Elections 2026 : ਮਮਤਾ ਬੈਨਰਜੀ ਨੇ ਜਾਰੀ ਕੀਤਾ ਮੈਨੀਫੈਸਟੋ
ਨਵੀ ਦਿੱਲੀ, 20 ਮਾਰਚ 2026 (ਵਿਸ਼ਵ ਵਾਰਤਾ) – ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਅਤੇ ਆਲ ਇੰਡੀਆ ਤ੍ਰਿਣਮੂਲ ਕਾਂਗਰਸ (TMC) ਦੀ ਪ੍ਰਮੁੱਖ ਮਮਤਾ ਬੈਨਰਜੀ ਨੇ ਸ਼ੁੱਕਰਵਾਰ ਨੂੰ ਵਿਧਾਨ ਸਭਾ ਚੋਣਾਂ ਲਈ ਪਾਰਟੀ ਦਾ ਚੋਣ ਮਨੋਰਥ ਪੱਤਰ ਜਾਰੀ ਕੀਤਾ। ਮਮਤਾ ਨੇ ਲਕਸ਼ਮੀ ਭੰਡਾਰ ਯੋਜਨਾ ਦੇ ਤਹਿਤ ਔਰਤਾਂ ਨੂੰ ਹਰ ਮਹੀਨੇ ਮਿਲਣ ਵਾਲੀ ਸਹਾਇਤਾ ਰਾਸ਼ੀ ਵਿੱਚ 500-500 ਰੁਪਏ ਦਾ ਵਾਧਾ ਕਰਨ ਦਾ ਵਾਅਦਾ ਕੀਤਾ ਹੈ।
ਮਨੋਰਥ ਪੱਤਰ ਦੇ ਅਨੁਸਾਰ, ਜੇਕਰ ਮਮਤਾ ਦੀ ਸਰਕਾਰ ਬਣੀ ਤਾਂ ਬੰਗਾਲ ਵਿੱਚ ਜਨਰਲ ਕੈਟੇਗਰੀ ਦੀਆਂ ਔਰਤਾਂ ਨੂੰ ਹਰ ਮਹੀਨੇ ₹1500 ਮਿਲਣਗੇ। ਹੁਣ ਬੰਗਾਲ ਸਰਕਾਰ ਜਨਰਲ ਕੈਟੇਗਰੀ ਦੀਆਂ ਔਰਤਾਂ ਨੂੰ ਹਰ ਮਹੀਨੇ ₹1000 ਦਿੰਦੀ ਹੈ।
ਉੱਥੇ ਹੀ SC/ST ਔਰਤਾਂ ਨੂੰ ₹1700 ਪ੍ਰਤੀ ਮਹੀਨਾ ਦਿੱਤਾ ਜਾਵੇਗਾ। ਹੁਣ SC/ST ਔਰਤਾਂ ਨੂੰ ₹1200 ਮਿਲਦੇ ਹਨ। ਇਸ ਤੋਂ ਇਲਾਵਾ ਮਮਤਾ ਨੇ ਬੇਰੁਜ਼ਗਾਰ ਨੌਜਵਾਨਾਂ ਨੂੰ ₹1500 ਪ੍ਰਤੀ ਮਹੀਨਾ ਦੇਣ ਦਾ ਐਲਾਨ ਕੀਤਾ ਹੈ। ਹਰ ਪਰਿਵਾਰ ਨੂੰ ਪੱਕਾ ਘਰ ਅਤੇ ਹਰ ਘਰ ਵਿੱਚ ਨਲ ਰਾਹੀਂ ਪੀਣ ਦਾ ਸਾਫ਼ ਪਾਣੀ ਪਹੁੰਚਾਉਣ ਦਾ ਵਾਅਦਾ ਵੀ ਕੀਤਾ ਗਿਆ ਹੈ।
ਟੀਐਮਸੀ ਦੇ ਵਿਧਾਨ ਸਭਾ ਚੋਣਾਂ ਜਿੱਤਣ ਤੋਂ ਬਾਅਦ ਅਸੀਂ ‘ਦੁਆਰੇ ਚਿਕਿਤਸਾ’ (ਘਰ-ਘਰ ਜਾ ਕੇ ਡਾਕਟਰੀ ਸੇਵਾ) ਯੋਜਨਾ ਦੀ ਸ਼ੁਰੂਆਤ ਕਰਾਂਗੇ। ਅਸੀਂ ਇਸਨੂੰ ਹਰ ਬੂਥ ‘ਤੇ ਸ਼ੁਰੂ ਕਰਾਂਗੇ ਅਤੇ ਲਗਾਤਾਰ ‘ਦੁਆਰੇ ਚਿਕਿਤਸਾ’ ਕੈਂਪਾਂ ਦਾ ਆਯੋਜਨ ਕਰਾਂਗੇ।
ਮਮਤਾ ਬੈਨਰਜੀ ਨੇ ਚੋਣ ਮਨੋਰਥ ਪੱਤਰ ਜਾਰੀ ਕਰਦਿਆਂ ਕਿਹਾ ਕਿ ਸੂਬੇ ਵਿੱਚ ਬੱਚਿਆਂ ਦੀ ਸਿੱਖਿਆ ਨੂੰ ਹੋਰ ਬਿਹਤਰ ਅਤੇ ਵਿਸ਼ਵ ਪੱਧਰੀ ਬਣਾਉਣ ਲਈ ਹਜ਼ਾਰਾਂ ਸਕੂਲਾਂ ਨੂੰ ਈ-ਲਰਨਿੰਗ ਸਹੂਲਤਾਂ ਨਾਲ ਆਧੁਨਿਕ ਬਣਾਇਆ ਜਾਵੇਗਾ। ਆਉਣ ਵਾਲੇ ਦਿਨਾਂ ਵਿੱਚ ਅਸੀਂ 7-8 ਨਵੇਂ ਜ਼ਿਲ੍ਹੇ, ਬਲਾਕ ਅਤੇ ਇੱਥੋਂ ਤੱਕ ਕਿ ਨਵੀਆਂ ਨਗਰਪਾਲਿਕਾਵਾਂ ਵੀ ਬਣਾਵਾਂਗੇ।
ਬੰਗਾਲ ‘ਚ 23 ਅਤੇ 29 ਅਪ੍ਰੈਲ ਨੂੰ ਵੋਟਿੰਗ ਹੋਵੇਗੀ। ਪਹਿਲੇ ਪੜਾਅ ਦਾ ਨੋਟੀਫਿਕੇਸ਼ਨ 30 ਮਾਰਚ ਨੂੰ ਜਾਰੀ ਹੋਵੇਗਾ। 6 ਅਪ੍ਰੈਲ ਤੱਕ ਨਾਮਜ਼ਦਗੀ ਅਤੇ ਨਾਮ ਵਾਪਸੀ ਦੀ ਇਜਾਜ਼ਤ 9 ਅਪ੍ਰੈਲ ਤੱਕ ਹੋਵੇਗੀ।ਚੋਣ ਨਤੀਜੇ 4 ਮਈ 2026 ਨੂੰ ਆਉਣਗੇ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
