IPL 2026 : ਕੋਲਕਾਤਾ ਨੇ ਜਿੱਤਿਆ ਸੀਜ਼ਨ ਦਾ ਪਹਿਲਾ ਸੁਪਰ ਓਵਰ ; ਲਖਨਊ ਸੁਪਰ ਜਾਇੰਟਸ ਨੂੰ ਹਰਾਇਆ
ਚੰਡੀਗੜ੍ਹ, 27ਅਪ੍ਰੈਲ(ਵਿਸ਼ਵ ਵਾਰਤਾ) ਐਤਵਾਰ ਨੂੰ ਦਿਨ ਦਾ ਦੂਜਾ ਅਤੇ ਸੀਜ਼ਨ ਦਾ 38ਵਾਂ ਮੈਚ ਲਖਨਊ ਸੁਪਰ ਜਾਇੰਟਸ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਵਿਚਾਲੇ ਖੇਡਿਆ ਗਿਆ। ਜਿਸ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਨੇ IPL 2026 ਦੇ ਪਹਿਲੇ ਸੁਪਰ ਓਵਰ ਮੁਕਾਬਲੇ ਵਿੱਚ ਲਖਨਊ ਸੁਪਰ ਜਾਇੰਟਸ ਨੂੰ ਹਰਾ ਕੇ ਜਿੱਤ ਹਾਸਲ ਕੀਤੀ। ਏਕਾਨਾ ਸਟੇਡੀਅਮ ਵਿੱਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਕੋਲਕਾਤਾ ਨੇ 20 ਓਵਰਾਂ ਵਿੱਚ 7 ਵਿਕਟਾਂ ਦੇ ਨੁਕਸਾਨ ‘ਤੇ ਕੁੱਲ 155 ਦੌੜਾਂ ਬਣਾਈਆਂ।
ਜਵਾਬ ਵਿੱਚ, ਲਖਨਊ ਨੇ ਸਕੋਰ ਦੇ ਬਰਾਬਰੀ ਕੀਤੀ, 20 ਓਵਰਾਂ ਵਿੱਚ 8 ਵਿਕਟਾਂ ‘ਤੇ 155 ਦੌੜਾਂ ਬਣਾਈਆਂ, ਜਿਸ ਨਾਲ ਮੈਚ ਬਰਾਬਰ ਹੋ ਗਿਆ। ਆਖਰੀ ਗੇਂਦ ‘ਤੇ, ਮੁਹੰਮਦ ਸ਼ਮੀ ਨੇ ਛੱਕਾ ਮਾਰ ਕੇ ਮੁਕਾਬਲਾ ਬਰਾਬਰ ਕਰ ਦਿੱਤਾ। ਸੁਪਰ ਓਵਰ ਵਿੱਚ, ਕੋਲਕਾਤਾ ਲਈ ਗੇਂਦਬਾਜ਼ੀ ਕਰਦੇ ਹੋਏ ਸੁਨੀਲ ਨਰਾਇਣ ਨੇ ਲਖਨਊ ਨੂੰ ਸਿਰਫ਼ 1 ਦੌੜ ਤੱਕ ਸੀਮਤ ਕਰ ਦਿੱਤਾ ਅਤੇ ਦੋ ਵਿਕਟਾਂ ਵੀ ਲਈਆਂ। ਜਵਾਬ ਵਿੱਚ, ਰਿੰਕੂ ਸਿੰਘ ਨੇ ਚੌਕਾ ਲਗਾ ਕੇ ਟੀਮ ਨੂੰ ਜਿੱਤ ਦਵਾਈ। ਦੱਸ ਦਈਏ ਕਿ ਇਸ ਮੈਚ ਦੇ ਹੀਰੋ ਰਿੰਕੂ ਸਿੰਘ ਬਣੇ , ਜਿਸ ਨੇ 51 ਗੇਂਦਾਂ ‘ਤੇ ਅਜੇਤੂ 83 ਦੌੜਾਂ ਬਣਾਈਆਂ।
ਇਸ ਤੋਂ ਇਲਾਵਾ ਲਖਨਊ ਦੇ ਤੇਜ਼ ਗੇਂਦਬਾਜ਼ ਮੋਹਸਿਨ ਖਾਨ ਨੇ ਪੰਜ ਵਿਕਟਾਂ ਲਈਆਂ। ਉਸਨੇ ਅਜਿੰਕਿਆ ਰਹਾਣੇ, ਟਿਮ ਸੀਫਰਟ, ਕੈਮਰਨ ਗ੍ਰੀਨ, ਰੋਵਮੈਨ ਪਾਵੇਲ ਅਤੇ ਅਨੁਕੂਲ ਰਾਏ ਨੂੰ ਆਊਟ ਕੀਤਾ।
