Haryana ਬੋਰਡ ਨੇ ਐਲਾਨਿਆ 12ਵੀਂ ਜਮਾਤ ਦਾ Result
– ਵਿਦਿਆਰਥੀ ਇੰਝ ਚੈੱਕ ਕਰਨ ਨਤੀਜੇ
– ਰੇਵਾੜੀ ਦੀ ਦੀਪਿਕਾ ਨੇ ਕੀਤਾ ਟਾਪ
ਚੰਡੀਗੜ੍ਹ, 12 ਮਈ 2026(ਵਿਸ਼ਵ ਵਾਰਤਾ): ਹਰਿਆਣਾ ਸਕੂਲ ਸਿੱਖਿਆ ਬੋਰਡ (HBSE) ਨੇ 12ਵੀਂ ਜਮਾਤ ਦਾ ਨਤੀਜਾ ਐਲਾਨ ਦਿੱਤਾ ਹੈ। ਇਸ ਵਾਰ 12ਵੀਂ ਬੋਰਡ ਦੀ ਕੁੱਲ ਪਾਸ ਪ੍ਰਤੀਸ਼ਤਤਾ 84.67% ਰਹੀ। ਰੇਵਾੜੀ ਦੇ ਚਿੱਲਰ ਸਥਿਤ ਵਿਵੇਕਾਨੰਦ ਵਿੱਦਿਆ ਮੰਦਰ ਸੀਨੀਅਰ ਸੈਕੰਡਰੀ ਸਕੂਲ ਦੀ ਵਿਦਿਆਰਥਣ ਦੀਪਿਕਾ ਨੇ 498 ਅੰਕ ਪ੍ਰਾਪਤ ਕਰਕੇ ਸੂਬੇ ਚੋ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ।
ਇਸ ਦੇ ਨਾਲ ਹੀ ਉਦਿਤਾ 498 ਨੰਬਰਾਂ ਨਾਲ ਦੂਜੇ ਸਥਾਨ ‘ਤੇ ਰਹੀ। ਉਹ ਰੋਹਤਕ ਦੇ ਰੁੜਕੀ ਸਥਿਤ ਕੰਨਿਆ ਗੁਰੂਕੁਲ ਦੀ ਵਿਦਿਆਰਥਣ ਹੈ। ਯੋਗਿਤਾ ਅਤੇ ਮੁਸਕਾਨ 497 ਨੰਬਰਾਂ ਨਾਲ ਤੀਜੇ ਸਥਾਨ ‘ਤੇ ਰਹੀਆਂ ਹਨ। ਯੋਗਿਤਾ ਜੀਂਦ ਦੇ ਪਿੰਡ ਬੁਢੈਣ ਦੇ ਸਿੱਖਿਆ ਭਾਰਤੀ ਗਲੋਬਲ ਸਕੂਲ ਦੀ ਵਿਦਿਆਰਥਣ ਹੈ, ਜਦੋਂ ਕਿ ਮੁਸਕਾਨ ਜੀਂਦ ਦੇ ਧਮਤਾਨ ਸਾਹਿਬ ਸਥਿਤ ਗਿਆਨ ਭਾਰਤੀ ਸਕੂਲ ਦੀ ਵਿਦਿਆਰਥਣ ਹੈ।
ਦੱਸ ਦਈਏ ਕਿ 12ਵੀਂ ਦੀ ਪ੍ਰੀਖਿਆ ਵਿੱਚ 2 ਲੱਖ 42 ਹਜ਼ਾਰ 856 ਵਿਦਿਆਰਥੀ ਸ਼ਾਮਲ ਹੋਏ ਸਨ, ਜਿਨ੍ਹਾਂ ਵਿੱਚੋਂ 2 ਲੱਖ 5 ਹਜ਼ਾਰ 618 ਪਾਸ ਹੋਏ ਅਤੇ 10 ਹਜ਼ਾਰ 498 ਫੇਲ੍ਹ ਹੋ ਗਏ। ਇਸ ਵਾਰ 87.97% ਲੜਕੀਆਂ ਪਾਸ ਹੋਈਆਂ ਹਨ, ਉੱਥੇ ਹੀ ਲੜਕਿਆਂ ਦੀ ਪਾਸ ਪ੍ਰਤੀਸ਼ਤਤਾ 81.45% ਰਹੀ। ਇਸ ਤਰ੍ਹਾਂ ਲੜਕੀਆਂ ਨੇ ਲੜਕਿਆਂ ਨਾਲੋਂ 6.52% ਬਿਹਤਰ ਪ੍ਰਦਰਸ਼ਨ ਕੀਤਾ ਹੈ।
ਨਤੀਜਾ ਚੈੱਕ ਕਰਨ ਦਾ ਆਸਾਨ ਤਰੀਕਾ:
ਸਭ ਤੋਂ ਪਹਿਲਾਂ ਹਰਿਆਣਾ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ bseh.org.in ‘ਤੇ ਜਾਓ।
ਹੋਮਪੇਜ ‘ਤੇ Main Website ਵਿਕਲਪ ‘ਤੇ ਕਲਿੱਕ ਕਰੋ।
ਇੱਥੇ HBSE 12th Result 2026 ਵਾਲੇ ਲਿੰਕ ‘ਤੇ ਕਲਿੱਕ ਕਰੋ।
ਆਪਣਾ ਰੋਲ ਨੰਬਰ ਅਤੇ ਮੰਗੀ ਗਈ ਹੋਰ ਜਾਣਕਾਰੀ ਦਰਜ ਕਰੋ।
Submit ਬਟਨ ‘ਤੇ ਕਲਿੱਕ ਕਰਦੇ ਹੀ ਤੁਹਾਡਾ ਨਤੀਜਾ ਸਕ੍ਰੀਨ ‘ਤੇ ਆ ਜਾਵੇਗਾ।
ਭਵਿੱਖ ਲਈ ਨਤੀਜੇ ਦਾ ਪ੍ਰਿੰਟਆਊਟ ਲੈ ਲਓ ਜਾਂ ਇਸ ਨੂੰ ਡਾਊਨਲੋਡ ਕਰ ਲਓ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
