Haryana : ਫਰੀਦਾਬਾਦ ਦੇ ਸੂਰਜਕੁੰਡ ਮੇਲੇ ‘ਚ ਝੂਲਾ ਡਿੱਗਿਆ
– ਝੂਲੇ ‘ਤੇ ਸਨ 18 ਲੋਕ; ਇਕ ਪੁਲਿਸ ਇੰਸਪੈਕਟਰ ਦੀ ਮੌਤ
– ਕਈ ਲੋਕ ਜ਼ਖਮੀ
ਹਰਿਆਣਾ, 7 ਫਰਵਰੀ 2026 (ਵਿਸ਼ਵ ਵਾਰਤਾ) – ਫਰੀਦਾਬਾਦ (Haryana) ਵਿੱਚ ਚੱਲ ਰਹੇ ਸੂਰਜਕੁੰਡ ਮੇਲੇ ਵਿੱਚ ਸ਼ਨੀਵਾਰ ਨੂੰ ਇੱਕ ਝੂਲਾ ਡਿੱਗ ਗਿਆ। ਹਾਦਸੇ ਵਿੱਚ ਇੱਕ ਪੁਲਿਸ ਇੰਸਪੈਕਟਰ ਦੀ ਮੌਤ ਹੋ ਗਈ, ਜਦਕਿ 13 ਲੋਕ ਜ਼ਖਮੀ ਹੋ ਗਏ। ਜ਼ਖਮੀਆਂ ਦਾ ਨਿੱਜੀ ਅਤੇ ਬਾਦਸ਼ਾਹ ਖਾਨ ਸਿਵਲ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ। ਘਟਨਾ ਤੋਂ ਬਾਅਦ ਡਿਪਟੀ ਕਮਿਸ਼ਨਰ (DC) ਆਯੂਸ਼ ਸਿਨਹਾ ਘਟਨਾ ਸਥਾਨ ‘ਤੇ ਪਹੁੰਚੇ ਅਤੇ ਮੇਲਾ ਗਰਾਊਂਡ ਨੂੰ ਖਾਲੀ ਕਰਵਾ ਦਿੱਤਾ ਗਿਆ। ਝੂਲੇ ‘ਤੇ 18 ਲੋਕ ਬੈਠੇ ਹੋਏ ਸਨ।
ਦੱਸ ਦਈਏ ਕਿ 39ਵਾਂ ਇੰਟਰਨੈਸ਼ਨਲ ਸੂਰਜਕੁੰਡ ਕਰਾਫਟ ਮੇਲਾ 31 ਜਨਵਰੀ ਨੂੰ ਸ਼ੁਰੂ ਹੋਇਆ ਸੀ, ਜਿਸ ਦਾ ਉਦਘਾਟਨ ਉਪ-ਰਾਸ਼ਟਰਪਤੀ ਸੀ.ਪੀ. ਰਾਧਾਕ੍ਰਿਸ਼ਨਨ ਨੇ ਕੀਤਾ। ਇਹ ਮੇਲਾ 15 ਫਰਵਰੀ ਤੱਕ ਚਲਣਾ ਸੀ। ਇਸ ਵਿੱਚ ਭਾਰਤ ਦੇ 30 ਰਾਜਾਂ ਦੇ ਲਗਭਗ 1150 ਕਲਾਕਾਰ ਹਿੱਸਾ ਲੈ ਰਹੇ ਹਨ। ਨਾਲ ਹੀ 46 ਦੇਸ਼ਾਂ ਦੇ ਕਲਾਕਾਰ ਵੀ ਪਹੁੰਚੇ ਹਨ। ਅੱਜ ਦੀ ਘਟਨਾ ਦੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਝੂਲਾ ਉੱਪਰੋਂ ਡਿੱਗਦਾ ਦਿਖਾਈ ਦੇ ਰਿਹਾ ਹੈ ਅਤੇ ਮੇਲੇ ਵਿੱਚ ਲੋਕ ਇੱਧਰ-ਉੱਧਰ ਭੱਜਣ ਲੱਗੇ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
