ਜਲਦ ਬੰਦ ਹੋਣ ਜਾ ਰਿਹਾ mAadhaar ਐਪ!
– ਤੁਰੰਤ ਕਰੋ ਇਹ ਕੰਮ; ਨਹੀਂ ਤਾਂ …
ਨਵੀ ਦਿੱਲੀ, 18 ਮਈ (ਵਿਸ਼ਵ ਵਾਰਤਾ) : ਜੇਕਰ ਤੁਸੀਂ mAadhaar ਐਪ ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਡੇ ਲਈ ਇੱਕ ਜ਼ਰੂਰੀ ਜਾਣਕਾਰੀ ਹੈ। UIDAI ਨੇ ਆਪਣੇ ਅਧਿਕਾਰਤ ‘ਐਕਸ’ ਅਕਾਊਂਟ ਤੋਂ ਟਵੀਟ ਕਰਕੇ ਦੱਸਿਆ ਹੈ ਕਿ mAadhaar ਐਪ ਜਲਦ ਹੀ ਬੰਦ ਹੋਣ ਵਾਲੀ ਹੈ।
ਟਵੀਟ ਵਿੱਚ ਦੱਸਿਆ ਗਿਆ ਹੈ ਕਿ mAadhaar ਐਪ ਜਲਦ ਹੀ ਬੰਦ ਹੋ ਜਾਵੇਗੀ। ਹੁਣ ਯੂਜ਼ਰਸ ਨੂੰ ਨਵੇਂ Aadhaar ਐਪ ‘ਤੇ ਸਵਿਚ ਕਰਨਾ ਪਵੇਗਾ। ਇੱਥੇ ਉਨ੍ਹਾਂ ਨੂੰ ਵਧੇਰੇ ਸਮਾਰਟ, ਤੇਜ਼ ਅਤੇ ਸੁਰੱਖਿਅਤ ਡਿਜੀਟਲ ਸਫ਼ਰ ਦਾ ਅਨੁਭਵ ਮਿਲੇਗਾ।
UIDAI ਨੇ ਆਪਣੇ ਟਵੀਟ ਵਿੱਚ ਇਹ ਤਾਂ ਨਹੀਂ ਦੱਸਿਆ ਕਿ ਐਪ ਨੂੰ ਰਿਟਾਇਰ ਕਿਉਂ ਕੀਤਾ ਜਾ ਰਿਹਾ ਹੈ। ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ mAadhaar ਐਪ ਨੂੰ ਕਾਫ਼ੀ ਸਮਾਂ ਪਹਿਲਾਂ ਲਾਂਚ ਕੀਤਾ ਗਿਆ ਸੀ। ਇਸ ਦਾ ਇੰਟਰਫੇਸ ਵੀ ਪੁਰਾਣਾ ਹੋ ਚੁੱਕਾ ਹੈ। ਵਧਦੀ ਟੈਕਨਾਲੋਜੀ ਦੇ ਨਾਲ ਇਸ ਵਿੱਚ ਕਈ ਤਕਨੀਕੀ ਦਿੱਕਤਾਂ ਆ ਰਹੀਆਂ ਸਨ। ਅੱਜ ਦੇ ਸਮੇਂ ਵਿੱਚ ਸਾਈਬਰ ਫਰਾਡ ਅਤੇ ਡੇਟਾ ਸੁਰੱਖਿਆ ਇੱਕ ਬਹੁਤ ਵੱਡੀ ਚੁਣੌਤੀ ਬਣ ਚੁੱਕੇ ਹਨ। ਅਜਿਹੇ ਵਿੱਚ UIDAI ਨੇ ਪੁਰਾਣੀ ਐਪ ਨੂੰ ਬੰਦ ਕਰਨ ਦਾ ਫ਼ੈਸਲਾ ਲਿਆ ਤਾਂ ਜੋ ਲੋਕ ਸਿਰਫ਼ ਨਵੀਂ ਆਧਾਰ ਐਪ ਦੀ ਵਰਤੋਂ ਕਰਨ।
ਨਵੇਂ ਆਧਾਰ ਐਪ ਨੂੰ ਲੈ ਕੇ UIDAI ਦਾ ਕਹਿਣਾ ਹੈ ਕਿ ਇਸ ਵਿੱਚ ਯੂਜ਼ਰਸ ਨੂੰ ਵਧੇਰੇ ਸੁਰੱਖਿਅਤ ਅਤੇ ਆਸਾਨ ਅਨੁਭਵ ਮਿਲੇਗਾ। ਸਭ ਤੋਂ ਵੱਡਾ ਬਦਲਾਅ ਇਹ ਹੈ ਕਿ ਹੁਣ ਲੋਕਾਂ ਨੂੰ ਹਰ ਜਗ੍ਹਾ ਆਧਾਰ ਦੀ ਫੋਟੋਕਾਪੀ ਦੇਣ ਦੀ ਲੋੜ ਘੱਟ ਪਵੇਗੀ। ਇਸ ਐਪ ਰਾਹੀਂ ਈ-ਕੇਵਾਈਸੀ ਵੀ ਕੀਤਾ ਜਾ ਸਕੇਗਾ।
ਰਿਪੋਰਟਾਂ ਮੁਤਾਬਕ UIDAI ਨੇ ਲੋਕਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਹੌਲੀ-ਹੌਲੀ ਨਵੇਂ ਆਧਾਰ Aadhaar ਐਪ ‘ਤੇ ਸ਼ਿਫਟ ਹੋਣਾ ਸ਼ੁਰੂ ਕਰ ਦੇਣ। ਇਹ ਐਪ ਐਂਡਰਾਇਡ ਅਤੇ ਆਈਫੋਨ ਦੋਵਾਂ ‘ਤੇ ਉਪਲਬਧ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
