Most Beautiful Faces of 2025: ਸਾਲ 2025 ਦੇ 100 ਸਭ ਤੋਂ ਸੁੰਦਰ ਚਿਹਰਿਆਂ’ ਦੀ ਸੂਚੀ ਜਾਰੀ, ਪੜ੍ਹੋ ਵੇਰਵਾ
– ‘ਬਲੈਕਪਿੰਕ’ ਦੀ ਰੋਜ਼ ਬਣੀ ਇਸ ਸਾਲ ਦਾ ਸਭ ਤੋਂ ਸੁੰਦਰ ਚਿਹਰਾ
ਨਵੀ ਦਿੱਲੀ, 30 ਦਸੰਬਰ 2025 (ਵਿਸ਼ਵ ਵਾਰਤਾ) – ਅਮਰੀਕੀ ਸੰਸਥਾ ਟੀਸੀ ਕੈਂਡਲਰ ਵੱਲੋਂ ਸਾਲ 2025 ਦੇ 100 ਸਭ ਤੋਂ ਸੁੰਦਰ ਚਿਹਰਿਆਂ’ (Most Beautiful Faces of 2025) ਦੀ ਸੂਚੀ ਜਾਰੀ ਕੀਤੀ ਗਈ ਹੈ। ਇਸ ਸੂਚੀ ‘ਚ ਦੱਖਣੀ ਕੋਰੀਆਈ ਕੇ-ਪੌਪ ਗਰੁੱਪ ਬਲੈਕਪਿੰਕ ਦੀ ਗਾਇਕਾ ਰੋਜ਼ ਨੂੰ 2025 ਦੇ 100 ਸਭ ਤੋਂ ਸੁੰਦਰ ਚਿਹਰਿਆਂ’ ਦੀ ਸੂਚੀ ਵਿੱਚ ਪਹਿਲਾ ਸਥਾਨ ਮਿਲਿਆ ਹੈ। ਅਮਰੀਕੀ ਅਦਾਕਾਰਾ ਸਿਡਨੀ ਸਵੀਨੀ ਦੂਜੇ ਸਥਾਨ ‘ਤੇ ਆਈ। ਕੇ-ਪੌਪ ਸਮੂਹ ਬੇਬੀ ਮੌਨਸਟਰ ਦੀ ਥਾਈ ਗਾਇਕਾ ਫਰੀਤਾ ਤੀਜੇ ਸਥਾਨ ‘ਤੇ ਆਈ।

ਸਭ ਤੋਂ ਸੁੰਦਰ ਚਿਹਰਿਆਂ’ ਦੀ ਸੂਚੀ ਵਿੱਚ ਭਾਰਤ ਦੀਆਂ ਤਿੰਨ ਅਭਿਨੇਤਰੀਆਂ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਮਿਸ ਯੂਨੀਵਰਸ 2021 ਹਰਨਾਜ਼ ਸੰਧੂ ਇਸ ਸੂਚੀ ‘ਚ 55ਵੇਂ ਸਥਾਨ ‘ਤੇ ਰਹੀ, ਜੋ ਕਿ ਸੂਚੀ ਵਿੱਚ ਉਸਦਾ ਤੀਜਾ ਸਾਲ ਹੈ। ਪ੍ਰਿਯੰਕਾ ਚੋਪੜਾ 67ਵੇਂ ਸਥਾਨ ‘ਤੇ ਰਹੀ, ਜੋ ਕਿ ਸੂਚੀ ਵਿੱਚ ਉਸਦਾ ਅੱਠਵਾਂ ਸਾਲ ਹੈ। ਪੂਜਾ ਹੇਗੜੇ 81ਵੇਂ ਸਥਾਨ ‘ਤੇ ਰਹੀ, ਜੋ ਕਿ ਸੂਚੀ ਵਿੱਚ ਉਸਦਾ ਉਸਦਾ ਚੌਥਾ ਸਾਲ ਹੈ।

ਦੱਸ ਦਈਏ ਕਿ ਅਮਰੀਕੀ ਸੰਸਥਾ ਟੀਸੀ ਕੈਂਡਲਰ ਦੁਆਰਾ ਜਾਰੀ ਕੀਤੀ ਜਾਂਦੀ ਇਸ ਸੂਚੀ ‘ਚ ਦੁਨੀਆ ਭਰ ਦੀਆਂ ਕਈ ਮਸ਼ਹੂਰ ਹਸਤੀਆਂ ਅਤੇ ਚਿਹਰੇ ਸ਼ਾਮਲ ਹਨ। ਇਹ ਸੂਚੀ ਵੱਖ-ਵੱਖ ਮਾਪਦੰਡਾਂ ‘ਤੇ ਅਧਾਰਤ ਹੈ, ਜਿਵੇਂ ਕਿ Aesthetics, Grace, Originality ਅਤੇ ਇਸ ਵਿੱਚ ਸਿਰਫ਼ ਮਸ਼ਹੂਰ ਹਸਤੀਆਂ ਹੀ ਨਹੀਂ ਸਗੋਂ ਆਮ ਲੋਕ ਵੀ ਸ਼ਾਮਲ ਕੀਤੇ ਜਾਂਦੇ ਹਨ। ਇਹ ਸੂਚੀ ਸਾਲ ਦੇ ਅਖੀਰ ‘ਚ ਜਾਰੀ ਕੀਤੀ ਜਾਂਦੀ ਹੈ।
ਹੋਰ ਖਬਰਾਂ ਪੜ੍ਹਨ ਲਈ ਦਿੱਤੇ ਗਏ ਲਿੰਕ ਤੇ ਕਲਿੱਕ ਕਰੋ : https://wishavwarta.in/























