Canada ‘ਚ ਇੱਕ ਪੰਜਾਬੀ ਦਾ ਨਵਾਂ ਕਾਰਾ: ਨੌਕਰੀ ਦੇਣ ਦੇ ਬਹਾਨੇ ਕੁੜੀਆਂ ਕੋਲੋਂ ਕਰਦਾ ਸੀ ਇਹ ਮੰਗ
ਚੰਡੀਗੜ੍ਹ, 30 ਜਨਵਰੀ 2026 (ਵਿਸ਼ਵ ਵਾਰਤਾ) – ਕੈਨੇਡਾ (Canada) ਵਿੱਚ ਪੁਲਿਸ ਨੇ ਇੱਕ ਪੰਜਾਬੀ ਵਿਅਕਤੀ ਨੂੰ ਨੌਕਰੀਆਂ ਦਾ ਵਾਅਦਾ ਕਰਨ ਦੀ ਆੜ ਵਿੱਚ ਕੁੜੀਆਂ ਦਾ ਜਿਨਸੀ ਸ਼ੋਸ਼ਣ ਕਰਨ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਹੈ। ਉਹ ਇੱਕ ਜਾਅਲੀ ਕੰਪਨੀ ਦੇ ਮਾਲਕ ਜਾਂ ਨੌਕਰੀ ਦੇਣ ਵਾਲੇ ਵਜੋਂ ਆਪਣੇ ਆਪ ਨੂੰ ਪੇਸ਼ ਕਰਦਾ ਸੀ ਅਤੇ ਕੁੜੀਆਂ ਨੂੰ ਸੁੰਨਸਾਨ ਥਾਂ ‘ਤੇ ਲਿਜਾ ਕੇ ਉਨ੍ਹਾਂ ‘ਤੇ ਨੌਕਰੀ ਦੇਣ ਦੇ ਬਹਾਨੇ ਜਿਨਸੀ ਸੰਬੰਧ ਬਣਾਉਣ ਦਾ ਦਬਾਅ ਪਾਉਂਦਾ ਸੀ।
ਇਸ ਦੇ ਲਈ ਮੁਲਜ਼ਮ Kijiji ਪਲੇਟਫਾਰਮਾਂ ‘ਤੇ ਨੌਕਰੀਆਂ ਲਈ ਇਸ਼ਤਿਹਾਰ ਦਿੰਦਾ ਸੀ, ਅਤੇ ਨੌਕਰੀ ਲਈ ਸਿਰਫ਼ ਕੁੜੀਆਂ ਦੀ ਮੰਗ ਕਰਦਾ ਸੀ। ਜਦੋਂ ਕੁੜੀਆਂ ਉਸ ਨਾਲ ਸੰਪਰਕ ਕਰਦੀਆਂ ਸਨ ਅਤੇ ਉਸਨੂੰ ਮਿਲਣ ਆਉਂਦੀਆਂ ਸਨ, ਤਾਂ ਉਹ ਉਨ੍ਹਾਂ ਨੂੰ ਇਕਾਂਤ ਥਾਵਾਂ ‘ਤੇ ਲੈ ਜਾਂਦਾ ਸੀ ਅਤੇ ਉਨ੍ਹਾਂ ਨਾਲ ਉਨ੍ਹਾਂ ‘ਤੇ ਦਬਾਅ ਪਾ ਕੇ ਬਲਾਤਕਾਰ ਕਰਦਾ ਸੀ। ਮੁਲਜ਼ਮ ਦਤੇਜਿੰਦਰ ਧਾਲੀਵਾਲ ਦਾ ਇਹ ਕਾਰਨਾਮਾ ਉਦੋਂ ਸਾਹਮਣੇ ਆਏ ਜਦੋਂ ਦੋ ਕੁੜੀਆਂ ਨੇ ਪੁਲਿਸ ਕੋਲ ਪਹੁੰਚ ਕੀਤੀ। ਉਨ੍ਹਾਂ ਵਿੱਚੋਂ ਇੱਕ ਨੇ ਤਾਂ ਇਹ ਵੀ ਕਿਹਾ ਕਿ ਤੇਜਿੰਦਰ ਨੇ ਨੌਕਰੀ ਦੇ ਬਦਲੇ ਉਸ ਨਾਲ ਸੈਕਸ ਦੀ ਮੰਗ ਕੀਤੀ। ਉਸਨੇ ਕਈ ਕੁੜੀਆਂ ਨੂੰ ਆਪਣਾ ਸ਼ਿਕਾਰ ਬਣਾਇਆ।
ਇਸੇ ਲਈ, ਜਦੋਂ ਪੁਲਿਸ ਨੇ 26 ਜਨਵਰੀ ਨੂੰ ਉਸਨੂੰ ਗ੍ਰਿਫ਼ਤਾਰ ਕੀਤਾ, ਤਾਂ ਉਨ੍ਹਾਂ ਨੇ ਉਸਦੀ ਫੋਟੋ ਜਾਰੀ ਕਰ ਦਿੱਤੀ, ਤਾਂ ਜੋ ਅੱਗੇ ਤੋਂ ਅਜਿਹਾ ਨਾ ਕਰ ਸਕੇ ਅਤੇ ਪੁਲਿਸ ਨੇ ਇਹ ਵੀ ਅਪੀਲ ਕੀਤੀ ਹੈ ਕਿ ਜੇਕਰ ਕੋਈ ਹੋਰ ਕੁੜੀਆਂ ਉਸਦੀ ਸਕੀਮ ਦਾ ਸ਼ਿਕਾਰ ਹੋਈਆਂ ਹਨ ਤਾਂ ਪੁਲਿਸ ਨਾਲ ਸੰਪਰਕ ਕਰਨ।
ਬਰੈਂਪਟਨ ਪੁਲਿਸ (Canada) ਨੇ ਦੱਸਿਆ ਕਿ ਲੰਬੀ ਜਾਂਚ ਅਤੇ ਸੁਰਾਗ ਇਕੱਠੇ ਕਰਨ ਤੋਂ ਬਾਅਦ, ਤੇਜਿੰਦਰ ਧਾਲੀਵਾਲ ਨੂੰ 26 ਜਨਵਰੀ, 2026 ਨੂੰ ਬਰੈਂਪਟਨ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸ ‘ਤੇ ਜਿਨਸੀ ਸ਼ੋਸ਼ਣ ਅਤੇ ਨੌਕਰੀ ਦੇ ਬਦਲੇ ਜਿਨਸੀ ਸੇਵਾਵਾਂ ਦੀ ਮੰਗ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ। ਪਰ 27 ਜਨਵਰੀ ਨੂੰ ਅਦਾਲਤ ਦੀ ਸੁਣਵਾਈ ਤੋਂ ਤੁਰੰਤ ਬਾਅਦ ਤੇਜਿੰਦਰ ਨੂੰ ਜ਼ਮਾਨਤ ਦੇ ਦਿੱਤੀ ਗਈ ਸੀ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/
