Comedian ਭਾਰਤੀ ਸਿੰਘ ਤੇ ਹਰਸ਼ ਨੇ ਦਿਖਾਇਆ ਛੋਟੇ ਬੇਟੇ ‘ਕਾਜੂ’ ਦਾ ਚਿਹਰਾ
– ਪ੍ਰਸ਼ੰਸਕਾਂ ਨੇ ਖੂਬ ਲੁਟਾਇਆ ਪਿਆਰ!
ਮੁੰਬਈ, 19 ਮਾਰਚ 2026 (ਵਿਸ਼ਵ ਵਾਰਤਾ) – ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ ਇਨ੍ਹੀਂ ਦਿਨੀਂ ਆਪਣੀ ਪੇਸ਼ੇਵਰ ਜ਼ਿੰਦਗੀ ਦੇ ਨਾਲ-ਨਾਲ ਆਪਣੀ ਨਿੱਜੀ ਜ਼ਿੰਦਗੀ ਲਈ ਵੀ ਸੁਰਖੀਆਂ ਵਿੱਚ ਹੈ। ਭਾਰਤੀ ਸਿੰਘ ਅਤੇ ਰਾਈਟਰ-ਪ੍ਰੋਡਿਊਸਰ ਹਰਸ਼ ਲਿੰਬਾਚੀਆ ਨੇ ਆਖ਼ਰਕਾਰ ਆਪਣੇ ਬੇਟੇ ਯਸ਼ਵੀਰ ਦਾ ਚਿਹਰਾ ਦਿਖਾ ਕੇ ਪ੍ਰਸ਼ੰਸਕਾਂ ਨੂੰ ਖੁਸ਼ ਕਰ ਦਿੱਤਾ ਹੈ। ਯਸ਼ਵੀਰ, ਜਿਸ ਨੂੰ ਪਿਆਰ ਨਾਲ ‘ਕਾਜੂ’ ਵੀ ਕਿਹਾ ਜਾਂਦਾ ਹੈ, ਉਸ ਦਾ ਜਨਮ 19 ਦਸੰਬਰ, 2025 ਨੂੰ ਹੋਇਆ ਸੀ।
ਭਾਰਤੀ ਅਤੇ ਹਰਸ਼ ਅਕਸਰ ਆਪਣੀ ਨਿੱਜੀ ਜ਼ਿੰਦਗੀ ਦੀਆਂ ਝਲਕੀਆਂ ਮਜ਼ੇਦਾਰ ਅਤੇ ਦਿਲ ਨੂੰ ਛੂਹ ਲੈਣ ਵਾਲੇ ਅੰਦਾਜ਼ ਵਿੱਚ ਸਾਂਝੀਆਂ ਕਰਦੇ ਰਹਿੰਦੇ ਹਨ। ਲਗਭਗ 3 ਮਹੀਨਿਆਂ ਬਾਅਦ ਭਾਰਤੀ ਸਿੰਘ ਨੇ ਆਪਣੇ ਪਤੀ ਹਰਸ਼ ਲਿੰਬਾਚੀਆ ਅਤੇ ਪਰਿਵਾਰ ਦੇ ਨਾਲ ਮਿਲ ਕੇ ਆਪਣੇ ਛੋਟੇ ਬੇਟੇ ਕਾਜੂ ਦਾ ਚਿਹਰਾ ਦਿਖਾਇਆ ਹੈ, ਜਿਸ ਦਾ ਉਨ੍ਹਾਂ ਦੇ ਫਾਲੋਅਰਜ਼ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ।
ਦੱਸ ਦਈਏ ਕਿ ਉਨ੍ਹਾਂ ਨੇ ਆਪਣੇ ਤਾਜ਼ਾ ਯੂਟਿਊਬ ਵਲੌਗ ਵਿੱਚ ਕਾਜੂ ਦਾ ਚਿਹਰਾ ਦਿਖਾਇਆ, ਜਿਸ ਦਾ ਟਾਈਟਲ ‘ਮਿਲੋ ਸਾਡੇ ਕਾਜੂ ਨੂੰ’ ਸੀ। ਇਸ ਜੋੜੇ ਨੇ ਵਲੌਗ ਰਾਹੀਂ ਆਪਣੇ ਪ੍ਰਸ਼ੰਸਕਾਂ ਨਾਲ ਇਹ ਖਾਸ ਪਲ ਸਾਂਝਾ ਕੀਤਾ ਅਤੇ ਪਹਿਲੀ ਵਾਰ ਆਪਣੇ ਨੰਨ੍ਹੇ-ਮੁੰਨੇ ਦੀ ਇੱਕ ਦਿਲ ਨੂੰ ਛੂਹ ਲੈਣ ਵਾਲੀ ਝਲਕ ਦਿਖਾਈ।ਬੇਬੀ ‘ਕਾਜੂ’ ਦੀ ਪਿਆਰੀ ਜਿਹੀ ਝਲਕ ਦੇਖਣ ਤੋਂ ਬਾਅਦ ਹਰ ਕੋਈ ਬੱਚੇ ‘ਤੇ ਖੂਬ ਪਿਆਰ ਲੁਟਾ ਰਿਹਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
