Chandigarh : ‘ਦਿਲ ਦੇ ਜਾਨੀ’ ਗੀਤ ਰਿਲੀਜ਼, ਪੰਜਾਬੀ ਸੰਗੀਤ ਜਗਤ ਨੂੰ ਮਿਲਿਆ ਨਵਾਂ ਸੁਰ
ਚੰਡੀਗੜ੍ਹ, 24 ਮਾਰਚ (ਵਿਸ਼ਵ ਵਾਰਤਾ) : ਪੰਜਾਬੀ ਸੰਗੀਤ ਪ੍ਰੇਮੀਆਂ ਲਈ ਅੱਜ ਇੱਕ ਖ਼ਾਸ ਮੌਕਾ ਰਿਹਾ ਜਦੋਂ “ਵੇਵਕਾਨੋ ਮਿਊਜ਼ਿਕ” ਕੰਪਨੀ ਵੱਲੋਂ ਨਵਾਂ ਪੰਜਾਬੀ ਗੀਤ ‘ਦਿਲ ਦੇ ਜਾਨੀ’ ਪ੍ਰੈੱਸ ਕਲੱਬ, ਸੈਕਟਰ 27, ਚੰਡੀਗੜ੍ਹ ਵਿੱਚ ਆਯੋਜਿਤ ਸਮਾਗਮ ਦੌਰਾਨ ਰਿਲੀਜ਼ ਕੀਤਾ ਗਿਆ।
ਇਸ ਗੀਤ ਨੂੰ ਮਸ਼ਹੂਰ ਗੀਤਕਾਰ Babu Singh Mann ਵੱਲੋਂ ਲਿਖਿਆ ਗਿਆ ਹੈ, ਜਦਕਿ ਇਸ ਦਾ ਸੰਗੀਤ ਪ੍ਰਸਿੱਧ ਸੰਗੀਤਕਾਰ Gurmeet Singh ਨੇ ਤਿਆਰ ਕੀਤਾ ਹੈ। ਇਸ ਗੀਤ ਨੂੰ ਉਭਰਦੀ ਗਾਇਕਾ Vibh Sidhu ਨੇ ਆਪਣੀ ਆਵਾਜ਼ ਦਿੱਤੀ ਹੈ, ਜੋ ਲੋਕ ਗਾਇਕੀ ਵਿੱਚ ਲਗਾਤਾਰ ਦੋ ਵਾਰ ਪੰਜਾਬ ਯੂਨੀਵਰਸਿਟੀ ਦੀ ਜੇਤੂ ਰਹੀ ਹੈ।
ਗੀਤ ਵਿੱਚ ਮੁੱਖ ਭੂਮਿਕਾ ਚਰਚਿਤ ਅਦਾਕਾਰ Sartaj Sidhu ਨੇ ਨਿਭਾਈ ਹੈ, ਜੋ ਪੰਜਾਬੀ ਫ਼ਿਲਮ White Punjab ਅਤੇ ਕਈ ਵੈੱਬ ਸੀਰੀਜ਼ ਵਿੱਚ ਆਪਣੀ ਅਦਾਕਾਰੀ ਨਾਲ ਜਾਣੇ ਜਾਂਦੇ ਹਨ। ਇਸ ਗੀਤ ਦਾ ਨਿਰਦੇਸ਼ਨ Bobby Bajwa ਨੇ ਕੀਤਾ ਹੈ।
‘ਦਿਲ ਦੇ ਜਾਨੀ’ ਨੂੰ Wavekano Music ਵੱਲੋਂ ਬਲਵਿੰਦਰ ਸਿੰਘ ਅਤੇ ਅਰਸ਼ ਨਾਗਰਾ ਦੀ ਅਗਵਾਈ ਹੇਠ ਰਿਲੀਜ਼ ਕੀਤਾ ਗਿਆ ਹੈ। ਇਸ ਪ੍ਰੋਜੈਕਟ ਨੂੰ ਸਫਲ ਬਣਾਉਣ ਵਿੱਚ ਭੁਪਿੰਦਰ ਸਿੰਘ (ਆਈਏਐਸ), ਲੇਖਕ ਹਰਪ੍ਰੀਤ ਸੇਖੋਂ ਅਤੇ ਨਿਰਮਾਤਾ ਤਲਜਿੰਦਰ ਨਾਗਰਾ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ।
ਸਮਾਗਮ ਦੌਰਾਨ ਮੌਜੂਦ ਕਲਾਕਾਰਾਂ ਅਤੇ ਗਣਮਾਨਯ ਵਿਅਕਤੀਆਂ ਨੇ ਗੀਤ ਦੀ ਕਾਮਯਾਬੀ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ ਅਤੇ ਇਸਨੂੰ ਪੰਜਾਬੀ ਸੰਗੀਤ ਜਗਤ ਲਈ ਇੱਕ ਤਾਜ਼ਗੀ ਭਰਿਆ ਯਤਨ ਦੱਸਿਆ।
