅਪਡੇਟ ਕੀਤਾ ਗਿਆ ਸੀ।
ਸਟੇਡੀਅਮ ਦੇ VVIP ਗੇਟ ਦੇ ਸਾਹਮਣੇ ਲੱਗੀ ਇਸ ਮੂਰਤੀ ਵਿੱਚ ਫੁੱਟਬਾਲ ਬੂਟ ਪਾਏ ਹੋਏ ਖਿਡਾਰੀ ਦੀਆਂ 2 ਲੱਤਾਂ ‘ਤੇ ਫੁੱਟਬਾਲ ਬਣੇ ਹੋਏ ਸਨ। ਮੂਰਤੀ ਵਿੱਚ ਲੱਕ ਦੇ ਉੱਪਰ ਵੀ ਫੁੱਟਬਾਲ ਬਣੀ ਹੋਈ ਸੀ। ਬੰਗਾਲ ਵਿੱਚ ਭਾਜਪਾ ਸਰਕਾਰ ਬਣਨ ਤੋਂ ਬਾਅਦ ਸੀਐਮ ਸੁਵੇਂਦੂ ਅਧਿਕਾਰੀ ਨੇ ਸਹੁੰ ਚੁੱਕ ਸਮਾਗਮ ਦੇ ਅਗਲੇ ਹੀ ਦਿਨ ਕਿਹਾ ਸੀ- “ਅਸੀਂ ਇਸ ਮੂਰਤੀ ਨੂੰ ਡੇਗ (ਤੁੜਵਾ) ਦਿਆਂਗੇ।”
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
