T20 World Cup: ਭਾਰਤ ਦਾ ਦੂਜਾ ਮੈਚ ਅੱਜ ਨਾਮੀਬੀਆ ਨਾਲ
ਨਵੀਂ ਦਿੱਲੀ, 12 ਫਰਵਰੀ 2026 – ਮੇਜ਼ਬਾਨ ਭਾਰਤ ਅੱਜ ਟੀ-20 ਵਿਸ਼ਵ ਕੱਪ (T20 World Cup) ਦੇ 18ਵੇਂ ਮੈਚ ਵਿੱਚ ਨਾਮੀਬੀਆ ਨਾਲ ਭਿੜੇਗਾ। ਇਹ ਮੈਚ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ਵਿੱਚ ਸ਼ਾਮ 7 ਵਜੇ ਸ਼ੁਰੂ ਹੋਵੇਗਾ ਅਤੇ ਟਾਸ ਸ਼ਾਮ 6:30 ਵਜੇ ਹੋਵੇਗਾ।
ਭਾਰਤ ਨੇ ਪਹਿਲੇ ਮੈਚ ਵਿੱਚ ਅਮਰੀਕਾ ਨੂੰ ਹਰਾਇਆ ਸੀ, ਜਦੋਂ ਕਿ ਨਾਮੀਬੀਆ ਨੀਦਰਲੈਂਡ ਤੋਂ ਹਾਰ ਗਿਆ ਸੀ। ਅੱਜ ਦੀ ਜਿੱਤ ਭਾਰਤ ਨੂੰ ਗਰੁੱਪ ਏ ਪੁਆਇੰਟ ਟੇਬਲ ਵਿੱਚ ਸਿਖਰ ‘ਤੇ ਪਹੁੰਚਾ ਸਕਦੀ ਹੈ। ਨਾਮੀਬੀਆ ਕੋਲ ਵੀ ਜਿੱਤ ਨਾਲ ਦੂਜੇ ਨੰਬਰ ‘ਤੇ ਪਹੁੰਚਣ ਦਾ ਮੌਕਾ ਹੈ। ਪਾਕਿਸਤਾਨ 4 ਅੰਕਾਂ ਨਾਲ ਪਹਿਲੇ ਨੰਬਰ ‘ਤੇ ਹੈ।
ਨਾਮੀਬੀਆ ਨੇ ਟੀ-20 ਵਿਸ਼ਵ ਕੱਪ ਵਿੱਚ 16 ਮੈਚ ਖੇਡੇ ਹਨ, ਜਿਨ੍ਹਾਂ ਵਿੱਚੋਂ 4 ਜਿੱਤੇ ਹਨ ਅਤੇ 11 ਹਾਰੇ ਹਨ। ਇੱਕ ਮੈਚ ਟਾਈ ਵੀ ਹੋਇਆ ਹੈ। ਟੀਮ ਨੇ 2022 ਵਿੱਚ ਸ਼੍ਰੀਲੰਕਾ ਨੂੰ ਵੀ ਹਰਾਇਆ ਸੀ। ਨਾਮੀਬੀਆ ਨੇ ਵਿਸ਼ਵ ਕੱਪ ਵਿੱਚ ਵੀ ਇੱਕ ਵਾਰ 2021 ਵਿੱਚ ਭਾਰਤ ਦਾ ਸਾਹਮਣਾ ਕੀਤਾ ਸੀ, ਪਰ ਹਾਰ ਗਿਆ ਸੀ।
ਨਾਮੀਬੀਆ ਵਿਰੁੱਧ ਮੈਚ ਤੋਂ ਪਹਿਲਾਂ ਭਾਰਤ ਨੂੰ ਵੱਡਾ ਝਟਕਾ ਲੱਗਾ ਹੈ। ਓਪਨਰ ਅਭਿਸ਼ੇਕ ਸ਼ਰਮਾ ਦੀ ਸਿਹਤ ਠੀਕ ਨਹੀਂ ਹੈ, ਜਿਸ ਕਾਰਨ ਅੱਜ ਦੇ ਮੈਚ ਵਿੱਚ ਉਨ੍ਹਾਂ ਦਾ ਖੇਡਣਾ ਮੁਸ਼ਕਲ ਲੱਗ ਰਿਹਾ ਹੈ। ਉਨ੍ਹਾਂ ਦੀ ਜਗ੍ਹਾ ਵਿਕਟਕੀਪਰ ਸੰਜੂ ਸੈਮਸਨ ਨੂੰ ਚੁਣਿਆ ਜਾ ਸਕਦਾ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
