Health: ਛੋਟੀ ਜਿਹੀ ਇਲਾਇਚੀ ਕਰਦੀ ਹੈ ਕਈ ਸਿਹਤ ਸਮੱਸਿਆਵਾਂ ਦੂਰ, ਜਾਣੋ,ਕਿਹੜੀਆਂ ਸਮੱਸਿਆਵਾਂ ਤੋਂ ਪਾ ਸਕਦੇ ਹਾਂ ਛੁਟਕਾਰਾ ?
ਚੰਡੀਗੜ੍ਹ, 5 ਮਾਰਚ 2026 (ਵਿਸ਼ਵ ਵਾਰਤਾ) – ਜਦ ਵੀ ਕਦੇ ਵਧੀਆ ਚਾਹ ਦੀ ਗੱਲ ਆਉਂਦੀ ਏ ਤਾਂ ਇਹ ਕਿਹਾ ਜਾਂਦਾ ਹੈ ਕਿ ਇਲਾਇਚੀ ਵਾਲੀ ਚਾਹ ਬਣਾ ਲਵੋ ਹਾਲਾਂਕਿ ਇਲਾਇਚੀ ਨੂੰ ਚਾਹ ਦੇ ਮਸਾਲੇ ਵਜੋਂ ਵਰਤਿਆ ਜਾਂਦਾ ਹੈ ਪਰ ਤੁਸੀਂ ਜਾਣ ਕੇ ਹੈਰਾਨ ਰਹਿ ਜਾਵੋਗੇ ਕਿ ਇਸ ਦੇ ਹੋਰ ਵੀ ਬਹੁਤ ਸਾਰੇ ਫਾਇਦੇ ਨੇ । ਅਕਸਰ ਹੀ ਇਸ ਨੂੰ ਸਾਹ ਦੀ ਬਦਬੂ ਦੂਰ ਕਰਨ ,ਐਸੀਡਿਟੀ ਘਟਾਉਣ ਤੇ ਪਾਚਨ ਕਿਰਿਆ ਨੂੰ ਵਧੀਆ ਬਣਾਉਣ ਲਈ ਵੀ ਇਸ ਦੀ ਵਰਤੋਂ ਕੀਤੀ ਜਾਂਦੀ ਹੈ।
ਹਾਲਾਂਕਿ ਸਿਹਤ ਮਾਹਿਰ ਕਹਿੰਦੇ ਨੇ ਕਿ ਛੋਟੀ ਇਲਾਇਚੀ ਨਾਲ -ਨਾਲ ਵੱਡੀ ਇਲਾਇਚੀ ਦੇ ਵੀ ਕਾਫੀ ਸਾਰੇ ਫਾਇਦੇ ਨੇ ਮਾਹਿਰ ਕਹਿੰਦੇ ਨੇ ਕਿ ਇਸ ਦੇ ਨਾਲ ਖੰਘ ਜ਼ੁਕਾਮ ਦੀ ਸਮੱਸਿਆ ਖਤਮ ਹੁੰਦੀ ਹੈ ਜੋ ਅਕਸਰ ਹੀ ਬਦਲਦੇ ਮੌਸਮ ਤੇ ਸਰਦੀ ਦੇ ਦਿਨਾਂ ’ਚ ਅਕਸਰ ਹੀ ਹੋ ਜਾਂਦੀ ਹੈ ਸੋ ਇਹ ਘਰੇਲੂ ਨੁਸਖਾ ਵਰਤ ਕੇ ਇਹ ਸਮੱਸਿਆ ਆਸਾਨੀ ਨਾਲ ਦੂਰ ਹੋ ਜਾਂਦੀ ਹੈ।
ਅੱਜਕੱਲ੍ਹ ਬਹੁਤੇ ਲੋਕ ਬਾਹਰ ਦਾ ਖਾਣਾ ਪਸੰਦ ਕਰਦੇ ਨੇ ਤੇ ਫਿਰ ਸ਼ੁਰੂ ਹੁੰਦੀਆਂ ਨੇ ਪੇਟ ਦੀਆਂ ਸਮੱਸਿਆਵਾਂ ਤੇ ਨਾਲ ਹੀ ਮੂੰਹ ਦੀਆਂ ਸਮੱਸਿਆਵਾਂ ਦਾ ਵੀ ਸਾਹਮਣਾ ਕਰਨਾ ਪੈਂਦਾ ਹੈ। ਪਰ ਸੌਖੇ ਜੇ ਘਰੇਲੂ ਨੁਸਖੇ ਨਾਲ ਇਹ ਸਮੱਸਿਆ ਦੂਰ ਹੋ ਜਾਂਦੀ ਹੈ ਸਿਹਤ ਮਾਹਿਰ ਕਹਿੰਦੇ ਨੇ ਕਿ ਖਾਣੇ ਤੋਂ ਬਾਅਦ ਇਕ -ਦੋ ਇਲਾਇਚੀਆਂ ਚਬਾਉਣ ਨਾਲ ਸਾਹ ਦੀ ਬਦਬੂ ਦੂਰ ਹੁੰਦੀ ਹੈ ਤੇ ਪਾਚਨ ਕਿਰਿਆ ਵੀ ਠੀਕ ਰਹਿੰਦੀ ਹੈ।
ਐਸੀਡਿਟੀ ਵੀ ਇਕ ਵੱਡੀ ਸਮੱਸਿਆ ਬਣ ਚੁੱਕੀ ਹੈ ਜੋ ਸਾਡੀਆਂ ਗਲਤ ਖਾਣ -ਪੀਣ ਦੀਆਂ ਆਦਤਾਂ ਕਰਕੇ ਹੁੰਦੀ ਹੈ ਪਰ ਇਸ ਸਮੱਸਿਆ ਦਾ ਹੱਲ ਵੀ ਘਰ ਦੇ ਵਿਚ ਹੀ ਹੈ ਇਸ ਦੇ ਲਈ 2 ਇਲਾਇਚੀਆਂ ਨੂੰ ਪੀਸ ਕੇ ਇੱਕ ਕੱਪ ਕੋਸੇ ਪਾਣੀ ਵਿਚ ਉਬਾਲਣਾ ਹੈ ਤੇ ਉਸ ਤੋਂ ਬਾਅਦ ਛਾਣ ਕੇ ਇਸ ਪਾਣੀ ਦੀ ਵਰਤੋਂ ਕਰੋ ।ਇਸ ਨਾਲ ਨਾ ਸਿਰਫ ਐਸੀਡਿਟੀ ਤੋਂ ਛੁਟਕਾਰਾ ਮਿਲੇਗਾ ਬਲਕਿ ਪੇਟ ਦੀ ਜਲਣ ਤੇ ਬਦਹਜ਼ਮੀ ਨੂੰ ਵੀ ਇਹ ਘਰੇਲੂ ਨੁਸਖਾ ਦੂਰ ਕਰਦਾ ਹੈ।
ਜ਼ਿੰਦਗੀ ’ਚ ਕੰਮਾਂ ਕਾਰਾਂ ਕਰਕੇ ਅਸੀਂ ਐਨੇ ਉਲਝੇ ਹੋਏ ਹਾਂ ਕਿ ਅੱਜ ਹਰ ਕੋਈ ਤਣਾਅ ਦੇ ਨਾਲ ਲੜ ਰਿਹਾ ਹੈ ਤੇ ਮਾਹਿਰ ਕਹਿੰਦੇ ਨੇ ਕਿ ਤਣਾਅ ਘੱਟ ਕਰਨ ਲਈ ਇਲਾਇਚੀ ਦੀ ਚਾਹ ਬਣਾ ਕੇ ਸਵੇਰੇ ਸ਼ਾਮ ਪੀਓ। ਅਜਿਹਾ ਕਰਨ ਨਾਲ ਮਨ ਸ਼ਾਂਤ ਤੇ ਤਾਜ਼ਗੀ ਮਹਿਸੂਸ ਕਰਦਾ ਹੈ ਤੇ ਇਸਦੀ ਖੁਸ਼ਬੂ ਤਣਾਅ ਨੂੰ ਘਟਾਉਂਦੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
