ਭਾਜਪਾ ਦਾ ਚੋਣ ਮਨੋਰਥ ਪੱਤਰ ਸਿਆਸੀ ਜੁਮਲਿਆਂ ਦਾ ਅਗਲਾ ਅੰਕ‑ਸੁਨੀਲ ਜਾਖੜ
‑ਭਾਜਪਾ ਦੇ ਸਕੰਲਪ ਪੱਤਰ ਨੂੰ ਦੱਸਿਆ ਧੋਖਾ ਪੱਤਰ
ਚੰਡੀਗੜ੍ਹ, 8 ਅਪ੍ਰੈਲ
ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਸ੍ਰੀ ਸੁਨੀਲ ਜਾਖੜ ਨੇ ਭਾਰਤੀ ਜਨਤਾ ਪਾਰਟੀ ਵੱਲੋਂ ਅੱਜ ਜਾਰੀ ਕੀਤੇ ਚੋਣ ਮਨੋਰਥ ਪੱਤਰ ਨੂੰ ਭਾਜਪਾ ਦੇ ਸਿਆਸੀ ਜੁਮਲਿਆਂ ਦਾ ਅਗਲਾ ਅੰਕ ਕਰਾਰ ਦਿੰਦਿਆਂ ਇਸ ਨੂੰ ਭਾਜਪਾ ਦਾ ਦੇਸ਼ ਦੇ ਲੋਕਾਂ ਲਈ ਧੋਖਾ ਪੱਤਰ ਦੱਸਿਆ ਹੈ।
ਸ੍ਰੀ ਸੁਨੀਲ ਜਾਖੜ ਨੇ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਨੇ 2014 ਵਿਚ ਵੀ ਅਜਿਹੇ ਹੀ ਵਾਅਦੇ ਕਰਕੇ ਸਰਕਾਰ ਬਣਾਈ ਸੀ ਪਰ ਸ੍ਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਸਰਕਾਰ ਆਪਣੇ 5 ਸਾਲ ਦੇ ਕਾਰਜਕਾਲ ਦੌਰਾਨ ਆਪਣੇ ਵਾਅਦੇ ਪੂਰੇ ਕਰਨ ਵਿਚ ਨਾਕਾਮ ਰਹੀ ਹੈ ਅਤੇ ਹੁਣ ਚੋਣਾਂ ਤੋਂ ਪਹਿਲਾਂ ਭਾਜਪਾ ਨੇ ਆਪਣੇ ਸਿਆਸੀ ਜੁਮਲਿਆਂ ਦਾ ਨਵਾਂ ਕਿਤਾਬਚਾ ਜਾਰੀ ਕੀਤਾ ਹੈ ਪਰ ਦੇਸ਼ ਦਾ ਅਵਾਮ ਇਸ ਵਾਰ ਭਾਜਪਾ ਦੇ ਜਾਲ ਵਿਚ ਨਹੀਂ ਫਸੇਗਾ।
ਸ੍ਰੀ ਸੁਨੀਲ ਜਾਖੜ ਨੇ ਭਾਜਪਾ ਵੱਲੋਂ ਆਪਣੇ ਚੋਣ ਮਨੋਰਥ ਪੱਤਰ ਵਿਚ ਕਿਸਾਨਾਂ ਨਾਲ ਕੀਤੇ ਵਾਅਦਿਆਂ ਦੀ ਗੱਲ ਕਰਦਿਆਂ ਕਿਹਾ ਕਿ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਸਰਕਾਰ ਨੇ ਆਪਣੇ ਪੰਜ ਸਾਲ ਦੇ ਕਾਰਜਕਾਲ ਵਿਚ ਖੇਤੀ ਵਸਤਾਂ ਤੇ ਜੀਐਸਟੀ ਲਗਾ ਕੇ, ਕਿਸਾਨਾਂ ਨੂੰ ਕੀਮਤਾਂ ਪੂਰੀਆਂ ਨਾ ਦੇਕੇ ਅਤੇ ਐਮ.ਐਸ.ਪੀ. ਦਾ ਐਲਾਣ ਕਰਕੇ ਉਸ ਮੁੱਲ ਤੇ ਫਸਲਾਂ ਦੀ ਖਰੀਦ ਨਾ ਕਰਕੇ ਕਿਸਾਨਾਂ ਨਾਲ ਵੱਡਾ ਧੋਖਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਵਿਚ ਮੱਕੀ, ਨਰਮਾ ਅਤੇ ਸਰੋਂ ਦੀ ਸਰਕਾਰੀ ਖਰੀਦ ਮੋਦੀ ਸਰਕਾਰ ਨੇ ਨਹੀਂ ਕੀਤੀ ਤਾਂ ਫਿਰ ਅਜਿਹੇ ਵਿਚ ਸਿਰਫ ਭਾਅ ਦਾ ਐਲਾਣ ਕਰ ਦੇਣ ਦਾ ਕੀ ਫਾਇਦਾ ਹੋਇਆ। ਉਨ੍ਹਾਂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਵੱਲੋਂ ਆਪਣੀ ਦੋਸ਼ ਪੂਰਨ ਖੇਤੀ ਬੀਮਾ ਯੋਜਨਾ ਦਾ ਦੇਸ਼ ਦੇ ਕਿਸਾਨਾਂ ਨੂੰ ਕੋਈ ਲਾਭ ਨਹੀਂ ਹੋਇਆ ਹੈ। ਖੇਤੀ ਉਪਜਾਂ ਤੇ ਵਸਤਾਂ ਦੇ ਨਿਰਯਾਤ ਦੇ ਵਾਅਦੇ ਨੂੰ ਝੂਠ ਦਾ ਪੁਲੰਦਾ ਦੱਸਦਿਆਂ ਕਿਹਾ ਕਿ ਪੰਜਾਬ ਵਿਚ ਪੈਦਾ ਹੁੰਦੀ ਬਾਸਮਤੀ ਦੇ ਨਿਰਯਾਤ ਨੂੰ ਉਤਸਾਹਿਤ ਕਰਨ ਲਈ ਕੇਂਦਰ ਨੇ ਕੀ ਕੀਤਾ, ਚੰਗਾ ਹੋਵੇ ਜੇ ਭਾਜਪਾ ਆਗੂ ਇਸ ਬਾਰੇ ਦੱਸਣ।
ਸੂਬਾ ਕਾਂਗਰਸ ਪ੍ਰਧਾਨ ਨੇ ਭਾਜਪਾ ਦੇ ਮਨੋਰਥ ਪੱਤਰ ਵਿਚ ਕੀਤੇ ਵਾਅਦਿਆਂ ਤੇ ਚੁਟਕੀ ਲੈਂਦਿਆਂ ਕਿਹਾ ਕਿ ਬੈਂਕ ਤਾਂ ਹੁਣ ਆਮ ਬੰਦੇ ਦੇ ਬੈਂਕ ਖਾਤਾ ਨਹੀਂ ਖੋਲਦੇ ਤਾਂ ਸਟੈਂਡ ਅੱਪ ਇੰਡੀਆਂ ਤੇ ਮੇਕ ਇੰਨ ਇੰਡੀਆਂ ਲਈ ਛੋਟੇ ਉਧਮੀਆਂ ਨੂੰ ਬੈਂਕ ਕਰਜਾ ਕਿੱਥੋਂ ਦੇ ਦੇਣਗੇ। ਉਨ੍ਹਾਂ ਕਿਹਾ ਕਿ ਬੈਂਕਾਂ ਤਾਂ 10 ਲੱਖ ਤੱਕ ਦਾ ਗਰੰਟੀ ਤੋਂ ਬਿਨ੍ਹਾਂ ਕਰਜ ਨਹੀਂ ਦੇ ਰਹੀਆਂ ਤਾਂ 50 ਲੱਖ ਦਾ ਸੁਪਨਾਂ ਕਿਵੇਂ ਸੱਚ ਹੋਵੇਗਾ। ਜਦ ਕਿ ਹਰ ਸਾਲ ਦੋ ਕਰੋੜ ਨੌਕਰੀਆਂ ਦੇ ਵਾਅਦੇ ਤੇ ਵੀ ਭਾਜਪਾ ਸਰਕਾਰ ਪਿੱਛਲੇ ਪੰਜ ਸਾਲ ਵਿਚ ਖਰਾ ਨਹੀਂ ਉਤਰੀ ਹੈ।
ਸ੍ਰੀ ਜਾਖੜ ਨੇ ਕਿਹਾ ਕਿ ਭਾਜਪਾ ਸਰਕਾਰ ਵੱਲੋਂ ਦੋਸ਼ਪੂਰਨ ਜੀਐਸਟੀ ਨੇ ਪਹਿਲਾਂ ਤੋਂ ਹੀ ਵਪਾਰ ਨੂੰ ਵੱਡੀ ਸੱਟ ਮਾਰੀ ਹੈ। ਸ਼ਹਿਰੀ ਵਿਕਾਸ ਸਬੰਧੀ ਭਾਜਪਾ ਦੇ ਤਾਜਾ ਘੋਸ਼ਣਾਵਾਂ ਤੇ ਟਿੱਪਣੀ ਕਰਦਿਆਂ ਸ੍ਰੀ ਜਾਖੜ ਨੇ ਕਿਹਾ ਕਿ ਭਾਜਪਾ ਸਰਕਾਰ ਚੰਗਾ ਹੁੰਦਾ ਜੇਕਰ ਇਹ ਵੀ ਦੱਸਦੀ ਕਿ ਪਿੱਛਲੇ 5 ਸਾਲਾਂ ਵਿਚ ਦੇਸ਼ ਵਿਚ ਕਿੰਨ੍ਹੇ ਸਮਾਰਟ ਸਿਟੀ ਬਣੇ ਹਨ।
ਪੰਜਾਬ ਪ੍ਰਦੇਸ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਸ੍ਰੀ ਜਾਖੜ ਨੇ ਕਿਹਾ ਕਿ ਸਿਰਫ ਵਾਅਦੇ ਕਰਨਾ ਹੀ ਕਾਫੀ ਨਹੀਂ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਵਾਅਦਿਆਂ ਨੂੰ ਪੂਰਾ ਕਰਨ ਦਾ ਜਜਬਾ, ਨੀਤੀ ਅਤੇ ਨੀਅਤ ਵੀ ਹੋਣੀ ਚਾਹੀਦੀ ਹੈ ਜੋ ਕਿ ਭਾਜਪਾ ਵਿਚ ਨਹੀਂ ਹੈ। ਦੂਜੇ ਪਾਸੇ ਕਾਂਗਰਸ ਨੇ ਆਪਣੇ ਪਿੱਛਲੇ 10 ਸਾਲ ਦੇ ਕਾਰਜਕਾਲ ਵਿਚ ਨਰੇਗਾ, ਭੋਜਨ ਸੁਰੱਖਿਆ ਕਾਨੂੰਨ, ਆਰਟੀਆਈ, ਸਿੱਖਿਆ ਦਾ ਅਧਿਕਾਰ ਕਾਨੂੰਨ ਵਰਗੇ ਵੱਡੇ ਕ੍ਰਾਂਤੀਕਾਰੀ ਬਦਲਾਅ ਕੀਤੇ ਸਨ ਅਤੇ ਹੁਣ ਵੀ ਜਿੰਨ੍ਹਾਂ ਸੂਬਿਆਂ ਵਿਚ ਕਾਂਗਰਸ ਦੀਆਂ ਸਰਕਾਰਾਂ ਹਨ ਉਨ੍ਹਾਂ ਨੇ ਆਪਣੇ ਚੋਣ ਵਾਅਦੇ ਇੰਨਬਿੰਨ੍ਹ ਲਾਗੂ ਕਰਨ ਨੂੰ ਪਹਿਲ ਦਿੱਤੀ ਹੈ। ਉਨ੍ਹਾਂ ਨੇ ਦੁਹਰਾਇਆ ਕਿ ਇਨ੍ਹਾਂ ਆਮ ਚੋਣਾਂ ਵਿਚ ਦੇਸ਼ ਵਿਚ ਕਾਂਗਰਸ ਦੀ ਸਰਕਾਰ ਬਣਨਾ ਤੈਅ ਹੈ।
ਪੰਜਾਬ-ਹਰਿਆਣਾ ਅਤੇ ਚੰਡੀਗੜ੍ਹ ‘ਚ ਬਦਲਿਆ ਮੌਸਮ ਦਾ ਮਿਜ਼ਾਜ
ਪੰਜਾਬ-ਹਰਿਆਣਾ ਅਤੇ ਚੰਡੀਗੜ੍ਹ 'ਚ ਬਦਲਿਆ ਮੌਸਮ ਦਾ ਮਿਜ਼ਾਜ ਚੰਡੀਗੜ੍ਹ, 27ਮਾਰਚ(ਵਿਸ਼ਵ ਵਾਰਤਾ)-ਵੈਸਟਰਨ ਡਿਸਟਰਬੈਂਸ ਦੇ ਅੰਸ਼ਿਕ ਪ੍ਰਭਾਵ ਕਾਰਨ ਜ਼ਿਆਦਾਤਰ ਇਲਾਕਿਆਂ 'ਚ ਬੱਦਲਵਾਈ...